Nehemiya 5:13 - Livulu lya Shukulu Kalunga

¹³ Asinoni njashulwile cizalo cinjalizengelele mu mbunda yange, njacitotomwene, co njendekele ngwange, “Omu mukemwo mwakatotomona Njambi vaje kuvakanyungu cikulaeso cavo.” Co njendekele lalo ngwange, “Njambi akaminyeka vinjuvo vyeni na vyuma vyoshe vije mulinavyo, co akamiseza mavoko-voko.” Voshe vaje vakele kuje vendekele ngwavo, “Ewa!” Vashangazalele Shukulu Kalunga. Co vantwama vanyungile cikulaeso cavo.

Nehemiya 5:13 Iomraidhean Croise

2 Vimyene 23:3

Co mwene wemanene kumukulo wa manda ya vumwene, walikumiiye na Shukulu Kalunga cikumiiyo cakumwononoka, nakunyunga mashiko endi nakushika kwawo na mbunge yendi yoshe na mwonyo wendi woshe, nakukavangeya majwi a cikumiiyo ngwe muje muvawasonekele mu livulu. Co vanu voshe vakulaesele kunyunga cikumiiyo.

1 Mizimbu 16:36

Shangazaleni Shukulu Kalunga, Njambi wa Isalele. Mushangazaleni ololo na ku myaka yoshe! Asinoni vanu voshe vendekele ngwavo, “Ewa.” Co valemesele Shukulu Kalunga.

Nehemiya 8:6

Co Ezela wendekele ngwendi, “Shangazaleni Shukulu Kalunga, Njambi wakama!” Co vanu voshe vajundwile mavoko avo mwilu vakumbulwile ngwavo, “Ewa! Ewa!” Co vatsikamene nakulemesa, na vihanga vyavo asi.

Myaso 119:106

Njinalisingi cisingo nakucikolesa, ngeci njikakavangeya mashiko ove a vushunga.

Myaso 50:14

Kombeleleni kuli Njambi vin̄ombelo vyeni vya cikandelela, co aneni vije vimunalisingi kuli Muka-nzili yoshe.

Myaso 76:11

Aneni Shukulu Kalunga Njambi yeni vije mwamukulaesele, yeni voshe miyati ya muyehi muneneleni vwana. Njambi ikeye imunapande kukomoka.

Visimo 28:4

Vaje vavyana mashiko vashangazala vaka-vuvi, oloni vaje vanyunga mashiko valwisa vaka-vuvi.

Muka-kwambulula 5:5

Mwamuvwa kesi ulisinge, kutuvakana kulisinga, co kuucilingi.

Kulava 5:22

Mema awa a cisingo alinakukovela mwimo lyove akupwise muka-kujombwesa limbo nameme kukushoka shivu.’ ” Co uje munakazi akakumbulule ngwendi, “Njatava, Shukulu Kalunga alinge ngacije.”

Mateo 10:14

Co nga naumo wai amitambula nambe kutolilila ku vije vimwendeka, asinoni tundeni mu njuvo ije nambe mu nganda ije, totomoneni likungu ku myanja yeni.

Vilinga vya Miluwa 13:51

Oloni miluwa vatotomwene likungu ku myanja yavo kupwa cihiso ca vanu vamuje mu mutambela, co vaile ku Ikoniyame.

Vilinga vya Miluwa 18:6

Omo vamulwisile nakumwendeka vyuma vyavivi, co watotomwene likungu ku vinanga vyendi wendekele kuli vakevo ngwendi, “Nga munazimbala, unapu mulonga weni vavenya! Yange kunjesi na mulonga wai. Kutunda ku litangwa lya lelo nakutwala kulutwe njiya kuli vaje kesi vaYunda.”

1 Kolinte 14:16

Omo mukandelela kuli Njambi mu munzinzime lika, vati vanu vaje vali neni mu cikungulukilo vendeka ngwavo, “Ewa” ku lilombelo lyeni lyakukandelela? Vakevo kuvazivuka vika mulinakwendeka.

1 Samwele 15:28

Samwele walekele Saulu ngwendi, “Ku litangwa lya lelo Shukulu Kalunga natundisa vumwene vwa Isalele kuli yove, co navwana kuli mukweni weka nakutuvakana.