Nehemiya 9:17 - Livulu lya Shukulu Kalunga

¹⁷ Vavyanene kukwononoka, co vevalele vyoshe vije viwalingile. Vevalele vikomokeso vije viwalingile. Mu kulyalesa kwavo, vaangwile ntwama ngeci avelwisile lalo ku vunzinda ku Ingito. Oloni yove wapwa Njambi muka-kusambesa, muka-ngozi na cizemo, kuwesi kuluvala vwasi. Kutetela kwove kwapwa kwakama, co kuwavasezele.

Nehemiya 9:17 Iomraidhean Croise

1 Vimyene 6:13

Njikayoya akati ka vanu vange va Isalele mu Njuvo yange eyi vene iwulinakutunga, co kunjikavaseze embwe.”

1 Vimyene 8:57

Shukulu Kalunga Njambi yetu akale amo netu ngwe mwakele amo na vakukulwila vetu, kesi atuseze nambe kutwivala,

2 Mizimbu 36:13

Zendekiya watengulukilile Mwene Nevukaneza nakumulwisa, uje wamusindiiye alisinge mu lizina lya Njambi ngeci akapwe wa kulongwa. Oloni katavele, co welukile kuli Shukulu Kalunga, Njambi ya Isalele.

Ezela 9:9

Twapwile tu vinzinda, oloni kuwatusezele mu vunzinda embwe. Yove walingisile vimyene va vaPelesha kutuzivilako mema ku mbunge, nakututava tuyoye mwamuvwa, nakutungulula Njuvo yove Shukulu Kalunga, ije yasiwukile, nakukala mwamuvwa muno mu Yunda na mu Yelusalema.

Nehemiya 9:31

Omwo ngozi yove yakama, kuwavasezele nambe kuvanyongesa. Yove Njambi muka-ngozi na mema ku mbunge!

Myaso 106:13

Oloni vwasi-vwasi vanu vevalele vipangi vya Shukulu Kalunga, vavyanene kunangula kwendi.

Myaso 106:7

Omo vakukulwila vetu vakele mu Ingito, kuvazivukile vilinga vyakukomokesa vya Shukulu Kalunga, vevalele vukama vwa cizemo ca Shukulu Kalunga cije kucesi kutenguluka, co vakutengulukilile yove Njambi Muka-nzili yoshe kuje ku Lishali Lyakuvenga.

Myaso 130:4

Oloni yove ukatusambesa ngeci tukukomoke.

Myaso 78:10

Vakevo kuvanyungile cikumiiyo cavo na Njambi, vavyanene kwononoka mashiko endi.

Myaso 78:11

Vevalele vije vyalingile, vikomokeso vije vyavamwesele.

Myaso 78:38

Oloni Njambi wapwile muka-mema ku mbunge ku vanu vendi, wavasambesele kukuvulumuna kwavo, co kavanyongesele embwe. Visimbu vyoshe watutumwisile ku vukalu vwendi, co kavumwesele embwe.

Myaso 86:15

Oloni yove Shukulu Kalunga u muka-kuzivila mema ku mbunge wapwa u Njambi wa ngozi na cizemo, kuwesi kuluvala vwasi, washula na cizemo cije kucesi kutenguluka, u Njambi wa vushunga.

Myaso 86:5

Omwo yove Shukulu Kalunga wapwa uwamuvwa kuli yetu u muka-kusambesa, washula na cizemo cije kucesi kutenguluka kuli voshe vaje valombela kuli yove.

Kutuuka 32:9

Njizivuka kukaluwa kwa vimbunge vya vanu ava.

Visimo 1:24

Njinakala nakumisana, nakumilanya ngeci mwije, oloni yeni kumwombileko mbunge. Kumwatolililile kuli yange.

Njelemiya 18:15

Oloni vanu vange vananjivala, venyekela insense ku tumponya. Vanatundu mu ngila muje muvanapandele kuya, kuvesi nakukavangeya vingila vyalaja, oloni valinakwenda mu vingila vyakupunda.

