Nehemiya 9:25 - Livulu lya Shukulu Kalunga

²⁵ Vanu vove vafungulwile vinganda vya vimpaka, na lifuti lya vwilo, na vinjuvo vyakushula na vufuko, na masima aje vendilile cimweja, na miti ya olive, na miti ya vushuka, na vitungu vya mikolovozi ya vushuka vwa vinyu. Valile vyoshe vije vivashakele, co vanunile, vavwaelelele mu vyuma vyoshe vyavivwa vije viwavanene.

Nehemiya 9:25 Iomraidhean Croise

1 Vimyene 14:9

Unalingi vuvi vwakama manene kutuvakana vaje valivangele kushwana. Yove unanjivyana, co unashangumuna vukalu vwange akulinga tumponya na vifwa vya vutale nakuvilemesa.

1 Vimyene 8:66

A litangwa lyamucitanu na atatu, Solomoni washikile vanu kuya ku membo avo. Co voshe vamushangazalele, co velukile ku membo avo nakujolela omwo vivezikiso vyoshe vije vyaanene Shukulu Kalunga kuli ngamba yendi Ndaviti na kuli vanu vendi va Isalele.

Nehemiya 9:35

Vimyene vashwanene vanu a vivezikiso vyove, omo vayoyele mu lifuti lyakama, lifuti lya vwilo lije liwavanene, oloni kuvatengulukile ku vuvi ngeci vakupangele.

Myaso 105:44

Wavanene mafuti a vanu va miyati yeka, co wavanene lalo mahya avo.

Myaso 65:11

Vushunga vwove vunena kuteja kwakuvwa! Kwoshe kuje kuuli kwakala vyuma vyavingi!

Visimo 30:9

Nga njikakala na vyuma vyavingi, amo kunjikakuzeme, oloni nga njipwa kautu, amo njikaiva, nakukuzivisa shwamwa yove Njambi yange.

Isaya 6:10

Asinoni wendekele kuli yange ngwendi, “Tengulula mana ava vanu ngeci apwe akuzeya, vapwe tusinda-matwi, vapwe tupuputwa, ngeci kesi vase kumona nambe kuziva nambe kuzivisisa. Nga vapwa vavavwa, co vakatengulukila kuli yange mukuvakangwisa.”

Isaya 63:7

Njikambulula vya cizemo cije kucesi kutenguluka, ca Shukulu Kalunga, njikamushangazala a vyoshe vije vyanatulingila. Navezikisa manene vanu va Isalele, omwo yakutetela kwendi na cizemo cije kucesi kutenguluka.

Njelemiya 2:7

Njaminenele mu lifuti lya vwilo, mukulya vushuka vwamwo na vyuma vyoshe vije vyavivwa. Oloni mwaviisile lifuti lyange nakujwalesa vushwana vuje vunjamyanene.

Njelemiya 31:14

Vaka-kukombelela njikavakutisa na vyakulya vyavivwa manene, co vanu vange vakakala na vyuma vyoshe vivashaka. Yange Kalunga, njinendekamo.”

Njelemiya 32:23

Omo vetele mu lifuti lino, co lyapwile vufuko vwavo, oloni kuvononokele mashiko ove, nambe kuyoya ngwe ku vilongesa vyove, nacimo civalingile cai a vyuma wavashikile kulinga. Co yove wanenele vukalu vwoshe ovu ali vakevo.

Ezekiyele 20:6

Njavakulaesele kuvatundisa mu Ingito nakuvatwamenena ku lifuti lije njavaangwilile, lifuti lya vufuko na vwilo, lifuti lyalivwa manene kutuvakana mafuti oshe.

Ndanyele 11:24

Ikeye akalwisa nakutambula lifuti lije lili na vufuko kujeneka kunangula vanu vamwo, co akalinga vyuma vije kuvalingile vakukulwila vendi. Asinoni akapangelako vaka-kumukava vivala na vufuko vije vyafungulwile mu nzita. Co akatumba matumbe akulwisa vimpaka, oloni simbu yendi ikahwa.

Hoziya 13:6

Oloni omo mwakovelele mu lifuti lyalivwa, mwalile nakukuta, co mwalyalesele nakunjivala.

Hoziya 3:5

Oloni simbu ikaija omo vanu va mu Isalele vakeluka lalo kuli Shukulu Kalunga Njambi yavo, na kuli mutekulwila wa Ndaviti mwene yavo. Co vakakomoka Shukulu Kalunga, co vakatambula vivezikiso vyendi vyavivwa.

Loma 2:4

Nambe ulinakuyeluwisa ngozi yendi yakama na kulongwa kwendi nakusimpa kwendi. Mwa vushunga uzivuka ngwove Njambi wakala na ngozi, omwo alinakweseka kukutwamenena ngeci utenguluke.

Kwituluka mu Mashiko 3:5

Vinganda vyoshe evi vyakele na vimpaka vya vivumbe vyavilaja, na vikolo, na tupateso twakupatesa ku vikolo. Co kuje lalo kwakele membo amangi a vivumbe.

Kwituluka mu Mashiko 32:13

“Ikeye wavatavesele kushwana mafuti a malundu, valile vije vyamenene mu mahya. Vawanene vuki mukati ka mamanya, miti yavo ya olive yakolele mwamuvwa mu livu lya mamanya.

Kwituluka mu Mashiko 32:14

Vingombe na vimembe vavo vakele na mavele amangi, co vakele na vana va vimanga, na majamba a vimanga vakununa, na matanga amavwa a vingombe, na vimembe va ku Mbashane, na tiliku yaivwa, na vinyu vyakutovala manene.

Kwituluka mu Mashiko 32:15

“Vanu va Shukulu Kalunga, vafukile, valile manene nakukuta, oloni vevalele Njambi Ishamatanga wavo, vavyanene muyoyesi wavo muka-nzili.