Nehemiya 4:7 - Livulu lya Shukulu Kalunga

⁷ Omo Sanevalate, na Toviya, na vanu va ku Alambiya, na ku Amoni, na va ku Ashendonde vazile ngeci vipangi vilinakuya kulutwe mukutungulula civumbe ca Yelusalema, na mukuzika-zika mu vimbengwa muje mwatuvikile, co valuvalele manene.

Nehemiya 4:7 Iomraidhean Croise

Kushangumuka 3:15

Njikaka vutozi akati kove na munakazi, na akati ka mbuto yendi na mbuto yove. Co mbuto yendi ikasanyozola mutwe wove, co yove lalo ukamushuma ku linsinsinye lyendi.”

2 Vimyene 24:2

Shukulu Kalunga watumine vimbunga vya mashwalale vya vaMbambilone na vya vaSilya na vya vaMowavi na vya vaAmoni kulwisa Yehoyakime ngeci vanyongese Yunda, ngwe muje mwendekele Shukulu Kalunga ali vangamba vendi vaka-kwimanena ngeci akacilinga.

2 Mizimbu 20:1

A simbu imo mashwalale va Mowavi na Amoni, amolika na vasamba vavo, vaMeuni, vezile nakulwisa Yunda.

Ezela 5:8

“Yove shukulu zivuka ngeci yetu twaile ku lifuti lya Yunda, co twawanene Njuvo ya Shukulu Kalunga, Njambi uje wakuhyana vanaitungulula na vimbazuvwila vya mamanya akama, co vanaaka laja mikambo mu vivumbe. Vipangi evi valinakuvipanga na vutongwe, co vilinakuya kulutwe mwamuvwa.

Nehemiya 2:10

Oloni Sanevalate, wa mu limbo lya Mbete Holone, na Toviya, mwata wa lifuti lya Amoni, omo vazivile ngeci kunaija munu umo akwase vanu va Isalele, vimbunge vyavo vyavavalele manene.

Nehemiya 2:19

Omo Sanevalate, na Toviya, na kaAlavya umo lizina lyendi Ngesheme vazivile a vutumbe vuje vutwashakele kulinga, co vatujolele nakutushendumuna nakwendeka ngwavo, “Vikajo mulinakuyongola kulinga? Yeni mushaka kutengulukila mwene ndi?”

Nehemiya 4:1

Omo Sanevalate wazivile ngeci yetu vaYunda tunashangumuka kutungulula civumbe, waluvalele manene, nakutuyeluwisa.

Nehemiya 4:6

Ngecivene, twatungile civumbe, co twetele ku litambelo lyaco mu vulaja, omwo vanu vakele manene na ntwima yakupanga.

Nehemiya 4:8

Ngecivene, voshe amolika valingile vutumbe vwakwija nakulwisa Yelusalema nakunena citanga cakama,

Nehemiya 6:16

Omo miyati ya vitozi vetu vaje vatuzengelekele vazivile eci, vanangukile ngeci kuvakele na cinyangavili oni, omwo munu na munu wazivukile ngeci vipangi evi vyalingiwile a kukwasa kwa Njambi.

Njelemiya 25:20

na voshe vaka-kwija va mu Ingito, na vimyene voshe va mu lifuti lya Uze, na vimyene voshe va ku Filisitiya, va vinganda vya Ashekelone, na Ngaza, na Ekelone, na vaje vasalele mu Ashendonde,

Njelemiya 41:10

Ngecivene, wapwisile vana va vimyene va vanakazi vinzinda, na vanu voshe vaje vasaleleo ku Mizipa, vaje Nevuzalandane muka-kushika wa mukulunu wavaakele mu mavoko a Ngendaliya. Ishimela wavapwisile vinzinda, co waile ku lifuti lya Amoni.

Amose 1:13

Shukulu Kalunga alinakwendeka ngwendi, “Vanu va ku Amoni vanalingi vuvi kushwakumo, omwo cuma eci mwa vushunga njikavanyanyamesa. Mu vinzita vyavo vyakulwisa mafuti amangi, vakevo vatavwile vanakazi va ku Ngilyande vaje vakele na memo.

Amose 1:8

Njikatundisa vaka-kushwana va mu vinganda vya Ashendonde, na Ashekelone. Njikanyanyamesa nganda ya Ekelone, co vaFilisitiya voshe vaje vanasalao vakatsa.” Tile

Amose 3:9

Ambululeni kuli vaje vakala mu mapela a mu Ingito na a Ashendonde ngweni, “Kungulukileni a malundu a Samaliya ngeci mumone kuviya kwakama kulimo, na milonga ivalinakulinga muje.”

Vilinga vya Miluwa 5:33

Omo vaje vaka-Munga vazivile vyuma evi, valuvalele manene vashakele ngeci vatsiye miluwa.

Kujombolola 12:17

Co uje canza-ngombe waluvalele manene na uje munakazi, co welukile mukukalwisa naanga ya uje munakazi vaje vasaleleo, vaje voshe vononoka mashiko a Njambi na kulongwa ku vushunga vuje vwajombolwele Yesu.

1 Samwele 11:2

Nahashe wavakumbulwile ngwendi, “Njikalinga neni lizivasano nga njikativa lisho lya ku cilyo lya munu na munu ngeci cipwe ca shwamwa kuli Isalele yoshe.”