Nehemiya 9:26 - Livulu lya Shukulu Kalunga

²⁶ “Oloni vanu vove vakutengulukilile, nakujeneka kukwononoka, vakengesele nima ku Mashiko ove. Vatsiile vaka-kwimanena vaje vavanangwile nakuvaleka vukaleo vwakuvatengulwila kuli yove. Co vakushawile ku simbu na simbu,

Nehemiya 9:26 Iomraidhean Croise

1 Vimyene 14:9

Unalingi vuvi vwakama manene kutuvakana vaje valivangele kushwana. Yove unanjivyana, co unashangumuna vukalu vwange akulinga tumponya na vifwa vya vutale nakuvilemesa.

1 Vimyene 18:13

Kuma yove kuwazivile ngeci Njezevele nakele nakutsiya vaka-kwimanena va Shukulu Kalunga, yange njashwekao 100 mu manzenzengoma, mu vimbunga vivali mumo makumi atanu mukwavo makumi atanu, co njavanene vyakulya na mema?

1 Vimyene 18:4

omo Njezevele wakele nakutsiya vaka-kwimanena va Shukulu Kalunga, Ovandiya wambateleo vaka-kwimanena 100, co wavashwekele mu manzenzengoma mu vimbunga vivali mumo makumi atanu mukwavo makumi atanu, co wavanene vyakulya na mema.)

1 Vimyene 19:10

Elinja wakumbulwile ngwendi, “Shukulu Kalunga Njambi Muka-nzili yoshe, yange simbu yoshe njakupangela, yove lika. Oloni vanu va Isalele vanapokola cikumiiyo cavo nove, vanasiwula mitula yove, co vanatsii vaka-kwimanena vove voshe. Ange lika njasalako, co lalo vashaka kunjitsiya!”

2 Vimyene 21:10

Shukulu Kalunga wendekele muli vangamba vendi vaka-kwimanena ngwendi,

2 Vimyene 21:11

“Mwene Manase nalingi vyuma vyavivi, vikevyo oni vinatuvakana nevi vivalingile vaKanana, omwo tumponya twendi natwamenena vanu va mu Yunda mu vuvi.

2 Mizimbu 36:16

Oloni vanu vashendumwine miluwa va Njambi, vombwanesele majwi endi, co vajolele vaka-kwimanena vendi, noo akukotoka vukalu vwakama vwa Shukulu Kalunga vwakele ali vanu vendi, ngeci naumo wai waputumukile.

Nehemiya 9:18

Valingile kamponya mu cifwa ca muna ngombe, co vendekele ngwavo uje ikeye Njambi wavatundisile ku Ingito! Kashaundu aka kapwile kakama kuli yove Shukulu Kalunga!

Nehemiya 9:29

Wavanangwile ngeci vononoke vilongesa vyove, oloni mu kulyalesa kwavo vavyanene mashiko ove, nameme kunyunga Mashiko ove ikeyo ngila ya ku mwonyo. Mukuzikwa kwavo, na mukukaluwa kwa vimbunge vyavo, vavyanene kwononoka.

Nehemiya 9:30

A mwaka na mwaka wavanangwile nakusimpa, nakuvambulwila vukaleo ali Munzinzime wove, muli vaka-kwimanena vove, oloni vanu vove vapwile tusinda-matwi, ngecivene, wavakundikile mu mavoko a miyati yeka ngeci vavafungulule.

Myaso 50:17

Omwo uzinda vilongesa vyange nakuvyana mashiko ange.

Njelemiya 16:11

Asinoni ukavaleka ngwove Shukulu Kalunga nendeka ngwendi, ‘Omwo vakukulwila veni vanjikengesele nima, valemesele nakupangela vinjambi veka. Vanjisezele kuvononokele vilongesa vyange.

Njelemiya 2:30

Njaminyanyamesele, oloni kucamikwasele ngeci mwa ndumba wa vukalu, yeni mwatsiile vaka-kwimanena vange.

Njelemiya 2:7

Njaminenele mu lifuti lya vwilo, mukulya vushuka vwamwo na vyuma vyoshe vije vyavivwa. Oloni mwaviisile lifuti lyange nakujwalesa vushwana vuje vunjamyanene.

Njelemiya 32:23

Omo vetele mu lifuti lino, co lyapwile vufuko vwavo, oloni kuvononokele mashiko ove, nambe kuyoya ngwe ku vilongesa vyove, nacimo civalingile cai a vyuma wavashikile kulinga. Co yove wanenele vukalu vwoshe ovu ali vakevo.

Njelemiya 42:19

Co njendekele ngwange, “Shukulu Kalunga namileka yeni mwasalao mu Yunda ngwendi kesi muye lalo ku Ingito. Co yange njilinakuminangula ngwange

Mbimbi 3:42

“Tunalingi vuvi nakukutengulukila, co yove Shukulu Kalunga, kuwatusambesele embwe.

Ezekiyele 20:21

“Oloni cisemwa cije lalo vanjitengulukilile. Vapokwele mashiko ange, co kuvanyungile kushika kwange, mashiko aje aana mwonyo kuli munu na munu uje awononoka. Vazilwile Litangwa Lyakuhwima. Njalivwaeselele kuvatava ngeci vazive nzili ya vukalu vwange vwoshe muje mu mambo, nakuvatsiya voshe.

Mateo 21:35

Co vaje vaka-kupanga vakwatele vaje vindungo, co vapupileo umo, mukwavo vamutsiile, co mukwavo vamwashele mamanya.

Vilinga vya Miluwa 7:52

Muka-kwimanena mukajo ivajenekele kuyandesa vakukulwila veni? Vakukulwila veni vatsiile miluwa va Njambi vaje ku san̄ulu vambulwile kwija kwa Ngamba yendi wa vushunga. Co ololo yeni munamwende vungungu nakumutsiya.

Kwituluka mu Mashiko 32:14

Vingombe na vimembe vavo vakele na mavele amangi, co vakele na vana va vimanga, na majamba a vimanga vakununa, na matanga amavwa a vingombe, na vimembe va ku Mbashane, na tiliku yaivwa, na vinyu vyakutovala manene.

Kwituluka mu Mashiko 32:15

“Vanu va Shukulu Kalunga, vafukile, valile manene nakukuta, oloni vevalele Njambi Ishamatanga wavo, vavyanene muyoyesi wavo muka-nzili.

Maako 10:6

Co lalo vaIsalele valingile vuvi ku mesho a Shukulu Kalunga akulemesa Mbale, na Asitalete, vinjambi va Silya, na Sindone, na Mowavi, na Amoni, na Filisitiya. Valikelele kulemesa Shukulu Kalunga nakujeneka kumupangela.