Ngalatiya 2:13 - Livulu lya Shukulu Kalunga

¹³ Co vaYunda vamo vaka-kukulaela valingile civembulu ngwe Petulu, nameme Mbanambasa nendi watangukile na civembulu cavo.

Ngalatiya 2:13 Iomraidhean Croise

Kushangumuka 27:24

oloni wamwihwile lalo ngwendi, “Mwa vushunga yove Isau ndi?” Co Yakomba wamukumbulwile ngwendi, “Yange vene.”

2 Samwele 16:19

A vyuma vyoshe evi iya injinapande kupangela, kuma kesi muna shukulu yange ndi? Muje munjapangelele isho, mukemwo munjikakupangela lalo nove.”

Yombi 15:12

Oloni yove ulinakumbwenga-mbwenga, nakukenga kuli yetu shwii, na vukalu.

Muka-kwambulula 10:1

Vinzinzi vakutsila mu lilulu lya mazi akuvwava akunika lwengo lwaluvwa vakalingisa aje mazi kunika mwamuvi, co na vulema vwavundondo vwasa kuviisa mana na kasingimiko.

Muka-kwambulula 7:20

Kukwesi umo ano asi muka-kulinga vya vushunga simbu yoshe uje kesi kulinga vuvi.

Mateo 23:28

Neni vanu lalo akumikenga, munapu ngwe mu vaka-vushunga, oloni mu vimbunge vyeni munashulu na civembulu na vivi.

Vilinga vya Miluwa 4:36

Co Yosefa, kaLevi uje wasemukilile mu Sepulasi, uje miluwa vamutumbwile ngwavo Mbanambasa (kulumbunuka ngwavo, “Muka-kuzembeleka”),

1 Kolinte 12:2

Mwazivuka ngeci omo laja mwakele vaka-kujeneka kukulaela, vamitwamenenene nakumisevwisa mu vingila vyavingi mukulemesa tumponya kutwesi na mwonyo.

1 Kolinte 15:33

Kesi vamikwise, “Vwilanyo vwavuvi vuviisa vilinga vyavivwa.”

1 Kolinte 5:6

Kumwapandele kulyalesa embwe! Mwazivuka muvakendeka ngwavo, “Musima waundondo wasa kufutunwisa mukasha woshe wamutunu.”

1 Kolinte 8:9

Oloni nyanyameni kutewa moko yeni ikapwa cimbundi cakutanukisa vaje vanazeye mukukukulaela ngeci vawile mu vuvi.

Ngalatiya 2:1

Asinoni omo kwetile myaka likumi na iwana, co njelukile ku Yelusalema amo na Mbanambase, njaile amolika na Tito.

Ngalatiya 2:9

Yakomba, Petulu na Yowano, vaje vapwile vantwama, vamwene ngeci Njambi nanjana vipangi evi vyavivwa, co vatukwatele mu mavoko yange na Mbanambasa, kupwa cimweso ngeci yetu voshe twapwile vaka-kupangela amo. Twalizivasanene ngeci Mbanambasa nange tuye kuli vaje kesi vaYunda, co vakevo vaye kuli vaYunda.

Efeso 4:14

Co kutukapu lalo vanike, vaje vauungumuka na mankimba nakupekumuka noku-noku na lihunzi lya vilongesa vya vanu vaka-makuli, vaje valinakutwamenena vakwavo mu kusevuka na linyanyamena lije valinga.

VaHevelu 13:9

Kesi mutave vilongesa vyakuliseza-seza vimitwamenene nakumitundisa mu ngila ya vushunga. Mwamuvwa vimbunge vikolese nakutetela kwa Njambi, kesi akwononoka mashiko a vyakulya, kuli vaje vononoka awa mashiko kuwavakwasa nacimo cai.