Nehemiya 7:65 - Livulu lya Shukulu Kalunga

⁶⁵ Co nguvulu wa vaYunda wavalekele ngeci kuvasa kulya vyakulya vije vivanakombelela kuli Njambi, kuvanga kukale muka-kukombelela uje asa kupangesa Ulime na Tumime.

Nehemiya 7:65 Iomraidhean Croise

Ezela 2:63

Co nguvulu wa vaYunda wavalekele ngeci kuvasa kulya vyakulya vije vivanakombelela kuli Njambi, kuvanga kupwe muka-kukombelela uje asa kupangesa Ulime na Tumime.

Nehemiya 10:1

Wakulivanga kwakao cisateso wapwile nguvulu Nehemiya muna Hakaliya, asinoni Zendekiya. Vaka-kukombelela vapwile,

Nehemiya 7:64

Vatondele mazina avo mu livulu muje muvasonekele mazina a vanu kwesekesa ku vikota vyavo, oloni kuvawanene mazina a vakukulwila vavo, mukemwo vavavyanene kupwa vaka-kukombelela.

Nehemiya 7:66

Vungi vwa vinzinda vaje velukile vapwile 42,360.

Nehemiya 7:70

Co vanu vavangi vaanene vwana vwakukwasa kufweta vaka-kuvwaesa Njuvo ya Shukulu Kalunga. Nguvulu waanene ngolinde ya makilo akupwa 8, na malonga akupwa 50, na vuzalo vwa vaka-kukombelela vwakupwa 530.

Nehemiya 8:9

Omo vanu vazivile vije vyakele mu Mashiko, vimbunge vyavo vyavetwele, co vashangumukile kulila. Ngecivene, Nehemiya, uje wapwile nguvulu, na Ezela muka-kukombelela na muka-kulilongesa Mashiko, na vaLevi vaje vanungulwile Mashiko valekele vanu voshe ngwavo, “Litangwa lino linapu lyakujela kuli Shukulu Kalunga Njambi yeni, ngecivene, kumwapandele kukala na vusiwa nambe kulila.

Kutuuka 28:30

Co mu kananga ka a nulo akamo Ulime na Tumime, ngeci Alone akavyambate omo akovela ku mesho ange. Co a visimbu vyangacije ikeye napande kuzala aka kananga ka a nulo, ngeci ase kuwana vutumbe vwa cizango cange kuli vanu va Isalele.

VaLevi 2:10

Co vije vikasalao ku mulambu ou vikapwa vya vaka-kukombelela, vikapwa vyakujela, omwo vanavitundisa ku vyakulya vije vanakombelela kuli Shukulu Kalunga.

VaLevi 2:3

Co vije vikasalao ku mulambu ou wa vimbuto vya vinona vikapwa vya vaka-kukombelela, vikapwa vyakujela, omwo vikevyo vanavitundisa ku vyakulya vije vanalambula kuli Shukulu Kalunga.

VaLevi 6:17

Shukulu Kalunga navanavyo kupwa mutambela wavo wa milambu ya vyakulya. Unapu wakujela manene, ngwe milambu ya a vuvi, na milambu ya kuliilwisila.

VaLevi 8:8

Co wamuzikile kananga ka a nulo, waakelemo Ulime na Tumime.

Kulava 27:21

Ikeye akemana ku mesho a Elyazale muka-kukombelela, co Elyazale akalilongesa kuwana cizango cange akupangesa Ulime na Tumime, co mu ngila eyi akatwamenena Yoshwa na mbunga yoshe ya vanu va Isalele mu vipangi vyavo vyoshe.”

Kwituluka mu Mashiko 33:8

A muyati wa Levi Mosesa wendekele ngwendi, “Yove Shukulu Kalunga, sholola cizango cove, a Ulime na Tumime muli vangamba vove va kulongwa, vanu va Levi. Vaje vawesekele ku Masa, walizungile navo ku mema a ku Meliva.