Nehemiya 9:6 - Livulu lya Shukulu Kalunga

⁶ Asinoni vanu va Isalele valombelele lilombelo eli, “Yove Shukulu Kalunga, yove lika u Shukulu Kalunga, yove watangele melu na vingongonosi vya mwilu. Yove watangele nunda na mema a kalunga na vyuma vyoshe vilimo. Yove waanene mwonyo ku vyoshe. Vyoshe vili mwilu vikutsikamena nakukulemesa.

Nehemiya 9:6 Iomraidhean Croise

Kushangumuka 1:1

Akulivanga Njambi watangele lilu na kaye.

Kushangumuka 1:9

Asinoni Njambi wendekele ngwendi, “Mema a mwisi ya lilu alikungulwile mu mutambela umolika ngeci kusholoke livu lyakuma.” Co calingiwile.

Kushangumuka 2:1

Ngecivene, lilu na asi na vyoshe vilimo vyahwile kutanga.

Kushangumuka 32:2

Omo wavamwene, wendekele ngwendi, “Eyi ikeyo mbunga ya Njambi!” Co walukile lizina lya mwela uje Mahanaime.

1 Vimyene 22:19

Mikaya wamukumbulwile ngwendi, “Ololo tolilila eci cendeka Shukulu Kalunga! Njamwene Shukulu Kalunga natumbama a litanda lyendi mwilu, na tungelo twendi voshe vemanene kuli ikeye ku cilyo na ku cimoshwe.

1 Vimyene 8:27

“Oloni yove Njambi kumani wasa kukala asi ndi? Inonwa mwilu mwoshe kuwasa kufwamo, co vatijo Njuvo eyi njinakutungila ufwamo ndi?

2 Vimyene 19:15

co walombelele ngwendi, “Shukulu Kalunga, Njambi ya Isalele, yove watumbama akamwa ya vakelumbi va mambava, yove lika wapwa Njambi, yove washwana vumwene vwoshe vwa mu kaye. Yove watangele kaye na lilu.

2 Vimyene 19:19

Ololo, Shukulu Kalunga Njambi yetu, twamene ku movoko a vaAsilya, ngeci miyati yoshe ya mu kaye vazivuke ngeci yove lika Shukulu Kalunga, wapwa Njambi.”

Nehemiya 9:5

VaLevi ava, Njeshuwa, na Kandimyele, na Mbani, na Hashambeneya, na Sheleviya, na Hondiya, na Shembaniya, na Petahiya, vendekele ngwavo, “Imaneni mushangazale Shukulu Kalunga Njambi yeni, mushangazaleni ku myaka yoshe. Munu woshe ashangazale lizina lyendi lya vumpau. Naumo wai asa kushangazala vukama vwendi.”

Myaso 102:25

Ku san̄ulu yove wajalele luvula lwa asi, co melu akewo vipangi vya mavoko ove.

Myaso 103:21

yeni voshe vaka-nzili mulinakutolilila ku lijwi lyendi, shangazaleni Shukulu Kalunga, yeni vangamba vendi vaje vakalingi cizango cendi!

Myaso 115:15

Shukulu Kalunga uje watangele lilu na asi amivezikise.

Myaso 124:8

Vukwasi vwetu vutunda kuli Shukulu Kalunga, uje watangele lilu na asi.

Myaso 146:6

Ishamatanga uje watangele lilu, na asi na mema a kalunga na vyoshe vije vilimo. Ikeye muka-kunyunga cikulaeso cendi simbu yoshe,

Myaso 24:10

Iyajo ou Mwene wa vumpau? Shukulu Kalunga Muka-nzili yakuhyana, ikeye Mwene wa vumpau!

Myaso 33:6

Akushika kwendi Shukulu Kalunga watangele lilu, co na lijwi lyendi kwasholokele litangwa, na ngonde, na vingongonosi.

Myaso 36:6

Vushunga vwove vunapu ngwe minkinda yakama, kusompa kwove kwalova manene ngwe mema a kalunga. Yove Shukulu Kalunga wanyunga vanu na tusitu.

Myaso 86:10

Yove uwakama, co ukalingi vyuma vyakukomokesa omwo yove lika u Njambi.

Isaya 37:16

“Shukulu Kalunga Muka-nzili yoshe, Njambi ya Isalele, yove watumbama akamwa ya vakelumbi va mambava, yove lika wapwa Njambi, yove washwana vumwene vwoshe vwa mu kaye. Yove watangele kaye na lilu.

