Nehemiya 8:17 - Livulu lya Shukulu Kalunga

¹⁷ Vanu voshe vaje velukile kutunda ku vunzinda vatungile mapapela nakukalamo. Eci capwile cakulivanga kulingiwa tunde a matangwa a Yoshwa muna Nune, co vanu voshe vajolelele manene.

Nehemiya 8:17 Iomraidhean Croise

1 Mizimbu 29:22

Ngecivene, a litangwa lije vavwaelelele manene omo valile nakunwa ku mesho a Shukulu Kalunga. Vendekele lalo simbu yamucivali ngeci Solomoni ikeye mwene. Mu lizina lya Shukulu Kalunga vamuvwavesele mazi, kupwa muka-kuvashwana, na Zandoke muka-kukombelela.

2 Mizimbu 30:26

Co mu nganda ya Yelusalema mwakele kujolela, omwo kukwakele cuma cimo calingiwilemo cakulifwa neci tunde a simbu ya Mwene Solomoni muna Ndaviti.

2 Mizimbu 35:18

Kutunda a matangwa a Samwele muka-kwimanena, kuvalisambele Ciwano ca Pasovala ngwe eci. Kukwakele mwene umo mu Isalele walisambele Ciwano ca Pasovala ngwe eci calisambele Mwene Yosiya na vaka-kukombelela, na vaLevi na vanu va mu Yunda na mu Isalele na mu Yelusalema.

2 Mizimbu 8:13

Wakombelelele vin̄ombelo vya kwenyeka ngwe ku Lishiko lya Mosesa a litangwa na litangwa lyakujela. A Matangwa Akuhwima, na a Viwano vya Kutenama kwa Ngonde, na a viwano vitatu, na a Ciwano ca Makende Akujeneka Musima, na a Ciwano ca Kuteja, na a Ciwano ca Mapapela.

Ezela 3:4

Co valisambele Ciwano ca Mapapela ngwe ku mashiko, co a litangwa na litangwa vakombelelele vin̄ombelo vije vyashakiwile a litangwa lije,

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Kwituluka mu Mashiko 16:15

A matangwa atanu na avali mukanyunga ciwano kuli Shukulu Kalunga Njambi yeni ku mwela uje wakaangula wakumulemesela, omwo Shukulu Kalunga Njambi yeni akamivezikisa a kuteja kweni na a vipangi vyoshe mukapanga na mavoko eni, co muvavoshe mukajolela amolika.

VaHevelu 11:13

Vanu voshe ava vatsile mukukulaela, kuvatambwile vyuma vije vyavakulaesele Njambi, oloni vavimwenene kulyala, co vavitambwile mwamuvwa, vatavele mutanya mwelu ngeci vapwile vangenzi na vaka-kwendangana ano asi.

VaHevelu 11:9

Akukulaela wayoyele mu lifuti lije lyamukulaesele Njambi, nambe ngwe ikeye wakele mu lifuti lya vungenzi. Wakele mu vimbalaka, ngwe mwalingile Isake na Yakomba, ava na vakevo lalo vatambwile cikulaeso ca cifwa cimo kuli Njambi.

VaHevelu 4:8

Nga Yoshwa wahwimisile vanu, nga Njambi kemikile lalo litangwa likwavo kulutwe.

Yoshwa 1:1

Omo Mosesa ngamba ya Shukulu Kalunga natsi laja, Shukulu Kalunga wendekele kuli Yoshwa muna Nune mukwasi wa Mosesa ngwendi,