Nehemiya 7:3 - Livulu lya Shukulu Kalunga

³ Njavalekele ngeci kesi vashokolole vikolo vya Yelusalema ku mutondo embwe kuvanga noo kunaki mwamuvwa, litangwa omo litoka vaka-kunyunga simbu kanda vaciye, vashoke mapito nakuwapata mwamuvwa. Njavalekele lalo ngeci vemike vaka-kunyunga vakutunda akati ka vanu ava vakala mu Yelusalema, co vamo vavaleke mitambela yavo ivakanyunga, co vakwavo lalo vendangane nakunyunga mu mitambela ya vinjuvo vyavo vavenya.

Nehemiya 7:3 Iomraidhean Croise

Nehemiya 13:19

Ngecivene, njashikile lishiko lyakushoka vikolo vya ku nganda akushangumuka kwa Litangwa Lyakuhwima, ku simbu ya cingwezi omo litangwa lishangumuka kutoka, co kesi kuvishokolola lalo noo Litangwa Lyakuhwima linahu. Njaakele vanu vange vamo ku vikolo vamone ngeci nacimo cuma civakanena mu nganda a Litangwa Lyakuhwima cai.

Nehemiya 3:23

Mbenjemani na Hashumbe vatungile mutambela wakwatako, uje wakele kulutwe lwa vinjuvo vyavo. Co Azaliya, muna Maseya mutekulu wa Ananiya, watungile mutambela wakwatako, uje wakele kulutwe lwa njuvo yendi.

Nehemiya 7:2

Cooni njaakele vanu vavali vaka-kupangesa nakwendesa nganda ya Yelusalema, ndolome yange Hanani na Hananiya, mwata wa mashwalale va cimpaka ca vutewelo. Hanani wapwile munu wamuvwa muka-kukomoka Njambi, kukwesi umo walyesekele nendi wai.

Nehemiya 7:4

Yelusalema yapwile nganda yakama manene, oloni kumwakele vanu vavangi manene, co lalo kuvatungililemo vinjuvo vyavingi.

Myaso 127:1

Nga Shukulu Kalunga kakwasa mukutunga njuvo, vipangi vya muka-kutunga vinapu vyangoco, nga Shukulu Kalunga kakwasa mukunyunga nganda, vaka-kunyunga vemana nakunyunga ngoco.

Myaso 147:13

Omwo ikeye akolesa vikolo vyove, nakuvezikisa vanu vove.

Mateo 10:16

“Kengeni, njilinakumituma ngwe vimanga akati ka tungunga. Ngecivene, nyanyameni ngwe manyoka, co likongomekeni ngwe mayembe.