Nehemiya 6:9 - Livulu lya Shukulu Kalunga

⁹ Vashakele kutuzivisa lyova tuvavoshe ngeci vipangi vimane. Co njalombelele ngwange, “Ololo, Shukulu Njambi, njipwise muka-nzili!”

Nehemiya 6:9 Iomraidhean Croise

2 Mizimbu 15:7

Oloni yeni munapande kukolesa kesi muzeye embwe. Omwo vakamyana cikandelela a vipangi vije mulinakupanga.”

2 Mizimbu 32:18

Vaje vamyata vatambekele manene mu ciHevelu ngeci vajujwise vanu vaje vakele mu Yelusalema vaje vatumbamene a civumbe ca nganda, ngeci cipwe cacasi kufungulula ije nganda.

Ezela 1:6

Vandambo vavo voshe vavakwasele, co vavaanene vyuma vyavingi, malonga a siliva, na ngolinde, na vivala, na vimuna vakwambata vivala, na vyuma vikwavo lalo vya seo, na vin̄ombelo vya mu Njuvo ya Shukulu Kalunga.

Nehemiya 6:14

Co njalombelele ngwange, “Shukulu Njambi, anuka evi vivanalingi va Toviya na Sanevalate, co vanyanyamese. Anuka uje munakazi Nondiya na vakwavo veka vaka-kwimanena vaje vesekele kunjizivisa lyova.”

Myaso 138:3

Omo njalombelele kuli yove, co wanjikumbulwile, wanjitakamesele lalo na nzili yove.

Myaso 56:3

Yove Shukulu Kalunga Muka-nzili yoshe, nameme njili na lyova, oloni anga njikakukulaela kuli yove.

Myaso 68:35

Njambi ya Isalele wapwa wakukomokesa mu Njuvo yendi yakujela! Ikeye akana nzili ku vanu vendi. Shangazaleni Njambi!

Myaso 71:1

Shukulu Kalunga njitewela muli yove, kesi vanjizivise shwamwa ku myaka yoshe!

Isaya 40:29

Shukulu Kalunga muka-kukolesa vaje vanazeye nakujuka.

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Njelemiya 38:4

Asinoni vamyata vaile kuli mwene nakwendeka ngwavo, “Njelemiya vanapande kumutsiya, omwo akwendeka kwendi ngeci alinakujujwisa mashwalale va mu nganda, co alinakulinga cuma cimolika kuli munu na munu uje nasala mu nganda. Njelemiya kesi nakukwasa vanu, oloni ashaka lika kuvavavalesa ku vimbunge.”

Ezekiyele 30:24

Asinoni njikakolesa mavoko a mwene wa Mbambilone nakwaka mukwale wange mu mavoko endi. Oloni njikapokola mavoko a mwene wa Ingito, co akakemanga nakutsila ku mesho a vitozi vendi.

Zakaliya 10:12

Vanu vange vakapwa vaka-nzili, vakanjilemesa nakunjononoka.” Mwanendeka Shukulu Kalunga.

2 Kolinte 12:9

Co ikeye wanjikumbulwile ngwendi, “Kutetela kwange kunapumo ku vyoshe, omwo nzili yange yapwa yakukomokesa omo unazeye.” Ngecivene, njilinakuvwaelela manene a vyuma vyakuzeya vyoshe-ivyoshe nakujolela akunyunga kwa Kilistu na nzili eyi ili ali yange.

Efeso 3:16

Njilomba kuli Njambi a vufuko vwa vumpau vwendi ngeci amyane nzili ali Munzinzime wendi ngeci mukale na nzili mukati ka mivila yeni,

Efeso 6:10

Akukotoka, koleseniko muli Mwene na mu nzili ya vukama vwendi.

Filipu 4:13

Njasa kulinga vyuma vyoshe a nzili ije yananjana Kilistu.

VaHevelu 12:12

Ngecivene, junduleni mavoko eni aje anatepuka, co koleseni mavuli eni akuzeya!

1 Petulu 5:10

Oloni omo munayanda kasimbu kakandondo lika, Njambi wa kutetela kwoshe, uje namisana mukulipangela vumpau vwendi vwa myaka yoshe muli Kilistu, ikeye vavenya akamijelesa nakumyana kwimana mbe na nzili na luvula lwaluvwa.

1 Samwele 30:6

Co Ndaviti wakele mu vukalu vwakama manene, omwo vanu vendi voshe vazivile ku vimbunge kuvavala manene a vana vavo va vanalume na ava va vanakazi, co vashungwiiye kumwasha mamanya, oloni Ndaviti walitakamesele muli Shukulu Kalunga Njambi yendi.