Njelemiya 19:15

Shukulu Kalunga Muka-nzili yoshe, Njambi ya Isalele, nendeka ngwendi, “Njikanena vihiso vyoshe a nganda eyi na vindandanga vya kulyata nayo, vihiso vije njendekele ngwange njikavilinga, omwo munakaluwisa vimbunge vyeni, co kumutolilila ku vije njendeka.”

Njelemiya 7:26

Oloni nameme ngoco, naumo wai wavatolililile nambe kumbako mbunge. Oloni yeni mwakaluwisile manene vimbunge vyeni nakunjitengulukila kutuvakana vakukulwila veni.

Ezekiyele 5:6

Oloni Yelusalema vatengulukilile mashiko ange nakuwalwisa, co valingile manene vuvi kutuvakana miyati yeka, vakele na likamba lyakama kutuvakana mafuti aje avazengelekele. Yelusalema vavyanene mashiko ange nakuvyana kunyunga vizilika vyange.

Ndanyele 9:9

Yove wakala na mema ku mbunge, co u muka-kusambesa, nameme yetu tu vaka-kukutengulukila.

Njwele 2:13

Vimbunge vyeni vyakupokoka vimwese vusiwa vweni, kutavozola vuzalo vweni kesi cikeco cuma lika munapande kulinga.” Ilukeni lalo kuli Shukulu Kalunga Njambi yeni. Ikeye muka-ngozi, washula na mema ku mbunge, ikeye muka-kusimpa, muka-kunyunga cikulaeso cendi, ikeye walivwaesela cimweja kusambesa, kesi kuhisa embwe.

VaLevi 26:44

Oloni nameme ngoco, omo vacili mu lifuti lya vitozi vavo, kunjikavombila kuti embwe, nambe kuvanyongeselela. Kunjikapokola cikumiiyo cange navo, omwo yange njapwa Kalunga Njambi yavo.

Nahumi 1:3

Shukulu Kalunga kesi kuluvala vwasi embwe, oloni wakala na nzili, co simbu yoshe akanyanyamesa vanu vaje valinga vyuma vyavivi. Kuje kwoshe kwali nakwendela Shukulu Kalunga, co kukatuka kankumba kakama, mashelwa akewo likungu lije litunda ku mendi endi!

Kulava 14:11

Shukulu Kalunga wendekele kuli Mosesa ngwendi, “Visimbu vingai vanu ava vakanjishaula? Co lalo visimbu vingai vakavyana kunjikulaela nameme vamwene vikomokeso vyoshe vije njalingile akati kavo?

Kulava 14:41

Oloni Mosesa wendekele ngwendi, “Omwo vikajo kumwesi nakwononoka kushika kwa Shukulu Kalunga? Kumukahyana embwe!

Kulava 16:14

Co lalo kuwatunenele mu lifuti lyalivwa lya vwilo nevi vyakujenekamo vyai, nambe kutwana mahya na vitungu vya mikolovozi ya vushuka vwa vinyu ngeci vipwe vushwana vwetu. Yove wayongola ngwove wasa kufwika mesho a vanu ava ndi? Yetu shetu kutwijako!”

Vilinga vya Miluwa 7:39

“Oloni vakukulwila vetu vavyanene kumwononoka, oloni vamunakwilile kumukulo vashakele ngeci veluke lalo ku Ingito.

Loma 9:15

Omwo wendekele kuli Mosesa ngwendi, “Njikatetela woshe uje injishaka kutetela, co njikazivila mema ku mbunge woshe uje injishaka kuzivila mema ku mbunge.”

VaHevelu 12:25

Ngecivene, nyanyameni kesi mukanangane uje alinakwendeka kuli yeni. Vaje vavyanene kumutolilila uje wendekele majwi a Njambi ano asi kavasele kuputumuka, co yetu tukaputumuka vati, nga tukengesa nima kuli ou alinakwendeka mwilu?

1 Samwele 12:22

Shukulu Kalunga nalisingi cikumiiyo ca cikulaeso, co kakamiseze embwe, omwo nayongola kumipwisa vanu vendi.