Nehemiya 8:7 - Livulu lya Shukulu Kalunga

⁷ Asinoni vakatukile nakwimana mu myela yavo, co vaLevi vaje vanungulwilile vanu Mashiko, vapwile, Njeshuwa, na Mbani, na Sheleviya, na Njamine, na Akumbe, na Shavetai, na Hondiya, na Maseya, na Kelita, na Azaliya, na Yozavande, na Hanane, na Pelaya.

Nehemiya 8:7 Iomraidhean Croise

1 Vimyene 8:14

Omo vanu vemanene kuje, Mwene Solomoni watengulukile, co wavavezikisile na vivezikiso vya Njambi.

2 Mizimbu 30:22

Co Hezekiya washangazalele vaLevi a mana avo akupangela mwamuvwa Shukulu Kalunga. Omo kuneti matangwa atanu na avali vakombelelele vin̄ombelo nakushangazala Shukulu Kalunga, Njambi ya vakukulwila vavo,

2 Mizimbu 35:3

Co lalo washikile vaLevi, valongisi va Isalele voshe, vaje vavakundikile kuli Shukulu Kalunga ngwendi, “Akeni Cikasa ca Cikumiiyo cakujela mu Njuvo ya Shukulu Kalunga ije yatungile Mwene Solomoni, muna Ndaviti, kumukacambata lalo a vitsili vyeni kutunda ku mutambela umo nakuya ku mutambela ukwavo embwe, oloni mukapangela lika Shukulu Kalunga Njambi yeni na vanu vendi va Isalele.

Ezela 8:18

A ngozi ya Njambi, vatutuminine Sheleviya, munalume wakunyanyama, kaLevi wa ku cikota ca Maheli, amo na vana vendi na vandolome vendi voshe vapwile likumi na vatanu na vatatu.

Nehemiya 10:18

na Hondiya, na Hashume, na Mbezai,

Nehemiya 10:2

Selaya, na Azaliya, na Njelemiya,

Nehemiya 11:16

na Shavetai na Yozavande, vapwile vaLevi va lutsimo, vaka-kwendesa vipangi vya anja ya Njuvo ya Shukulu Kalunga.

Nehemiya 11:19

Vaka-kunyunga ku Njuvo ya Shukulu Kalunga vapwile, Akumbe, na Talemone, na vavushoko vwavo, voshe vapwile 172.

Nehemiya 12:33

Vaka-kukombelela vaje vakele munima vembile malupembo vapwile, Azaliya, na Ezela, na Meshulame,

Nehemiya 3:17

VaLevi ava vatungulwile mitambela yaingi ya civumbe yakwatako. Lehume muna Mbani watungile mutambela wakwatako, Hashaviya, muka-kushwana mutambela wa lifuti lya Keila, watungile mutambela wakwatako mukwimanena lifuti lyendi.

Nehemiya 3:19

Ezele muna Njeshuwa, muka-kushwana ku Mizipa, watungile mutambela wakwatako kulutwe lwa njuvo ya vitwa, kweta na ku mwela kuje kucazingulukile civumbe.

Nehemiya 3:23

Mbenjemani na Hashumbe vatungile mutambela wakwatako, uje wakele kulutwe lwa vinjuvo vyavo. Co Azaliya, muna Maseya mutekulu wa Ananiya, watungile mutambela wakwatako, uje wakele kulutwe lwa njuvo yendi.

Nehemiya 8:12

Ngecivene, vanu voshe vaile ku vinjuvo vyavo, co vakalile nakunwa nakujolela nakulipangela na vakwavo vije vakele navyo, omwo vazivisisile mwamuvwa vyuma vije vivavalavelele.

Nehemiya 8:4

Ezela wemanene a vutenda vwa viti vuje vuvatungilile cipangi eci. Co vanalume vemanene ku livoko lyendi lya cilyo vapwile, Matitiya, na Shema, na Anaya, na Uliya, na Hilikiya, na Maseya, co vaje lalo vemanene ku livoko lyendi lya cimoshwe vapwile, Pendaya, na Mishaele, na Malekiya, na Hashume, na Hashevandana, na Zekaliya, na Meshulame.

Nehemiya 8:6

Co Ezela wendekele ngwendi, “Shangazaleni Shukulu Kalunga, Njambi wakama!” Co vanu voshe vajundwile mavoko avo mwilu vakumbulwile ngwavo, “Ewa! Ewa!” Co vatsikamene nakulemesa, na vihanga vyavo asi.

Nehemiya 8:8

Co vanungulwile Mashiko a Njambi ngeci vanu vase kuwazivisisa mwamuvwa.

Nehemiya 9:3

Co a visimbu vitatu vavalavelele Mashiko a Shukulu Kalunga Njambi yavo, lalo kwetile visimbu vitatu vyakulitavela vivi vyavo, co valemesele Shukulu Kalunga Njambi yavo.

Nehemiya 9:4

Kwakele vutenda vwa vaLevi, co aje a vutenda emanene Njeshuwa, na Mbani, na Kandimyele, na Shembaniya, na mbuni, na Sheleviya, na Mbani, na Kenani. Co valombelele nakutambekela kuli Shukulu Kalunga Njambi yavo.

VaLevi 10:11

Co munapande kulongesa vanu va Isalele mashiko oshe awa njinamyanawo ali Mosesa.”

Malakiya 2:7

Cinapu cipangi ca vaka-kukombelela kulongesa mana a Njambi. Ngeci vanu vanapande kuya kuli vakevo mukulilongesa cizango cange, omwo vakevo vapwa miluwa va Shukulu Kalunga Muka-nzili yoshe.

Kwituluka mu Mashiko 33:10

Vakevo vakalongesa vanu vove, kwononoka mashiko ove, vakakombelela vin̄ombelo a mutula wove.