Nehemiya 4:14 - Livulu lya Shukulu Kalunga

¹⁴ Njamwene ngeci vanu vakele na cishota-mbunge, ngecivene, njendekele kuli vakevo, na kuli vantwama vavo, na kuli vamyata ngwange, “Kesi muzivile lyova vitozi vetu. Anukeni ngeci Shukulu Kalunga wapwa wakama wakukomokesa, co lwileni vavushoko vweni, na vana veni, na vanakazi veni, na vinjuvo vyeni.”

Nehemiya 4:14 Iomraidhean Croise

2 Samwele 10:12

Kala na nzili nakusimpa! Tulwileni na nzili vanu vetu na vinganda vya Njambi yetu. Co cizango ca Shukulu Kalunga cilingiwe!”

2 Mizimbu 32:7

“Pweni vaka-kusimpa na vaka-lukakateya, kesi muzive lyova lya mwene wa vaAsilya nambe mbunga ya mashwalale ava vaalinakutwamenena. Omwo ou tuli nendi ali na nzili kutuvakana uje ali kuli ikeye.

Nehemiya 1:5

“Yove Shukulu Kalunga Njambi wa mwilu! Yove Njambi wakama, wakujujwisa. Yove muka-kunyunga cikumiiyo na cizemo cije kucesi kutenguluka kuli vaje vakuzema nakunyunga mashiko ove.

Yombi 37:22

Ku kunto kwizilila kuvyazima ngwe ngolinde, Co Njambi nazala vumpau vwakujujwisa.

Myaso 143:5

Njanuka matangwa a ku san̄ulu, nakuyongola a vipangi vyove vyoshe, nakuyongola vipangi viwalingile na mavoko ove.

Myaso 20:7

Vamo vanakulaela mu matemba avo a nzita, co vakwavo lalo vanakulaela ku tuvalu twavo, oloni yetu tunakulaela nzili ya Shukulu Kalunga Njambi yetu!

Myaso 27:1

Shukulu Kalunga ikeye ceke cange na muyoyesi wange, kunjikazivi lyova. Shukulu Kalunga ikeye muka-kunjamena ku vushonde vwoshe, kunjikatewe embwe.

Myaso 46:11

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Myaso 65:5

Yove ukatukumbulula nakutuhyanesa, unalingi vyuma vyakukomokesa mukutwamena. Vanu voshe vali ano asi, nameme vali kulyala ku mema a kalunga vanakulaela kuli yove.

Myaso 66:3

Endekeni kuli Njambi ngweni, “Unalingi vyuma vyakukomokesa, nzili yove inapu yakama manene ngeci vitozi vove valiita kuli yove.

Myaso 66:5

Ijeni mumone vyanapanga Njambi, vilinga vyendi vyakukomokesa vyanalingi akati ka vanu.

Kutuuka 14:14

Shukulu Kalunga ikeye akamilwilako, yeni nacimo cai cimukalinga.”

Kutuuka 14:25

Mavalo a makalu avo atomenene, ngeci vakevo vakele mu vukalu. Co vaka-Ingito vendekele ngwavo, “Tusezeni ava vanu Shukulu Kalunga alinakuvalwilako, co alinakulwisa yetu.”

Muka-kwambulula 12:1

Anuka Ishamatanga wove simbu ucili mukwenje, omo kanda matangwa a tuyando ete, na myaka ya tuyando yete omo ukendeka ngwove, “Kunjawanenemo kujolela mu mwonyo wange.”

Ndanyele 11:32

Mwene akapangesa makuli mukuwana nzili kuli vanu vaje vanaseza kulemesa kwavo, oloni vanu vaje vakakavangeya Njambi vakakala na nzili yakumuvyana.

Zakaliya 14:3

Asinoni Shukulu Kalunga akaya nakulwa na miyati ya vanu vaje, ngwe mwalwile mu visimbu vya kunima.

Kulava 14:9

Oloni kesi mutengulukile Shukulu Kalunga nambe kesi mutewe vanu vali muje. Tukavafungulula omwo Shukulu Kalunga ali netu, ikeye wafungulwile vinjambi vaje vavakulaelele, ngecivene, kesi muvazivile lyova embwe.”

Mateo 10:28

Kesi muzivile lyova vaje vatsiya muvila oloni kuvasa kutsiya mwonyo, oloni zivileni lyova Njambi, uje asa kunyongesa vyoshe mwonyo na muvila muje mu mbulu ya tuhya.

Kwituluka mu Mashiko 1:21

Co kengeni, Kalunga Njambi yeni namyana lifuti eli ngeci mukakovelemo nakulishwana omwo linapu lyeni ngwe muje mwamishikile Shukulu Kalunga Njambi ya vakukulwila veni. Co kesi mukazive lyova nambe kujujuka.’

Kwituluka mu Mashiko 10:17

Omwo Shukulu Kalunga Njambi yeni ikeye wapwa Njambi ya vinjambi voshe, na Shukulu ya vishukulu voshe, Njambi wakama wakujujwisa. Ikeye Muka-nzili yakukomokesa, kesi na kahangu, co kesi kutambula lizika-kanwa embwe.

VaHevelu 13:6

Ngecivene, tupweni vaka-kusimpa nakwendeka ngwetu, “Shukulu Kalunga ikeye mukwasi wange, co kunjizivi lyova. Munu asa kunjilinga vikajo?”

Yoshwa 1:9

Anuka vinjinakushiki ngeci ukolese nakusimpa! Kesi uzive lyova nambe kujujuka, omwo yange Kalunga Njambi yove, njili amo nove kwoshe kuukaya.”

Maako 3:27

Omo wetele mu lifuti lya malundu lya Efalime, co wembile lupembo mukusana vanu va Isalele mukulwa nzita, asinoni ikeye wavatwamenenene nakushelumuka kutunda ku lifuti lya malundu.