Nehemiya 9:32 - Livulu lya Shukulu Kalunga

³² “Yove Njambi, Njambi yetu, yove wakama, muka-nzili! Muka-kukomokesa, muka-kunyunga cikumiiyo na cizemo cove cije kucesi kutenguluka. Kutunda a simbu ije omo vimyene va vaAsilya vatuyandesele, nakweta ku simbu ino, tuyando twoshe tuje tuli ali yetu, na vimyene vetu, na vantwama vetu, na vaka-kukombelela vetu, na vaka-kwimanena vetu, na vakukulwila vetu, na vanu vetu voshe, kesi twatundondo ku mesho ove.

Nehemiya 9:32 Iomraidhean Croise

1 Vimyene 8:23

walombelele ngwendi, “Shukulu Kalunga Njambi ya Isalele, kukwesi njambi wakulifwa nove mwilu nambe asi wai! Yove wanyunga cikumiiyo cove ku vanu vove nakumwesa cizemo cove cije kucesi kutenguluka kuli vangamba vove omo vononoka kuli yove na vimbunge vyavo vyoshe.

2 Vimyene 15:19

Tingelate Pilesele, mwene wa Asilya walwisile Isalele, co Menaheme wamwanene makilo akupwa 34,000 a mavundungulu a siliva ngeci amukwase kukolesa vumwene vwendi mu lifuti.

2 Vimyene 15:29

Omo Peka wapwile mwene wa mu Isalele, Tingelate Pilesele, mwene wa Asilya wafungulwile vinganda vya Injone na Avele Mbete Maka na Njanowa na Kendeshe na Hazole na mafuti a Ngilyande na Ngalileya na Nafetali, co watwalele vinzinda ku Asilya.

2 Vimyene 17:23

noo akukotoka Shukulu Kalunga kashakele kuvamona, ngwe mwavanangwile ali vangamba vendi vaka-kwimanena ngwendi akalingamo. Ngecivene, vanu va Isalele vavatwalele ku vunzinda ku Asilya, kukekwo kuvali na lelo lino.

2 Vimyene 17:3

Mwene Shalamanesele wa Asilya wamulwisile, co Hosheya waliitile kuli Shalamanesele, wakele nakufweta mulambu kuli ikeye a mwaka na mwaka.

2 Vimyene 17:6

wapwile mwaka wamucitanu na iwana wakushwana kwa Hosheya, co mwene wa vaAsilya wafungulwile Samaliya, watwalele vaIsalele ku Asilya kupwa vinzinda, vamo wavaakele mu nganda ya Halahe, co vakwavo wavaakele kuyehi na Ndonga ya Hambole ku mutambela wa Ngozane, co vakwavo wavaakele mu vinganda vya Mendiya.

2 Vimyene 23:29

Omo Yosiya wapwile Mwene, co Mwene Neko wa ku Ingito watwamenenene mbunga ya mashwalale ku Ndonga ya Yufuleti nakukwasa mwene wa Asilya. Mwene Yosiya wesekele kuvindika ije mbunga ya mashwalale vaIngito ku Mengindo, co vamutsiilile mu nzita.

2 Vimyene 25:7

Vana va Zendekiya vavatsiile oku ishavo Zendekiya nakengeko, asinoni Nevukaneza wativile Zendekiya mesho, wamukutile malyenge, co wamutwalele ku Mbambilone.

Ezela 4:10

amo na vanu vakwavo vaje vakwatele Ashulembanipale munalume uje wapwile wakama wa nzili ikeye wavatundisile ku membo avo, co wavaakele mu nganda ya Samaliya na mu lifuti lya mu Kangombe ka Yambi ka Yufuleti.”

Ezela 4:2

ngecivene, vaile kuli Zelumbambele na kuli vakulunu va vikota vendekele ngwavo, “Tutaveni tulipandakane neni kutunga Njuvo ya Shukulu Kalunga. Yetu tukalemesa Njambi wa cifwa cimo ngwe ou imukalemesa yeni, twakele nakukombelela vin̄ombelo kuli ikeye tunde aje Mwene Esalehandone wa Asilya watunenele kuno.”

Ezela 9:13

Nameme muvyalingiwile vyuma vyoshe vije kuli yetu omwo cihiso ca vuvi vwetu, na kupenga-penga kwetu, twazivuka ngeci yove, Njambi yetu, watunyanyamesele kamandondo lika kutuvakana vilinga vyetu vya vuvi, co unatutava ngeci tuyoye.

