Nehemiya 9:16 - Livulu lya Shukulu Kalunga

¹⁶ Oloni vakukulwila vetu valyalesele, nakukaluwisa vimbunge vyavo, co vavyanene kwononoka mashiko ove.

Nehemiya 9:16 Iomraidhean Croise

2 Vimyene 17:14

Oloni kuvononokele, vakaluwisile vimbunge vyavo ngwe vakukulwila vavo, vaje kuvakulaelele kuli Shukulu Kalunga Njambi yavo.

2 Mizimbu 29:6

Vakukulwila vetu kuvakulaelele kuli Shukulu Kalunga Njambi yetu, oloni valingile vyavivi ku mesho endi. Vamusezele nakukengesa nima ku mwela kuje kwakala.

2 Mizimbu 30:8

Kesi mukaluwise vimbunge vyeni ngwe muvalingile vakukulwila veni, oloni ononokeni Shukulu Kalunga, ijeni ku Njuvo yendi mu Yelusalema, ije yanajelesa Shukulu Kalunga Njambi yeni ku myaka yoshe, co mulemeseni ngeci vukalu vwendi vumitunde.

2 Mizimbu 36:13

Zendekiya watengulukilile Mwene Nevukaneza nakumulwisa, uje wamusindiiye alisinge mu lizina lya Njambi ngeci akapwe wa kulongwa. Oloni katavele, co welukile kuli Shukulu Kalunga, Njambi ya Isalele.

Nehemiya 9:10

Walingile vikomokeso ali mwene, na ali vamyata vendi, na ali vanu voshe va mu lifuti lyendi, omwo wazivukile muje muvayandesele vanu vove. Watsimanesele lizina lyove, ngwe mulinatsimana na lelo lino.

Nehemiya 9:29

Wavanangwile ngeci vononoke vilongesa vyove, oloni mu kulyalesa kwavo vavyanene mashiko ove, nameme kunyunga Mashiko ove ikeyo ngila ya ku mwonyo. Mukuzikwa kwavo, na mukukaluwa kwa vimbunge vyavo, vavyanene kwononoka.

Myaso 106:6

Tunalingi vuvi ngwe muvalingile vakukulwila vetu, tunalingi mwamuvi, co tunaviisa.

Myaso 81:8

Yeni vanu vange tolilileni kukunangula kwange yeni vanu va Isalele, njishaka manene ngeci mutolilile kuli yange!

Kutuuka 15:26

wendekele ngwendi, “Nga munjononoka nakulinga mwamuvwa ku mesho ange, nakunyunga mashiko na vizilika vyange, co kunjikamihisa na mishongo ngwe ije njahisile nayo vaka-Ingito, omwo yange njapwa Kalunga, uje muka-kumikangwisa.”

Kutuuka 32:9

Njizivuka kukaluwa kwa vimbunge vya vanu ava.

Visimo 29:1

Nga ukaluwisa mbunge yove visimbu vyoshe omo vakunangula, co litangwa limo vakakunyongesa kuukendukamo lalo.

Isaya 48:18

“Nga mwatolililile ku mashiko ange, nga vivezikiso vyeni vyapwile ngwe muna ndonga uje kesi kuma cau, nga munahyana ngwe mankimba aa mema a kalunga.

Isaya 48:4

Njazivukile ngwange yeni mwapwa vanu vavakalu, vanu va vimbunge vyakukola ngwe vutale.

Isaya 63:10

oloni vanu vendi vamutengulukilile nakumulwisa nakulingisa vusiwa Munzinzime wendi Wakujela. Ngecivene, Shukulu Kalunga wapwile citozi cavo nakuvalwisa.

Njelemiya 19:15

Shukulu Kalunga Muka-nzili yoshe, Njambi ya Isalele, nendeka ngwendi, “Njikanena vihiso vyoshe a nganda eyi na vindandanga vya kulyata nayo, vihiso vije njendekele ngwange njikavilinga, omwo munakaluwisa vimbunge vyeni, co kumutolilila ku vije njendeka.”

Njelemiya 2:31

Vanu va Isalele, tolilileni vinjendeka. Kuma yange njamisezele mu mambo, nambe kumifwika na lisusulungu ndi? Omwo vikajo mwendeka ngweni mukalinga ngwe mucamivwasela, ngweni kumukelukila lalo kuli yange?

Njelemiya 7:26

Oloni nameme ngoco, naumo wai wavatolililile nambe kumbako mbunge. Oloni yeni mwakaluwisile manene vimbunge vyeni nakunjitengulukila kutuvakana vakukulwila veni.

Ezekiyele 5:6

Oloni Yelusalema vatengulukilile mashiko ange nakuwalwisa, co valingile manene vuvi kutuvakana miyati yeka, vakele na likamba lyakama kutuvakana mafuti aje avazengelekele. Yelusalema vavyanene mashiko ange nakuvyana kunyunga vizilika vyange.

Vilinga vya Miluwa 7:51

“Setefano wendekele kuli vakevo ngwendi, ‘Yeni vanu vakukaluwa! Yeni vanu va vimbunge vyakujeneka kukulaela, matwi eni anashoko ku lijwi lya Njambi! Yeni lalo mulinakuvyana Munzinzime Wakujela ngwe muvalingile vakukulwila veni.

Loma 2:5

Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka.

Kwituluka mu Mashiko 31:27

Njazivuka kutengulukila kweni nakukaluwa kwa vimbunge vyeni. Mwatengulukilile Shukulu Kalunga a simbu yakuyoya kwange, co omo njikatsa mukahyana kumutengulukila.

Kwituluka mu Mashiko 32:15

“Vanu va Shukulu Kalunga, vafukile, valile manene nakukuta, oloni vevalele Njambi Ishamatanga wavo, vavyanene muyoyesi wavo muka-nzili.

Kwituluka mu Mashiko 5:29

Nga vakala na mbunge yangacije simbu yoshe yakunjizivila lyova nakunyunga mashiko ange, nga vakakala mwamuvwa myaka yoshe na vatekulwila vavo.

Kwituluka mu Mashiko 9:13

“Co Shukulu Kalunga wendekele kuli yange ngwendi, ‘Njazivuka vanu ava vapwa vakukaluwa vimbunge.

Kwituluka mu Mashiko 9:27

Anuka vangamba vove, va Avilahama, na Isake, na Yakomba, kesi ukenge kukukaluwa kwa vimbunge vya vanu ava, nambe ku kupenga-penga kwavo, nambe ku vuvi vwavo embwe.

Kwituluka mu Mashiko 9:6

Zivukeni ngweni kesi omwo akushungama kweni mukemwo Shukulu Kalunga alinakumyana lifuti eli lyalivwa nakulishwana embwe. Yeni mwapwa vanu vakukaluwa vimbunge.

VaHevelu 3:13

Oloni umo weni kesi vuvi vumukwise nakukaluwisa mbunge yendi, munapande kulinangula umo na mukwavo a litangwa na litangwa, ngwe mulinendeka lijwi mu visoneka ngwalyo “Lelo” lilinakupanga kuli yetu.

VaHevelu 3:15

Visoneka vinendeka ngwavyo, “Lelo vene nga muziva lijwi lya Njambi, kesi mukaluwise vimbunge vyeni ngwe muvalingile vakukulwila veni omo vatengulukilile Njambi.”