Nehemiya 5:2 - Livulu lya Shukulu Kalunga

² Vamo vendekele ngwavo, “Tuli na naanga yakama, tushaka vyakulya vituyoyese.”

Nehemiya 5:2 Iomraidhean Croise

Kushangumuka 41:57

Vanu voshe vakele nakuya ku Ingito, vatundile mu kaye mwoshe vaile nakulanda tiliku kuli Yosefa, omwo njala ya lyangengela yapwile yakama manene mu kaye mwoshe.

Kushangumuka 42:2

Njazivi ngwavo ku Ingito kuli tiliku. Yeniko mukalandeko vyakulya ngeci kesi tulanduke ku njala.”

Kushangumuka 43:8

Asinoni Yunda wendekele kuli ishe ngwendi, “Mwesele mwanike njiye nendi yange, co ano vene tukakatuka nakuya ngeci tuyoye, kesi tutse ku njala, netu nove, na vana vetu.

Kushangumuka 47:19

Kesi tulanduke ku njala, tulande yetu na mahya etu na vyakulya. Tulande na livu lyetu mukulandakana na vyakulya. Co tukapwa vindungo va mwene, ikeye akafuka livu lyetu. Twane tiliku ituyoyese na mbuto tukuve mu mahya etu.”

2 Vimyene 4:1

Fwile wa munakazi wa mu munga ya vaka-kwimanena waile kuli Elisha wendekele ngwendi, “Mwane, munalume wange natsi! Ngwe muwazivukila ikeye wapwile munalume muka-kukomoka Njambi, oloni munalume uje yatambwile vimbongo vyendi naija, co ashaka kwambata vana vange vavali va vanalume ngeci akavapwise vindungo ku likongo lije lyatambwile munalume wange kuli ikeye.”

Nehemiya 5:3

Co vakwavo vendekele ngwavo, “Yetu tunakumwisa laja mahya etu na vitungu vyetu vya mikolovozi ya vushuka vwa vinyu, na vinjuvo vyetu ngeci tuwane vyakulya vyakupwisamo kutewa tulanduka ku njala.”

Hangai 1:6

Yeni mwalimine vimbuto vyavingi manene, oloni mwatejele vyavindondo lika. Muli na vyakulya ngeci mulye, oloni kumwapwisilemo ngeci mukute. Muli na vinyu ngeci munwe, oloni kumwapwisilemo ngeci mupende! Mulinakuzala, oloni kumwesi nakuziva ntwima embwe. Co lalo muka-kupanga kesi nakuwana cuma cakumuyoyesa.

Malakiya 2:2

Munapande kunjisingimika a vije mulinga. Nga kumutolilila ku vije vinjendeka, co njikamisinga. Co njikasinga vyuma vije vyakumikwasa vivakamyana. Mwa vushunga njinavisingi laja, omwo kumwesi kumbako mbunge ku mashiko ange.

Kwituluka mu Mashiko 23:19

“Kesi mukakumwise vimbongo na kakondweso. Nambe vyakulya, nambe cuma cimo ceka kuli mukweni kaIsalele, kesi mukamufwetese kakondweso.