Nehemiya 9:10 - Livulu lya Shukulu Kalunga

¹⁰ Walingile vikomokeso ali mwene, na ali vamyata vendi, na ali vanu voshe va mu lifuti lyendi, omwo wazivukile muje muvayandesele vanu vove. Watsimanesele lizina lyove, ngwe mulinatsimana na lelo lino.

Nehemiya 9:10 Iomraidhean Croise

Nehemiya 9:16

Oloni vakukulwila vetu valyalesele, nakukaluwisa vimbunge vyavo, co vavyanene kwononoka mashiko ove.

Nehemiya 9:29

Wavanangwile ngeci vononoke vilongesa vyove, oloni mu kulyalesa kwavo vavyanene mashiko ove, nameme kunyunga Mashiko ove ikeyo ngila ya ku mwonyo. Mukuzikwa kwavo, na mukukaluwa kwa vimbunge vyavo, vavyanene kwononoka.

Myaso 83:18

Vazivuke ngeci yove lika wapwa Shukulu Kalunga, muka-kushwana kaye koshe!

Kutuuka 18:11

Ololo njazivuka ngwange Shukulu Kalunga wapwa wakama manene kuhyana vinjambi voshe, omwo ikeye walingile eci omo vaka-Ingito vapangesele mwamuvi vaIsalele na cizindo cakufwa ngacije.”

Kutuuka 3:20

Co njikolola livoko lyange nakupupa Ingito na vikomokeso vyange vyoshe vinjikalinga ali vakevo. Co munima yevi asinoni akamitava muye.

Kutuuka 5:2

Oloni mwene wavakumbulwile ngwendi, “Shukulu Kalunga ikeye iyajo owo njimutolilile, ngeci njitave vaIsalele kuya? Yange kunjimuzivuka owo Shukulu Kalunga, co kunjitava ngeci vaIsalele vaye.”

Kutuuka 7:1

Co Shukulu Kalunga wendekele kuli Mosesa ngwendi, “Kenga, njikakupwisa ngwe u Njambi kuli mwene, co ndolome yove Alone akendeka kuli ikeye ngwe muka-kwimanena wove.

Kutuuka 9:16

Oloni akukumwesa nzili yange, njakutavele kuyoya ngeci lizina lyange likatsimane mu kaye mwoshe.

Isaya 42:20

Isalele, wamono vyavingi, cooni vyalumbunuka vikajo kuli yove? Uli na matwi akuziva lalo, oloni vyuma mukajo viwunazivi?”

Isaya 63:12

Nzili ya Shukulu Kalunga yapangesele Mosesa vyuma vyakama, uje wemikile mema a kalunga nakutwamenena vanu vendi a nzinga, ngeci lizina lyendi litsimane ku myaka yoshe.”

Isaya 63:14

Munzinzime wa Shukulu Kalunga wavanene kuhwima mwamuvwa ngwe vingombe vawana kuhwima omo vavatwamenena ku cana ca mwila wauvwa. Lizina lya Shukulu Kalunga valishangazalele akulinga vyuma vyoshe evi.

Njelemiya 32:20

Ku san̄ulu walingile vizivukiso na vikomokeso vyakukomokesa mu Ingito, co wakele nakuvilinga nakweta ku litangwa lya lelo mu Isalele, na akati ka miyati yoshe yeka, ngecivene, ololo vanakuzivuka kwoshe-ikwoshe.

Ezekiyele 20:9

Oloni kunjalingilemo, nga njalingilemo, nga lizina lyange lyashaukile, omwo ku mesho a vanu vaje vakele nakukala amo kuje, njambulwile ngwange njikatundisa Isalele mu Ingito.

Ndanyele 4:37

“Ngecivene, ololo, yange Nevukaneza njishangazala nakusingimika nakulemesa Njambi ikeye Mwene wa Lilu. Vyuma vyoshe vyakalingi vyapwa vya vushunga, co vingila vyendi vyapwa vya kulongwa, co akononwesa uje woshe alyalesa.”

Ndanyele 5:23

Walingile mwamuvi ku mesho a Shukulu Kalunga wa mwilu akunena vinganja na malonga vya mu Njuvo ya Shukulu Kalunga. Yove, na vanu vove va vulemu, na mashano vove, na mashano vove va mbanja mwanwilililemo vinyu nakushangazala tumponya vakupanga na ngolinde, na siliva, na vunengu, na vutale, na viti, na mamanya, na tumponya vaje kuvesi kumona nambe kuziva, nambe kuzivuka cuma cimo. Oloni kuwasingimikile Njambi uje wanyunga mwonyo wove na vyuma vyoshe vije viwukalingi.

Ndanyele 9:15

“Yove Shukulu Kalunga Njambi yetu, wamwesele nzili yove akutundisa vanu vove mu lifuti lya Ingito, co na ololo tucili nakwanuka nzili yove. Tunalingi vuvi, co tunaviisa.

Vilinga vya Miluwa 7:36

Ikeye watundisile vanu mu Ingito, co walingile vizivukiso na vikomokeso mu Ingito na ku Lishali Lyakuvenga na mu mambo lalo a myaka makumi awana.

Loma 9:17

Omwo visoneka vyendeka kuli mwene wa Ingito ngwavyo, “Njakupwisile mwene ngeci njikupangese mukusholola nzili yange nakutsimanesa lutsimo lwange mu kaye mwoshe.”

Kwituluka mu Mashiko 4:34

Kuma kwakele njambi weka watundisile muyati umo ku muyati ukwavo, ngeci akavapwise vanu vendi, ngwe mwalingile Shukulu Kalunga Njambi yeni ali yeni mu Ingito ndi? Ku mesho eni vene ikeye washolwele nzili yendi yakama na vukama, wanenele mishongo yakulitambwisa amo na nzita, co walingile vizivukiso na vikomokeso, co washolwele vyuma vyakujajesa mu Ingito mwoshe.

Kwituluka mu Mashiko 7:19

Oloni mukanuka vikomokeso vije mwamwene na mesho eni vavenya, na vizivukiso, na vikomokeso, na nzili yakama ije yamitundisile nayo Shukulu Kalunga Njambi yeni mu vundungo. Mu ngila eyi vene wanyongesele vaka-Ingito, co ikeye akanyongesa lalo vanu voshe ava mulinakutewa ololo.

1 Petulu 5:5

Mu cifwa cimo vene, yeni vakwenje munapande kwononoka kuli vakulunu. Co yeni voshe pweni vaka-kulikeesa, mukupangela umo na mukwavo, omwo visoneka vyendeka ngwavyo, “Njambi akavyana vaka-kulyalesa, oloni akamwesa kutetela kuli vaka-kulikeesa.”