Nehemiya 6:1 - Livulu lya Shukulu Kalunga

¹ Sanevalate, na Toviya, na Ngesheme, na vungi vwa vitozi vetu vazivile ngeci tunamanesa kutunga civumbe, co kukwesi mbengwa lalo yasaleleo, oloni nameme ngoco kwacisalele kwaaka mapito ku vikolo.

Nehemiya 6:1 Iomraidhean Croise

Nehemiya 13:4

Elyashimbe Muka-kukombelela, uje wakele na moko yakunyunga milili ya mu Njuvo ya Shukulu Kalunga, wapwile musamba wa Toviya simbu yakama.

Nehemiya 2:10

Oloni Sanevalate, wa mu limbo lya Mbete Holone, na Toviya, mwata wa lifuti lya Amoni, omo vazivile ngeci kunaija munu umo akwase vanu va Isalele, vimbunge vyavo vyavavalele manene.

Nehemiya 2:19

Omo Sanevalate, na Toviya, na kaAlavya umo lizina lyendi Ngesheme vazivile a vutumbe vuje vutwashakele kulinga, co vatujolele nakutushendumuna nakwendeka ngwavo, “Vikajo mulinakuyongola kulinga? Yeni mushaka kutengulukila mwene ndi?”

Nehemiya 3:1

Eyi ikeyo ngila ivatungulwile civumbe ca nganda. Elyashimbe Muka-kukombelela Wakama na vakwavo vaka-kukombelela vatungulwile Cikolo ca Vimanga, co vacikundikile, nakwakako vikolo. Co vakundikile civumbe kutunda ku Kaposhi ka Ciita nakweta ku Kaposhi ka Hananele.

Nehemiya 3:3

Vaka-cikota ca Hasena vatungile Cikolo ca Visi. Vaakele mikambo na vikolo mu myela yavyo, co vaakeleko tupateso na mikambo yakupatesa ku cikolo.

Nehemiya 3:6

Njoyanda muna Paseya na Meshulame muna Mbesondeya vatungulwile Cikolo ca Njeshana. Vakevo vaakele mikambo na vikolo mu myela yavyo, co vaakele tupateso na mikambo yakupatesa ku cikolo.

Nehemiya 4:1

Omo Sanevalate wazivile ngeci yetu vaYunda tunashangumuka kutungulula civumbe, waluvalele manene, nakutuyeluwisa.

Nehemiya 7:1

Ngecivene, civumbe vacitungulwile, co na vikolo vyoshe vavyakele mu myela yavyo, na vaka-kunyunga ku Njuvo ya Shukulu Kalunga, na mbunga yakujela ya vaka-kwimba, naveka lalo vaLevi vavaanene cipangi cavo.

Ndanyele 9:25

Zivuka eci nakucizivisisa. Kutunda a simbu vaanene lishiko lyakutungulula Yelusalema, noo ntwama uje wakwangula kuli Njambi naija, kukaita visimbu vitanu na vivali vya myaka itanu na ivali. Yelusalema vakaitungulula na vitapalo na vimpaka vyakukola, co ikakalako visimbu vitanu na vivali vya myaka makumi atanu na limo na myaka ivali, oloni ikapwa simbu ya tuyando.