Ngalatiya 1:7 - Livulu lya Shukulu Kalunga

⁷ Mwa vushunga, kukwesi “muzimbu weka,” oloni njilinakwendeka ngeci omwo kuli vamo vanu valinakumitanganesa vashaka kutengulula muzimbu wa Kilistu.

Ngalatiya 1:7 Iomraidhean Croise

Njelemiya 23:26

Visimbu vingaijo vaka-kwimanena ava vaungumwisa vanu vange, a makuli awa avanatungu?

Njelemiya 23:36

Ngecivene, kuvapandele kwendeka majwi ngwavo, ‘Citele ca Shukulu Kalunga,’ omwo nga umo alingamo, co mwa vushunga njikapangesa majwi ange ngeci akapwe citele kuli ikeye. Vanu vanaviisa majwi a Njambi yavo, ikeye Njambi wakuyoya Shukulu Kalunga Muka-nzili yoshe.

Mateo 24:24

Omwo kukasholoka vaKuvwavesa va makuli na vaka-kwimanena va makuli, vakamwesa vizivukiso na vikomokeso vyakama, ngecivene, vakatangule nameme vaje vavaangwile kuli Njambi nga citava.

Vilinga vya Miluwa 13:10

co wendekele ngwendi, “Yove muna Liyavola! Yove unapu citozi ca vyuma vyoshe vyavivwa. Muli yove munashulu miyati yoshe ya linyanyamena, co yove simbu yoshe ulinakweseka kutengulula vushunga vwa Mwene kuvupwisa makuli!

Vilinga vya Miluwa 15:24

Tunazivi ngwavo vamo vanalume va ku mbunga yetu vanaija nakumipesa nakumitanganesa na vije vanendeka, vakevo kuvatambwile vilongesa vyakutunda kuli yetu embwe.

Vilinga vya Miluwa 20:30

Co simbu ikaija omo vamo vanalume va mu mbunga yeni vakendeka makuli mukuungumuna vaka-kukulaela ngeci vavakave.

2 Kolinte 11:13

Vanu ava kuvapwile miluwa va vushunga embwe, vendeka makuli a vipangi vyavo, co vemuka mweka ngeci vasholoke ngwe miluwa va Kilistu vavavwa.

2 Kolinte 2:17

Omwo kutwafwile ngwe vavangi vaje vatanganesa lijwi lya Njambi, ngwe kulandulula vyuma vyakujeneka seo, oloni omwo Njambi natutumu, twendeka na kalemeso ku mesho endi, ngwe vangamba va Kilistu.

2 Kolinte 4:2

Ngecivene, a vyuma vyoshe vyalaja vyakushwekesa tunavyumbila kuti, kutwesi nakupanga na vilinga lalo vyakukwisa, nambe kutanganesa lijwi lya Njambi. Oloni mu mutanya mwelu wa vushunga tulinakuyoyela ku mesho a Njambi nakweseka kulikundika yetu vavenya ku munu na munu mu vuvwa vwa citaku-taku cendi.

Ngalatiya 1:6

Njakomoka kuli yeni! Mu simbu yaindondo yeni voshe munatundu kuli uje wamisanene na kutetela kwa Kilistu, co munatava ku muzimbu weka lalo.

Ngalatiya 2:4

nambe vamo vashakele ngeci cilingiwe. Akulikwisa kupwa ngwe vaka-kukulaela, vanu ava vamwengelele mu mbunga yetu ngwe tunenga, ngeci vawane kupatuka kutulinakwo muli Yesu Kilistu. Vashakele kutupwisa vindungo,

Ngalatiya 4:17

Ovo vanu veka vamwesa sholovya yakama muli yeni, oloni viyongola vyavo kesi vyavivwa embwe. Eci vashaka lika cinapu kumyangununa vamitundise kuli yange, ngeci yeni mukakale na sholovya imolika muli vakevo ngwe vakevo valinayo muli yeni.

Ngalatiya 5:10

Oloni yange anga njicili na lukakateya ali yeni. Mwonyo wetu muli Mwene ulinakunjilingisa lukakateya ngeci kumukakala na viyongola vyeka, co uje munu alinakumitanganesa, nambe wapwa iya, Njambi akamunyanyamesa.

Ngalatiya 5:12

Njishaka ngeci vanu vaje valinakumitanganesa kesi valengesele aa lika, veceleni vatwaleo nakulipwisa vayunuke!

