Nehemiya 7:63 - Livulu lya Shukulu Kalunga

⁶³ Co ku vana va vaka-kukombelela, kwakele vana va Hombaya, na Hakoze, na Mbazilai. (Kukulwila wa cikota ca vaka-kukombelela ca Mbazilai wambatele munakazi wa ku cikota ca Mbazilai uje wa ku Ngilyande, co wambatele lizina lya cikota ca ishemweno.)

Nehemiya 7:63 Iomraidhean Croise

2 Samwele 17:27

Omo Ndaviti wetele ku Mahanaime, waliwanene na Shovi muna Nahashe, wa ku nganda ya Lamba mu Amoni, na Makile muna Amiyele, wa ku Londembale, na Mbazilai, wa ku Longelime mu Ngilyande.

1 Vimyene 2:7

“Oloni mwesa ngozi kuli vana va Mbazilai wa ku Ngilyande nakuvanyunga, vakele na ngozi ali yange omo njatewele ndolome yove Avisalome.

1 Mizimbu 4:8

Koze ikeye wapwile ishe ya Anumbe, na Zombemba, kukulwila wa cikota ca Ahalehele muna Halume.

Nehemiya 3:4

Melemote, muna Uliya mutekulu wa Hakoze, watungile mutambela wakwatako. Meshulame, muna Mbelekiya mutekulu wa Meshezavele, watungile mutambela wakwatako. Zandoke muna Mbana watungile mutambela wakwatako.

Nehemiya 7:62

Vikota vya Ndelaya, na Toviya, na Nekonda vapwile 642.

Nehemiya 7:64

Vatondele mazina avo mu livulu muje muvasonekele mazina a vanu kwesekesa ku vikota vyavo, oloni kuvawanene mazina a vakukulwila vavo, mukemwo vavavyanene kupwa vaka-kukombelela.