Nehemiya 9:30 - Livulu lya Shukulu Kalunga

³⁰ A mwaka na mwaka wavanangwile nakusimpa, nakuvambulwila vukaleo ali Munzinzime wove, muli vaka-kwimanena vove, oloni vanu vove vapwile tusinda-matwi, ngecivene, wavakundikile mu mavoko a miyati yeka ngeci vavafungulule.

Nehemiya 9:30 Iomraidhean Croise

2 Vimyene 18:11

Mwene wa vaAsilya watwalele vaIsalele ku Asilya kupwa vinzinda, co vamo wavaakele mu nganda ya Hala, vakwavo wavaakele kuyehi na Ndonga ya Hambole, ku mutambela wa Ngozane, co vakwavo wavaakele mu vinganda vya Mendiya.

2 Vimyene 21:10

Shukulu Kalunga wendekele muli vangamba vendi vaka-kwimanena ngwendi,

2 Mizimbu 24:19

Shukulu Kalunga wavatuminine vaka-kwimanena kuvanangula ngeci veluke kuli ikeye, oloni vanu vavyanene kuvatolilila.

Ezela 9:10

“Oloni ololo, Shukulu Njambi, vatijo twendeka omo vyoshe evi vinalingiwa? Kutwononokele lalo mashiko ove,

Nehemiya 9:20

Mu vuvwa vwove wavalongesele vije vapande kulinga, wavalisile maana, co wavanene mema akunwa.

Nehemiya 9:26

“Oloni vanu vove vakutengulukilile, nakujeneka kukwononoka, vakengesele nima ku Mashiko ove. Vatsiile vaka-kwimanena vaje vavanangwile nakuvaleka vukaleo vwakuvatengulwila kuli yove. Co vakushawile ku simbu na simbu,

Nehemiya 9:29

Wavanangwile ngeci vononoke vilongesa vyove, oloni mu kulyalesa kwavo vavyanene mashiko ove, nameme kunyunga Mashiko ove ikeyo ngila ya ku mwonyo. Mukuzikwa kwavo, na mukukaluwa kwa vimbunge vyavo, vavyanene kwononoka.

Myaso 86:15

Oloni yove Shukulu Kalunga u muka-kuzivila mema ku mbunge wapwa u Njambi wa ngozi na cizemo, kuwesi kuluvala vwasi, washula na cizemo cije kucesi kutenguluka, u Njambi wa vushunga.

Myaso 95:10

Njaluvalele na cisemwa cije a myaka makumi awana, co njendekele ngwange, ‘Vakevo vanapu vakujeneka kulongwa, valinakuvyana mashiko ange!’

Isaya 28:10

Ali nakweseka ku tulongesa lilaka na lilaka, mukana na mukana, cilongesa na cilongesa.”

Isaya 42:24

Iyajo waanene Isalele kuli vaje vavevilile? Shukulu Kalunga uje twaviisilile, ikeye walingile cuma eci! Kutwapandele kuyoya ngwe muje mwashakele ngeci tuyoyemo, nambe kwononoka vilongesa vije vyatwanene.

Isaya 48:9

“Ngeci vanu vakashangazale lizina lyange, kunjikaluvala vwasi, co kunjiminyongesa.

Isaya 63:10

oloni vanu vendi vamutengulukilile nakumulwisa nakulingisa vusiwa Munzinzime wendi Wakujela. Ngecivene, Shukulu Kalunga wapwile citozi cavo nakuvalwisa.

Njelemiya 25:4

Kumwasele kutolilila nambe kumbako mbunge, nameme Shukulu Kalunga watwaleleo kutuma vangamba vendi vaka-kwimanena, kuli yeni.

Njelemiya 44:22

Ku litangwa lya lelo vene, lifuti lyeni linapu vingundu, naumo wai alimo. Linapu lya vunyengwe, vanu vapangesa lizina lyamwo kupwa cisingo, omwo Shukulu Kalunga kasimpile a vilinga vyeni vya vuvi.

