Nehemiya 8:12 - Livulu lya Shukulu Kalunga

¹² Ngecivene, vanu voshe vaile ku vinjuvo vyavo, co vakalile nakunwa nakujolela nakulipangela na vakwavo vije vakele navyo, omwo vazivisisile mwamuvwa vyuma vije vivavalavelele.

Nehemiya 8:12 Iomraidhean Croise

1 Mizimbu 29:22

Ngecivene, a litangwa lije vavwaelelele manene omo valile nakunwa ku mesho a Shukulu Kalunga. Vendekele lalo simbu yamucivali ngeci Solomoni ikeye mwene. Mu lizina lya Shukulu Kalunga vamuvwavesele mazi, kupwa muka-kuvashwana, na Zandoke muka-kukombelela.

Nehemiya 8:10

Yeni ku vinjuvo vyeni mukalinge ciwano. Lipangeleni vyakulya vyeni na vinyu na vaje vanajeneka. Litangwa lya lelo linapu lyakujela kuli Shukulu Kalunga ketu, ngecivene, kesi mukale na vusiwa. Kujolela kwa Shukulu Kalunga kukamitakamesa.”

Nehemiya 8:11

VaLevi vaile nakwolwesa vanu, nakuvaleka ngeci kesi vakale na vusiwa a litangwa lya ngacije lyakujela.

Nehemiya 8:13

Alikaki vakulunu va vikota, amo na vaka-kukombelela na vaLevi, vaile kuli Ezela mukulilongesa vilongesa vya Mashiko.

Esita 9:22

Awa akewo matangwa aje vaYunda vafungulwile vitozi vavo, co ku ngonde ije vene kuviilila kwavo kwatengulukile kujolela, vusiwa vwavo vwatengulukile kuvwaelela. Co vavalekele ngeci vaapwise matangwa a ciwano nakujolela, nakulyana vwana vwa vyakulya kuli umo na mukwavo nakwana vwana kuli tuutu.

Yombi 23:12

Simbu yoshe njikalingi vije Njambi avishika, co njikalingi cizango cendi, kesi cizango cange embwe.

Myaso 119:111

Mashiko ove apwa vushwana vwange ku myaka yoshe, akewo anapu kuvwaelela kwa mbunge yange.

Myaso 119:127

Yange njazema mashiko ove kutuvakana ngolinde, kutuvakana ngolinde yaivwa.

Myaso 119:130

Kununguluka kwa vilongesa vyove kwana ceke, kwana mana kuli vaje kuvazivuka.

Myaso 119:14

Njijolela akwononoka vilongesa vyove ngwe muje mwakajolela munu a vufuko vwendi vwavungi.

Myaso 119:16

Njivwaelela mu vilongesa vyove, co kunjikevala lijwi lyove.

Myaso 119:171

Njikakushangazala simbu yoshe omwo ukanjilongesa mashiko ove.

Myaso 119:174

Njikuvandamena ngeci unjamene Shukulu Kalunga, mashiko ove anjivwaelelesa.

Myaso 119:72

Lishiko lyakutunda mu kanwa kove lyalivwa manene kuli yange, kutuvakana vufuko vwoshe vwa ano asi.

Myaso 119:97

Yange njazema manene mashiko ove! Co njikawayongola litangwa lyoshe.

Njelemiya 15:16

Omwo wendekele kuli yange, njatolililile majwi oshe nakuwononoka, omwo njapwa nji wove, yove Shukulu Kalunga Njambi Muka-nzili yoshe.

Luka 24:32

Co valyendekesele umo na mukwavo ngwavo, “Kuma vimbunge vyetu kuvyezukile omo nakele nakwendeka netu mu ngila nakutunungulwila vya mu Visoneka ndi?”

Loma 7:18

Omwo njazivuka ngwange kumwesi vuvwa muli yange, mu vusitu vwange. Nameme muli yange muli lishungu lyakulinga vyavivwa, oloni kunjasa kulingamo.

Kujombolola 11:10

Vanu vaka-asi vakajolela a kutsa kwa ava vanu vavali, vakalisamba nakutumisa mavwana kuli umo na mukwavo, omwo vaje vaka-kwimanena vavali vanenele tuyando twakama manene a vanu va ano asi.