Nehemiya 7:2 - Livulu lya Shukulu Kalunga

² Cooni njaakele vanu vavali vaka-kupangesa nakwendesa nganda ya Yelusalema, ndolome yange Hanani na Hananiya, mwata wa mashwalale va cimpaka ca vutewelo. Hanani wapwile munu wamuvwa muka-kukomoka Njambi, kukwesi umo walyesekele nendi wai.

Nehemiya 7:2 Iomraidhean Croise

Kushangumuka 42:18

Co a litangwa lyamucitatu Yosefa wendekele kuli vandolome vendi ngwendi, “Yange nji munu wakuzivila Njambi lyova, njikamena myonyo yeni a cuma cimo.

2 Samwele 23:3

Njambi ya Isalele nendeka, muka-kunyunga Isalele nendeka kuli yange ngwendi, “Mwene muka-kushwana na vushunga, muka-kushwana nakwononoka Njambi,

1 Vimyene 18:12

Cikapwa vati nga Munzinzime wa Shukulu Kalunga akutwala ku mutambela weka uje kuuzivuka omo njikuseza ano vene? Co omo njikaleka Ahave ngwange uli kuno, co nga kakuwanako, co akanjitsiya. Anuka ngeci yange njinapu muka-kulemesa Shukulu Kalunga na mbunge yange yoshe tunde ku vwanike vwange.

1 Vimyene 18:3

ngecivene, Ahave wasanene Ovandiya uje wapwile mukulunu wa ku lipela. (Ovandiya wapwile muka-kulemesa manene Shukulu Kalunga na mbunge yendi yoshe,

Nehemiya 1:2

Hanani, umo wa vandolome vange, wezile na vanalume vamo kutunda ku Yunda, co njavehwile vya a Yelusalema na ali vavushoko vwetu vaYunda vaje vasaleleo kuvaile ku vunzinda ku Mbambilone.

Nehemiya 10:23

na Hoseya, na Hananiya, na Hashumbe,

Nehemiya 13:13

Co njemikile vaka-kunyunga ku milili yakutulikila vapwile, Shelemiya, muka-kukombelela, na Zandoke, muka-kusoneka, na Pendaya kaLevi. Hanane, muna Zakule, mutekulu wa Mataniya, wapwile muka-kuvaata. Ava voshe njavaangwile omwo vavatumbwile ngeci vapwa va kulongwa. Co cipangi cavo capwile cakupangezela vyuma vavushoko vwavo.

Nehemiya 2:8

Co lalo njamulombele mukanda wakuya kuli Asafe, muka-kunyunga shwata ya vumwene, nakumuleka ngeci anjaneko miti yakushonga mikambo ya ku vikolo vya ku cimpaka cije canyunga Njuvo ya Shukulu Kalunga, neyi ya vivumbe vya nganda, na mikambo ya njuvo muje munjikakala. Co Mwene wanjanene vyoshe vinjamulombele, omwo Njambi wakele amo nange.

Nehemiya 5:15

Co nguvulu woshe uje wakeleko simbu kanda yange njikaleko, walemuwisile vanu vitele vyakufweta vimbongo makumi awana vya mavundungulu a siliva a litangwa na litangwa vya vyakulya na vya vinyu. Nameme vangamba vavo vakele nakuyandesa vanu. Oloni yange njalingile mweka, omwo njasingimikile Njambi.

Nehemiya 7:3

Njavalekele ngeci kesi vashokolole vikolo vya Yelusalema ku mutondo embwe kuvanga noo kunaki mwamuvwa, litangwa omo litoka vaka-kunyunga simbu kanda vaciye, vashoke mapito nakuwapata mwamuvwa. Njavalekele lalo ngeci vemike vaka-kunyunga vakutunda akati ka vanu ava vakala mu Yelusalema, co vamo vavaleke mitambela yavo ivakanyunga, co vakwavo lalo vendangane nakunyunga mu mitambela ya vinjuvo vyavo vavenya.

Yombi 1:1

Kwakele munalume umo lizina lyendi Yombi, uje wakele mu lifuti lya Uze. Wapwile muka-vushunga na kulongwa, nakukomoka Njambi, nakulitenga ku vuvi.

Myaso 101:6

Njikashakezeka vanu vaje va kulongwa kuli Njambi, njikavatava ngeci vakakale amo nange, voshe vaje venda mu ngila ya vushunga, vakapwa vanu vaka-kunjipangela.

Kutuuka 18:21

Oloni unapande kwangula vanalume vamo vakunyanyama uvemike vapwe vantwama va vanu, vantwama va makulukazi, na ava va viita, na ava va makumi atanu, na ava va likumi. Vakevo vanapande kupwa vanalume vakukomoka Njambi, va vushunga, vaka-kuzinda lizika-kanwa.

Ndanyele 6:4

Co vakwavo vaka-kutwamenena na vanguvulu vesekele kuwana cuma cimo cacivi mu ngila ije Ndanyele watwamenenene nayo vipangi mu vumwene, oloni kuvaciwanene, omwo Ndanyele wapwile munu wa kulongwa, co kalingile cuma cimo cacivi.

Kulava 12:7

oloni kesi ngoco na ngamba yange Mosesa. Ikeye wapwa wa kulongwa, njinamwana moko ya vanu vange voshe va Isalele.

Mateo 24:45

“Iyajo napu ngamba wa kulongwa nakunyanyama? Ikeye uje shukulu yendi namusezela kunyunga vakwavo vangamba nakuvana vyakulya a simbu yaivwa.

Mateo 25:21

Shukulu yendi wamukumbulwile ngwendi, ‘Unalingi mwamuvwa manene, u ngamba wamuvwa wa kulongwa! Walongwele ku vyuma vyavindondo, ngecivene, njikakupwisa muka-kunyunga vimbongo vyavingi. Kovela mukuvwaelela kwa shukulu yove!’

1 Kolinte 4:2

Cuma cishakiwako kuli vangamba vangacije cinapu eci, vakevo vanapande kupwa va kulongwa kuli shukulu yavo.

2 Timateo 2:2

Tambula vilongesa vije wazivile kuli yange omo njambulwile ku mesho a vakaleo vavangi, co vikundike ku vanu vavavwa, vaje vasa kulongesa vakwavo veka lalo.