Njelemiya 44:4

Njakele nakumitumina vangamba vange vaka-kwimanena, vaje vamilekele ngwavo kesi mulinge cuma cije cakukomokesa cinjazinda.

Njelemiya 44:5

Oloni yeni kumwatolililile nambe kumbako mbunge. Yeni kumwombilile vilinga vyeni vyakukombelela ku vinjambi veka.

Njelemiya 7:25

Kutunda a litangwa lije vakukulwila veni vatundile mu Ingito noo ku litangwa lya lelo, njinakala nakumitumina vangamba vange vaka-kwimanena.

Mbimbi 2:17

Shukulu Kalunga nalingi vije vyashakele kulinga, ikeye natunyongesa kujeneka mema ku mbunge, ngwe muje mwatunangwile ku san̄ulu. Ikeye nahyanesa vitozi vetu, navaana kujolela omo tunau.

Ndanyele 9:6

Kutwatolililile kuli vangamba vove vaka-kwimanena, vaje vendekele mu lizina lyove kuli vimyene vetu na kuli vaka-kushwana vetu na kuli vakukulwila vetu na ku muyati wetu woshe.

Zakaliya 7:12

nakukaluwisa manene vimbunge vyavo ngwe limanya. Omwo kuvatolililile ku vilongesa vije njavatuminine kwitilila muli vaka-kwimanena vaje vakeleko ku san̄ulu, co njaluvalele manene.

Zakaliya 7:13

Omwo kuvatolililile omo njendekele, co kunjavakumbulwile omo valombelele.

Kulava 11:26

Oloni vantwama vavali, Elendande na Mendande, vasalele mu cilombo, na vakevo vakele akati ka vaje vantwama vakevo kuvaile ku Mbalaka, oloni Munzinzime wakele ali vakevo, vambulwile vuka-kwimanena, omwo na vakevo lalo vakele akati ka vaje vantwama vavalavele.

Vilinga vya Miluwa 13:18

co wavanyungile mu mambo myaka makumi awana.

Vilinga vya Miluwa 28:25

Ngecivene, vaile, oku valikanangana akati kavo, omwo Paulu nendeka navo cuma cimo eci ngwendi, “Munzinzime Wakujela wendekele vushunga kuli vakukulwila veni ali Isaya muka-kwimanena!

Vilinga vya Miluwa 7:51

“Setefano wendekele kuli vakevo ngwendi, ‘Yeni vanu vakukaluwa! Yeni vanu va vimbunge vyakujeneka kukulaela, matwi eni anashoko ku lijwi lya Njambi! Yeni lalo mulinakuvyana Munzinzime Wakujela ngwe muvalingile vakukulwila veni.

Loma 2:4

Nambe ulinakuyeluwisa ngozi yendi yakama na kulongwa kwendi nakusimpa kwendi. Mwa vushunga uzivuka ngwove Njambi wakala na ngozi, omwo alinakweseka kukutwamenena ngeci utenguluke.

1 Petulu 1:11

Vesekele manene kuzivuka simbu mukajo vikalingiwa na vatijo vikaija. Eyi ikeyo simbu ije yemikile Munzinzime wa Kilistu uje wakele muli vakevo, mukwambulula vya n̄avava ije Kilistu akayanda na vumpau vuje vukakavako.

2 Petulu 1:21

Omwo kukwesi lijwi lya vuka-kwimaneana lyezile kutunda ku cizango ca munu, oloni vanu vavatwamenenene kuli Munzinzime Wakujela omo vambulwile lijwi lije lyatundile kuli Njambi.

2 Petulu 3:9

Mwene kesi kwishwala akulinga cije canakulaesa, ngwe muvakayongola vamo. Oloni muka-lukakateya ali yeni, omwo kashaka umo akanyonge, oloni ashaka ngeci voshe vatenguluke kutunda ku vivi vyavo.