Nehemiya 8:3 - Livulu lya Shukulu Kalunga

³ Co muje vene mushandangala yangoco ku cikolo, walavele Lishiko kuli vakevo kushangumuka kukutuuka kwa litangwa noo mutanya, co voshe vatolililile mwamuvwa.

Nehemiya 8:3 Iomraidhean Croise

Nehemiya 10:29

tunalipandakana na vantwama vetu nakulisinga cisingo mukukava Mashiko a Njambi, aje avaanene ali ngamba yendi Mosesa, nakwononoka Mashiko oshe, na vilongesa vya Shukulu Kalunga, Shukulu yetu.

Nehemiya 13:1

Omo valavelele vanu Lishiko lya Mosesa, co vetele a mutambela uje vasonekele ngeci kukwesi kaAmoni nambe kaMowavi ivakatavesa kulipandakana na vanu va Njambi.

Nehemiya 8:1

Ku ngonde yamucitanu na vivali, vanu va Isalele voshe vakele mu vinganda vyavo. Co a litangwa lyakulivanga ku ngonde ije vene voshe vakungulukilile mu Yelusalema, mushandangala ku Cikolo ca Mema. Co valombele Ezela, muka-kukombelela na muka-kulilongesa Mashiko aje Shukulu Kalunga waanene kuli vaIsalele ali Mosesa, ngeci anene livulu lya Mashiko.

Nehemiya 8:18

Kutunda a litangwa lyakulivanga lya Ciwano, kutwala naakumanesa, valavele Mashiko a Njambi a litangwa na litangwa. Valisambele matangwa atanu na avali, co a litangwa lyamucitanu na atatu vamanesele Ciwano, ngwe ku Mashiko.

Nehemiya 8:4

Ezela wemanene a vutenda vwa viti vuje vuvatungilile cipangi eci. Co vanalume vemanene ku livoko lyendi lya cilyo vapwile, Matitiya, na Shema, na Anaya, na Uliya, na Hilikiya, na Maseya, co vaje lalo vemanene ku livoko lyendi lya cimoshwe vapwile, Pendaya, na Mishaele, na Malekiya, na Hashume, na Hashevandana, na Zekaliya, na Meshulame.

Nehemiya 8:5

Co Ezela wemanene aje a vutenda vwa vulaja kuhyana vanu voshe, co voshe vakengele mesho avo ali ikeye ntoma. Omo Ezela wafukwile livulu, co vanu voshe vemanene.

Mako 12:37

Ndaviti ikeye vavenya wamutumbwile ngwendi ‘Shukulu,’ ngecivene, vatijo Wakuvwavesa apwe mutekulwila wa Ndaviti?” Co ije mbunga yakama yatolililile Yesu nakuvwaelela.

Luka 19:48

oloni kuvasele kuwana ngila muka vasa kucilinga, omwo vanu voshe vakele nakumutolilila ngeci kesi valojeo nambe lijwi limo.

Luka 8:18

“Ngecivene, nyanyameni omo mutolilila, omwo munu uje ali na vyuma vakamuwezelelako lalo, oloni uje kesi navyo vakamunyeka nameme vyuma vyavindondo vije alinavyo.”

Vilinga vya Miluwa 13:15

Omo valavele Lishiko lya Mosesa na visoneka vya vaka-kwimanena, co vakulunu va sinangonge vatumine lijwi kuli vakevo ngwavo, “Vandolome, tumishaka ngeci mwendeke kuli vanu nga muli na lijwi lyakuvatakamesa.”

Vilinga vya Miluwa 13:27

Omwo vanu vaje valinakuyoya mu Yelusalema na vantwama vavo omwo kuvazivukile ngeci ikeye napu Muyoyesi, nambe kuzivisisa majwi a vaka-kwimanena aje avakalava a Litangwa na Litangwa lyoshe Lyakuhwima. Nameme ngoco valingisile majwi a vaka-kwimanena kupwa a vushunga omo vawanenene Yesu mulonga.

Vilinga vya Miluwa 15:21

Omwo Lishiko lya Mosesa vanalilava simbu yakama mu masinangonge a Litangwa na Litangwa Lyakuhwima lyoshe, co majwi endi valinakuwambulula mu vinganda vyoshe.”

Vilinga vya Miluwa 16:14

Umo wavo watuzivile wapwile Lindiya watundile ku Tiyatila, wapwile muka-kulandesa vinanga vyavivwa vyakuvenguluka. Wapwile munakazi muka-kulemesa Njambi, co Mwene washokolwele mbunge yendi kutolilila ku vije vyakele nakwendeka Paulu.

Vilinga vya Miluwa 17:11

VaYunda vakuje vapwile vakushokoloka ku vimbunge kutuvakana va ku Tesalonika. Omo vatolililile ku lijwi na vimbunge vyakuzituka, co a litangwa na litangwa valilongesele Visoneka kumona nga vije vyendekele Paulu vyapwile vya vushunga.

Vilinga vya Miluwa 20:11

Asinoni walondele ku mulili wa akamwa wakapazwile likende walile. Munima yakusimutwiya navo simbu yakama noo a mungulungengu, co waile.

Vilinga vya Miluwa 20:7

A litangwa lya Sapalalo cingwezi twalikungulwile amo nakulya. Paulu wendekele kuli vanu, co watwaleleo manene kwendeka noo mukati ka vutsiki, omwo wayongwele kuya alikaki.

Vilinga vya Miluwa 28:23

Ngecivene, vemikile litangwa lyakuliwana na Paulu, co a litangwa lije mbunga yakama vezile kuje kwakele Paulu. Kutunda ku mutondo kweta ku cingwezi wavalumbunwinine muzimbu wendi wa Vumwene vwa Njambi, co wesekele kuvalumbunwina vukaleo vwa Yesu akuvaleka majwi a mu Lishiko lya Mosesa na majwi a mu visoneka vya vaka-kwimanena.

Kwituluka mu Mashiko 31:9

Ngecivene, Mosesa wasonekele mashiko a Njambi nakuwaana kuli vaLevi vaka-kukombelela, vaje vakele na moko yakwambata Cikasa ca Cikumiiyo ca Shukulu Kalunga, na kuli vakulunu voshe va Isalele.

1 Tesalonika 2:13

Co kuli cuma cikwavo lalo omwo vikajo simbu yoshe tukakandelela kuli Njambi. Omo twaminenelele lijwi lya Njambi, yeni mwalizivile nakulitambula, kesi ngwe lijwi lyakutunda kuli vanu oloni ngwe lijwi lya Njambi, Lije linapu lijwi lya Njambi vene. Omwo Njambi alinakupanga akati keni vaje vanakulaela.

Yoshwa 8:35

Mashiko oshe a Mosesa, Yoshwa waalavelele mbunga ya vaIsalele voshe amo na vanakazi, na vanike, na vaka-kwija vaje vakele akati kavo.

Kujombolola 2:29

“Nga uli na matwi, tolilila vije vyalinakwendeka Munzinzime ku vikungulukilo!

Kujombolola 3:22

“Nga uli na matwi, tolilila vije vyalinakwendeka Munzinzime ku vikungulukilo!”