Ngalatiya 6:17

Mukumanesela ngwange, kesi kukale umo anjane vukalu, omwo viveve vinjilinavyo a muvila wange vimwesa ngeci yange nji ndungo ya Yesu.

2 Timateo 2:18

Vanaseza ngila ya vushunga, co valinakutanganesa kukulaela kwa vamo akwendeka ngwavo kusanguka kwetu ku vatsi cineti laja.

1 Yowano 2:26

Njilinakumisonekela eci omwo ali vaje valinakweseka kumikwisa.

1 Yowano 4:1

Vasamba vange vanjazema, kesi mukulaele kuli voshe vaje vendeka ngwavo vali na Munzinzime, oloni veluleni muwane ngeci nga munzinzime uje uvalinawo unatundu kuli Njambi. Omwo vaka-kwimanena vavangi va makuli vanashandokela kwoshe-ikwoshe.

2 Yowano 1:10

Ngecivene, nga munu umo aija kuli yeni, oloni kaminenela vilongesa evi, kesi mumutambule mu vinjuvo vyeni, nambe kesi mwendeke kuli ikeye ngweni, “Kwoloka kukale nove.”

2 Yowano 1:7

Omwo vaka-kukwisa vavangi vanashandokela mu kaye mwoshe, vanu vaje kuvatava ngeci Yesu Kilistu wezile mu cifwa ca vunu. Munu wa cifwa cangacije napu muka-kukwisa, ikeye napu Citozi ca Kilistu.

Yunda 1:4

Omwo vanu vamo vaka-kujeneka kukulaela vanakovela mu vushweke akati ketu, vanu vaje vaka-kutengulula lijwi a kutetela kwa Njambi ngeci valisambese vakevo vavenya mu mashungu avo amavi, co vanavyana Yesu Kilistu, Shukulu yetu na Mwene yetu. Ku san̄ulu Visoneka vyambulwile cihiso cije civanatambula.

Kujombolola 12:9

Co uje canza-ngombe wakama vamumbilile asi, uje linyoka wa ku san̄ulu vatumbula ngwavo Liyavola, uje wakwisile kaye koshe. Vamumbilile asi amo na tungelo twendi voshe.

Kujombolola 13:14

Co wakwisile vanu voshe va ano asi mukulinga vizivukiso na vikomokeso vije vamutavesele kulinga ku mesho a uje cikashama wakulivanga. Uje cikashama wamucivali walekele vanu voshe va ano asi kumunga cifwa ca kamponya kusingimika cikashama uje vavulumwine na moko ya mukwale oloni wayoyele lalo.

Kujombolola 19:20

Co uje cikashama vamupwisile cinzinda, amo na muka-kwimanena wa makuli uje walingile vizivukiso ku mesho endi. (A vizivukiso vije vene akeo akwisilile vaje vakele na cizivukiso ca uje cikashama na vaje valemesele kamponya ka uje cikashama.) Uje cikashama na uje muka-kwimanena wa makuli vavombilile anga vaciyoya mu lishali lya tuhya twakushukuma na sulufa.

Kujombolola 2:2

Njinazivuka vije viwunalingi, njinazivuka kuundangana kwove nakusimpa kwove. Njinazivuka ngwange kuwasa kuundangana amo na vaka-kulinga vyavivi embwe, co lalo unelula vaje vaka-kwendeka ngwavo vanapu miluwa oloni kesi vakevo embwe, co vanasholoka ngeci kuma vanapu vaka-makuli.

Kujombolola 2:20

Oloni kuli cimo njalinyenge ali yove, unecelela uje munakazi Njezevele, uje alinakulitumbula ikeye vavenya ngwendi muluwa wa Njambi. Kulongesa kwendi kulinakutwamenena vangamba vange kulinga vupangala nakulya vyakulya vyakukombelela ku tumponya.

Kujombolola 2:6

Oloni eci cikeco ulinaco, yove unazindi vije vivakalingi vaNikolau, ngwe muje munjavazinda yange lalo.

Kujombolola 20:3

Co kangelo wamumbilile mu mbulu ije kuyesi naa masima, co washokele ije mbulu nakuyipata nakwakao kasateso, ngeci kesi lalo akakwisa vanu kuvanga noo myaka 1,000 ineti. Munima yevi, co vakamuzitula kasimbu kakandondo lika.