Nehemiya 9:33 - Livulu lya Shukulu Kalunga

³³ Yove walingile mwamuvwa kutuhisa, yove wapwa wa kulongwa, nameme twalingile vuvi.

Nehemiya 9:33 Iomraidhean Croise

Kushangumuka 18:25

Kuukasa kunyongesa vaka-vushunga amolika na vanu vaka-vuvi. Omwo ni kucitava! Kuukasa kulinga ngacije embwe! Nga cikafwa ngacije, vaka-vushunga vakavasompe ngwe vaka-vuvi. Nga ngoconi, co cacikalu. Yove u muka-kusompa wa ano asi oshe, co ukalingi mwa vushunga.”

Ezela 9:15

Yove Shukulu Kalunga Njambi ya Isalele, yove muka-vushunga, yove unatava ngeci yetu tuyoye. Tulitavela mulonga wetu kuli yove, kutwapandele kwimana ku mesho ove.”

Nehemiya 9:34

Vakukulwila vetu, na vimyene vetu, na vantwama vetu, na vaka-kukombelela vetu kuvanyungile Mashiko ove. Kuvatolililile kukushika kwove na kukunangula kwove.

Nehemiya 9:8

Yove wamwene ngeci ikeye wapwile wa kulongwa kuli yove, co walikumiiye cikumiiyo nendi. Wamukulaesele kumwana lifuti lya vaKanana, na vaHiti, na vaAmoli, na vaPelezi, na vaNjevushi, na vaNgilengashi, kupwa lifuti muje muvakakala vatekulwila vendi. Wanyungile cikulaeso cove, omwo yove wapwa wa kulongwa.

Yombi 33:27

Co ikeye akendeka mu mbunga ya vanu ngwendi, ‘Njalingi vuvi. Kunjalingile mwamuvwa embwe, oloni Njambi nanjamena.

Yombi 34:23

Njambi kesi kwimika simbu, ngeci atundise vantwama nakwingisamo veka lalo.

Myaso 106:6

Tunalingi vuvi ngwe muvalingile vakukulwila vetu, tunalingi mwamuvi, co tunaviisa.

Myaso 119:137

Yove wapwa u muka-vushunga Shukulu Kalunga, na mashiko ove lalo apwa a vushunga.

Myaso 145:17

Shukulu Kalunga wapwa wa vushunga mu vyuma vyendi vyoshe vyakalingi, wakala na mema ku mbunge mu vilinga vyendi vyoshe.

Kutuuka 32:31

Co Mosesa lalo welukilile kuli Shukulu Kalunga nakwendeka ngwendi, “Ava vanu vanalingi vuvi vwakukomokesa manene. Vakevo vanamungu njambi wa ngolinde nakumulemesa.

Njelemiya 12:1

Yove Shukulu Kalunga, simbu yoshe wapwa u muka-vushunga, omo njinena n̄anda yange ku mesho ove. Nameme ngoco njinapande kukwihula a vushunga vwove. Omwo vikajo vaka-vuvi valinakuyoya mwamuvwa? Omwo vikajo vaka-vungungu vavezika?

Njelemiya 44:3

omwo vanu vamwo valingile vuvi, co vanjiluvalesele. Vanakombelela vin̄ombelo ku vinjambi veka, nakupangela vinjambi vaje nambe vakevo, nambe yeni, nambe vakukulwila veni kuvavalemesele.

Mbimbi 1:18

“Oloni Shukulu Kalunga napu wa vushunga, omwo yange kunjononokele mashiko endi. Yeni vanu muli kwoshe-ikwoshe njitolilileni, kengeni vusiwa vwange. Vakwenje vange na vambanda vange vanavatwala ku vunzinda.

Ezekiyele 11:12

Co mukazivuka ngweni yange njapwa Kalunga, omwo kumwanyungile mashiko ange, nambe kulinga vije vinjamishikile, oloni munononoka mashiko a miyati ya vaje vanamizengeleka.”