Nehemiya 4:15 - Livulu lya Shukulu Kalunga

¹⁵ Vitozi vetu vazivile ngeci tunawana laja vije vivayongwele, co vanangukile ngeci Njambi nahyana matumbe avo. Asinoni tuvavoshe twelukile mukutungulula civumbe.

Nehemiya 4:15 Iomraidhean Croise

2 Samwele 15:31

Omo Ndaviti vamulekele ngwavo Ahitofele nalipandakana na Avisalome mukumutengulukila, co Ndaviti walombelele ngwendi, “Shukulu Kalunga, pwisa kunangula kwa Ahitofele kupwe kwangoco!”

2 Samwele 17:14

Avisalome na vaIsalele voshe vendekele ngwavo, “Kunangula kwa Hushai kunapu kwakuvwa manene kutuvakana kunangula kwa Ahitofele.” Shukulu Kalunga wavwaesele ngeci kunangula kwakuvwa kwa Ahitofele kesi vacikave, ngeci vukalu vukaije ali Avisalome.

Nehemiya 4:16

Co capwile ngeci kutunda aje vene, litambelo lya vanu vange vapangele, co litambelo likwavo lya vanu vemanene nakunyunga, vazalele vuzalo vwa nzita nakukwata makunga, na vintelo, na mata a lusipa. Co vantwama vetu vakwasele vanu na mbunge imo,

Visimo 21:30

Mana a vunu nakunyanyama nakuzivuka, kuvikwasa nga Shukulu Kalunga nakuvyana.

Isaya 44:25

Vaka-kutaa njivapwisa vilema, nakuvindika vimona vya vaka-makuli. Majwi a vaka-kunyanyama, njikawapwisa angoco, nakumwesa ngeci mana avo anapu vulema.

Isaya 8:10

Tumbeni matumbe eni! Oloni akapwa angoco. Endekeni vyoshe vimushaka! Oloni vyoshe vikapwa vyangoco, omwo Njambi ali amo netu.

Mako 13:34

Eci cikapwa ngwe munu atunda ku njuvo yendi aya vungenzi, omo aseza njuvo yendi, mu mavoko a vangamba vendi, munu na munu wakele na vipangi vyendi vyalingile, co muka-kunyunga ku cikolo wamushikile ngwendi akengelele.

Loma 12:11

Pangeni manene na nzili kesi mupwe volwa. Pangeleni Mwene nakulyakako na mbunge yoshe.

1 Tesalonika 4:11

Pweni vaka-kuyoya mu kwoloka, akeni mana eni ku vyuma vyeni, nakupanga vyakulikwasa navyo yeni vavenya, ngwe muje twamilekeke laja.