Nehemiya 8:15 - Livulu lya Shukulu Kalunga

¹⁵ Ngecivene, vatambwile vilongesa evi nakuvituma mu Yelusalema mwoshe na mu vinganda na mu vindandanga vikwavo ngwavo, “Yeni ku malundu mukashake minango ya miti ya olive, na miti ya olive ya mu shwata, na cinyota, na mashakavale, na miti ikwavo yakutungisa mapapela kwesekesa na vilongesa vivasoneka mu Mashiko.”

Nehemiya 8:15 Iomraidhean Croise

Kushangumuka 8:11

Co ku cingwezi katela welukile kuli Nowa na liputa lyakutonola lya olive ku kanwa kendi. Ngecivene, Nowa wazivukile ngwendi mema ololo anomu asi.

VaLevi 23:4

Ambululeni viwano evi a visimbu vije vivemika.”

VaLevi 23:40

A litangwa lije lyakulivanga mukavuya vushuka vwavuvwa vwa ku miti yeni, co mukambata mashakavale, na minango ya miti ije ili na maputa, co mukashangumuka ciwano ca vunjambi mukusingimika Shukulu Kalunga Njambi yeni.

Zakaliya 1:8

Njamwene kangelo ka Shukulu Kalunga walondele a kavalu wakuvenga. Co wemanene mu cana akati ka miti ya mikuve, munima yendi mwakele lalo tuvalu vakwavo vakuvenga, na ava vakuvenguluka, na ava vakutoka.

Mateo 21:1

Omo Yesu na vandongisi vendi vashwenyele kuyehi na Yelusalema, vetele ku Mbetefanje, ku Munkinda wa Oliveta. Asinoni Yesu watumine vandongisi vavali kulutwe

Yowano 12:13

Ngecivene, vatetele minango ya mashakavale vaile nakuliwana nendi, vatambekele ngwavo, “Shangazaleni Njambi! Njambi amuvezikise ou aija mu lizina lya Mwene! Njambi avezikise Mwene ya Isalele!”

Kwituluka mu Mashiko 16:16

“Vanalume voshe va ku muyati weni vakalikungulwile ku mesho a Shukulu Kalunga Njambi yeni visimbu vitatu a mwaka ku mwela uje waakangula Shukulu Kalunga wakumulemesela, vakalikungulwile ku Ciwano ca Pasovala, na ku Ciwano ca Kuteja, na ku Ciwano ca Mapapela. Co vakanene mulambu.

Kujombolola 7:9

Munima yevi njakengele, co njamwene mbunga yakama, naumo wai wasele kulava vanu voshe vaje! Vatundile ku miyati yoshe na ku mafuti oshe na ku vanu voshe na ku vindaka vyoshe, co vemanene kulutwe lwa litanda na kulutwe lwa Muna Manga, vazalele vuzalo vwakutoka, co vakwatele minango ya mashakavale mu mavoko avo.