Nehemiya 5:16 - Livulu lya Shukulu Kalunga

¹⁶ Njaakele nzili yange yoshe a vipangi vyakutungulula civumbe, oloni kunjashakezekele vufuko embwe. Munu woshe uje wapangele kuli yange walipandakanene mukutungulula civumbe.

Nehemiya 5:16 Iomraidhean Croise

Nehemiya 5:15

Co nguvulu woshe uje wakeleko simbu kanda yange njikaleko, walemuwisile vanu vitele vyakufweta vimbongo makumi awana vya mavundungulu a siliva a litangwa na litangwa vya vyakulya na vya vinyu. Nameme vangamba vavo vakele nakuyandesa vanu. Oloni yange njalingile mweka, omwo njasingimikile Njambi.

Nehemiya 5:17

Simbu yoshe ku mesa yange njakele nakulisa vaYunda vakupwa 150 na vantwama vavo, kuwezelelako na vanu veka vaje vakele nakwija kuli yange vakutunda ku miyati ije yatuzengelekele.

Kulava 16:15

Co Mosesa waluvalele manene ngeci wendekele kuli Shukulu Kalunga ngwendi, “Shukulu Kalunga kesi utambule n̄ombelo yavo. Nacimo cai yange njaviisile kuli vakevo, kunjambatele nambe cimulu cavo umo.”

Luka 8:15

Co vimbuto vije vyawililile ku livu lya vwilo vinemanena vaje vaziva lijwi nakulinyunga na mbunge yaivwa yakwononoka, co vakakateya noo vaima vushuka.

Loma 2:7

Vamo vanu valinakulinga mwamuvwa nakushakezeka vumpau na kasingimiko na mwonyo wa myaka yoshe, kuli vakevo Njambi akavana mwonyo wa myaka yoshe.

1 Kolinte 15:58

Ngecivene, vavusamba vange va cizemo, imaneni mbe kujeneka kuwa. Simbu yoshe pangeni na nzili mu vipangi vyeni kuli Mwene, omwo munazivuka ngweni vipangi vyeni mulinakupanga muli Mwene kuvyesi nakuya mwangoco.

Ngalatiya 6:9

Ngecivene, kesi tujuke mukulinga mwamuvwa embwe, omwo nga kutujuka, simbu ikaija omo tukateja.