Nehemiya 1:5

“Yove Shukulu Kalunga Njambi wa mwilu! Yove Njambi wakama, wakujujwisa. Yove muka-kunyunga cikumiiyo na cizemo cije kucesi kutenguluka kuli vaje vakuzema nakunyunga mashiko ove.

Myaso 47:2

Omwo Shukulu Kalunga wa Akamwa ya Akamwa wapwa wakukomokesa, ikeye mwene wakama uje ashwana ano asi oshe.

Myaso 66:3

Endekeni kuli Njambi ngweni, “Unalingi vyuma vyakukomokesa, nzili yove inapu yakama manene ngeci vitozi vove valiita kuli yove.

Myaso 66:5

Ijeni mumone vyanapanga Njambi, vilinga vyendi vyakukomokesa vyanalingi akati ka vanu.

Kutuuka 18:8

Asinoni Mosesa walekele Yetolo vyuma vyoshe vije vyalingile Shukulu Kalunga kuli mwene na kuli vanu va ku Ingito omo wovwele vaIsalele. Co wamulekele lalo naa vukalu vawanene a ngila, nomwo mwavamenene Shukulu Kalunga.

Isaya 9:6

Omwo kuli yetu kunasemuka mbututu! Vanatwana mwana wa munalume! Co akapwa muka-kutushwana. Vakamutumbula ngwavo, “Muka-kunangula Wakukomokesa.” “Njambi Muka-nzili yoshe” “Tate wa ku Myaka Yoshe.” “Mwene wa Kwoloka.”

Ndanyele 9:4

Njalombelele kuli Shukulu Kalunga Njambi yange nakulitavela vuvi vwa vanu vange. Njalombelele ngwange, “Shukulu Kalunga Njambi, yove uwakama, co twakusingimika. Yove wapwa u wa kulongwa ku cikumiiyo cove nakumwesa cizemo cove cije kucesi kutenguluka kuli vaje vakuzema nakunyunga mashiko ove.

Ndanyele 9:6

Kutwatolililile kuli vangamba vove vaka-kwimanena, vaje vendekele mu lizina lyove kuli vimyene vetu na kuli vaka-kushwana vetu na kuli vakukulwila vetu na ku muyati wetu woshe.

Ndanyele 9:8

Vimyene vetu na vaka-kushwana vetu na vakukulwila vetu vanalingi vyuma vya shwamwa nakulinga vuvi ku mesho ove Shukulu Kalunga.

VaLevi 26:18

“Oloni nga anga sheni kunjononoka, co njikamihisa visimbu vitanu na vivali a vuvi vweni,

VaLevi 26:21

“Nga munjitengulukila nakuvyana kunjononoka, co njicikawezelelako lalo cihiso visimbu vitanu na vivali a vuvi vweni.

VaLevi 26:24

co njikamitengulukila nakumihisa visimbu vitanu na vivali a vuvi vweni kutuvakana akulivanga.

VaLevi 26:28

co mukuluvala kwange njikamitengulukila nakumihisa lalo visimbu vitanu na vivali a vuvi vweni kutuvakana a simbu yakulivanga.

Kwituluka mu Mashiko 7:12

“Nga mutolilila ku mashiko awa nakuwanyunga nakuwononoka, asinoni Shukulu Kalunga Njambi yeni akatwalao kunyunga cikumiiyo cendi, na cizemo cendi cije kucesi kutenguluka, cije calikumiiye na vakukulwila veni.

Kwituluka mu Mashiko 7:13

Co ikeye akamizema nakumivezikisa, mukatuma nakukala na vana vavangi, na vimbuto mu mahya eni, na vimbuto vya vinona, na vinyu vyaviha, na mazi a olive, nakumyana vimuna vavangi, na vimanga vavangi. Ikeye akamyana vivezikiso vyoshe evi mu lifuti lije wakulaesele vakukulwila veni kumyanalyo.

Kwituluka mu Mashiko 7:21

Ngecivene, kesi mukavazivile lyova omwo Shukulu Kalunga Njambi yeni, ou ali akati keni ikeye Njambi Muka-nzili, wakujujwisa.

Kwituluka mu Mashiko 7:9

Ngecivene, zivukeni ngweni Shukulu Kalunga Njambi yeni ikeye Njambi umolika, ikeye wapwa Njambi wa kulongwa. Ikeye wanyunga cikumiiyo cendi, na cizemo cendi cije kucesi kutenguluka kuli vaje vamuzema nakunyunga mashiko endi ku visemwa 1,000.