Isaya 37:20

Ololo, Shukulu Kalunga Njambi yetu, twamene ku mavoko a vaAsilya, ngeci miyati yoshe ya mu kaye vakazivuke ngeci yove lika Shukulu Kalunga wapwa Njambi.”

Isaya 43:10

“Vanu va Isalele, yeni munapu mu vakaleo vange, njakwangwile kupwa ngamba yange, njishaka ngeci unjizivuke nakunjikulaela, nakuzivisisa ngeci yange lika njapwa nji Njambi. Kukwesi weka lalo njambi, kukwakele njambi weka lalo wai, co kakakalako lalo.

Isaya 44:6

Shukulu Kalunga, Muka-nzili yoshe uje washwana nakunyunga Isalele, alinakwendeka ngwendi, “Yange wakulivanga na mamaneselelo, yange ange lika nji Njambi, kukwesi njambi weka lalo wai, kuvanga yange lika.

Isaya 44:8

Kesi muzive lyova vanu vange! Mwazivuka ngeci kutunda ku san̄ulu, nakweta ku visimbu vino vya ololo, njinendeka vyoshe vije vikalingiwa, co yeni munapu mu vakaleo vange! Kuma kuli njambi weka lalo ndi? Kuma kuli njambi weka lalo muka-nzili, uje kanda njizive ndi?”

Isaya 45:12

Yange njatangele kaye, nakutanga munu ngeci ayoyeleo. Njajangumwine melu na nzili yange, yange muka-kushika litangwa, na ngonde, na vingongonosi.

Njelemiya 32:17

“Shukulu Kalunga wa Akamwa ya Vyoshe, yove watangele kaye na melu na nzili yove yakama, na livoko lyove lyakwolola, kukwesi cuma cacikalu kuli yove cai.

Ezekiyele 20:11

Co njavanene mashiko ange nakuvalongesawo, mashiko aje aana mwonyo kuli munu na munu uje awononoka.

Yona 1:9

Yona wavakumbulwile ngwendi, “Yange nji kaHevelu. Njikalemesa Shukulu Kalunga, Njambi wa mwilu, uje watangele mema a kalunga na kaye.”

Yowano 10:30

Tate nange twapwa umolika.”

Vilinga vya Miluwa 4:24

Co omo vaka-kukulaela vazivile vyuma evi, voshe vakungulukile amo nakulombela kuli Njambi ngwavo, “Shukulu na Ishamatanga wa lilu na asi, na mema a kalunga na vyoshe vilimo!

Kwituluka mu Mashiko 10:14

Kengeni, lilu lya mwilu ya melu, na kaye, na vyoshe vilimo vyapwa vya Shukulu Kalunga Njambi yeni.

Kwituluka mu Mashiko 32:39

“ ‘Yange, yange lika, njapwa Njambi, kukwesi njambi weka lalo wa vushunga wai. Njikatsii, co njana mwonyo, njikavetwesa, co njikangwisa, naumo wai asa kupopolola vije vinjinalingi.

Kwituluka mu Mashiko 6:4

“Tolilileni yeni vaIsalele! Shukulu Kalunga ikeye lika Shukulu Kalunga Njambi yetu.

VaHevelu 1:3

Ikeye kutwa kwa ceke ca vumpau vwa Njambi, ikeye vene cifwa ca Njambi vavenya, akukolesa vyoshe mu kaye koshe na lijwi lyendi lya nzili. Omo nashokolola laja ngila ngeci vivi vya vanu voshe vavisambese, co watumbamene mwilu ku livoko lya cilyo lya Njambi, Muka-nzili yoshe.

VaHevelu 1:6

Oloni omo Njambi wakele kuyehi nakutuma Munendi wa ntwatwa mu kaye, co wendekele ngwendi, “Tungelo voshe va Njambi vanapande kumulemesa.”

Kujombolola 14:7

Co wendekele na lijwi lyakama ngwendi, “Komokeni Njambi, co shangazaleni vukama vwendi! Omwo simbu inete ngeci asompe vanu voshe. Lemeseni uje watangele lilu na asi na mema a kalunga na masima a mema a tuvwelu-vwelu!”

Kujombolola 4:11

“Mwene yetu na Njambi yetu! Yove wafwila kutambula vumpau na kasingimiko na nzili. Omwo yove watangele vyuma vyoshe, co ku cizango cove vavyanene kuyoya na mwonyo.”