Nehemiya 9:37 - Livulu lya Shukulu Kalunga

³⁷ Vije vilinakutunda mu lifuti, vili na kuya ku vimyene, vaje vatushwanene, omwo yetu twalingile vuvi. Valinakulinga mwoshe muvashakela ali yetu na a vimuna vetu, co tuli mu vukalu vwakama manene!”

Nehemiya 9:37 Iomraidhean Croise

Ezela 4:13

Co yove shukulu, nga nganda eyi vaitungulula na vivumbe vyayo vavimanesa, ava vanu kuvakafwete lisimu, na milambu, na mwombo, co vimbongo vya vumwene vwove vikatepuluka.

Ezela 6:8

Co njishika lishiko mumukakwasela vakulunu va vaYunda akutungulula oyo Njuvo ya Shukulu Kalunga. Vimbongo vyoshe vyakuyitungulwisa vakavyane kuli ovo vanu vwasi-vwasi kesi mwishwale, vimbongo ovyo vitunde mu mbango ya vumwene, vikevyo vimbongo vya lisimu vyakutunda musambwa ya mu Kangombe ka Yambi ka Yufuleti.

Ezela 7:24

Co lalo tunamileke ngeci, kesi mukatambule lisimu nambe mulambu kuli vaka-kukombelela, na vaLevi, na kuli vaka-kwimba, na kuli vaka-kunyunga ku Njuvo ya Shukulu Kalunga, na kuli vaka-kupanga, nambe ku munu woshe-iwoshe uje nakundama ku Njuvo ya Shukulu Kalunga eyi.

Nehemiya 5:8

co njendekele ngwange, “Akweseka kwetu twakulile vandolome vetu vaYunda, vaje valilandesele vakevo vavenya ku vaka-kwija. Co ololo mulinakusindiya vandolome veni kulilandesa vakevo vavenya kuli yeni vakwavo vaYunda!” Co vantwama volokele kuluu, kuvawanene lijwi lyakukumbulula.

Mbimbi 5:5

Valinakutwendesa manene ngwe vimulu nambe ngwe tumelo, tunajuka manene, oloni nalumo lwai vatutavesa kuhwima.

VaLevi 26:17

Co njikamikengesa nima, co vitozi veni vakamifungulula nakumishwana. Co mukakala na cova-ova, mukatewa ngwe kuli umo ali na kumisheka, kumani naumo wai amisheka.

Yowano 8:33

Vamukumbulwile ngwavo, “Yetu tu vatekulwila va Avilahama, kanda tupwe tu vindungo va munu umo embwe. Vika ulumbununa akwendeka ngwove, ‘Vakamipatula’?”

Kwituluka mu Mashiko 28:33

Muyati wa vaka-kwija vakalinonela vimbuto vyeni vije mwapangele nakulipesa, co nacimo cai mukawanao, oloni mukamona tuyando na mapakeso simbu yoshe.

Kwituluka mu Mashiko 28:39

Mukakuna vitungu vya mikolovozi ya vushuka vwa vinyu, oloni kumukavukongweya nambe kunwako vinyu, omwo tungwengwe vakavulya.

Kwituluka mu Mashiko 28:48

Ngecivene, mukapangela vitozi vaje vakamitumina Shukulu Kalunga. Mukakala na njala, na lihwila, na vuzu, mukajeneka vyuma vyoshe. Co Shukulu Kalunga akamiyandesa manene noo naminyongesa njwa.

Kwituluka mu Mashiko 28:51

Vakalya vimuna veni, na vimbuto vyeni, mukalanduka ku njala. Kuvakamisezelako vimbuto vimo, nambe vinyu, nambe mazi a olive, nambe vimuna, nambe vimanga, noo vanaminyongesa.