Nehemiya 3:26 - Livulu lya Shukulu Kalunga

²⁶ Evi vyakele kuyehi na mutambela wa nganda uje vatumbwile Ofele, kuje kuvakele vaka-kupanga ku Njuvo ya Shukulu Kalunga.

Nehemiya 3:26 Iomraidhean Croise

1 Mizimbu 9:2

Co vakulivanga kwiluka ku vufuko vwavo na mu vinganda vyavo vapwile vaIsalele, na vaka-kukombelela, na vaLevi, na vaka-kupanga mu Njuvo ya Shukulu Kalunga.

2 Mizimbu 27:3

Yotame ikeye watungile Cikolo ca ku Kunto ca ku Njuvo ya Shukulu Kalunga, co watungilileko lalo cipango ca Ofele.

2 Mizimbu 33:14

Munima ya vyuma evi, Manase watungulwile civumbe ca anja ku mutambela wa mu ngangela mu Nganda ya Ndaviti, kushangumukila ku shongo ya cana kuyehi na muna ndonga Ngihone ku kunto ya Cikolo ca Visi na mu mutambela wa nganda ya Ofele. Co waakele lalo muka-kushika vimunga vya mashwalale mu vinganda vyoshe vya vimpaka vya mu Yunda.

Nehemiya 10:28

Yetu vanu va Isalele, na vaka-kukombelela, na vaLevi, na vaka-kunyunga Njuvo ya Shukulu Kalunga, na vaka-kwimba mu Njuvo ya Shukulu Kalunga, na vaka-kupanga mu Njuvo ya Shukulu Kalunga, na voshe veka vaje vanononoka Mashiko a Njambi nakulyangunuka na vaka-kwija vaje vali mu lifuti lyetu, amo na vanakazi vetu, na vana vetu voshe vaje vanakolo mukuzivisisa vyuma,

Nehemiya 11:21

Vaka-kupanga mu Njuvo ya Shukulu Kalunga vakele mu mutambela wa Yelusalema uvatumbwile Ofele, vavapangesele kuli Ziha na Ngishepa.

Nehemiya 12:37

Co ku Cikolo ca Lisima valamatele a vindendelo vya kuya ku Nganda ya Ndaviti, nakwita ku lipela lya Ndaviti, co velukile ku Cikolo ca Mema, mu ngangela ya nganda.

Nehemiya 3:27

Vanu va ku Tekowa vatungile mutambela wakwatako, uje wapwile wamucivali, wakulishungama na kaposhi kakama kakunyunga ku Njuvo ya Shukulu Kalunga nakweta kuyehi na civumbe ca Ofele.

Nehemiya 8:1

Ku ngonde yamucitanu na vivali, vanu va Isalele voshe vakele mu vinganda vyavo. Co a litangwa lyakulivanga ku ngonde ije vene voshe vakungulukilile mu Yelusalema, mushandangala ku Cikolo ca Mema. Co valombele Ezela, muka-kukombelela na muka-kulilongesa Mashiko aje Shukulu Kalunga waanene kuli vaIsalele ali Mosesa, ngeci anene livulu lya Mashiko.

Nehemiya 8:16

Ngecivene, vanu vakashakele minango nakutunga mapapela akamwa ya vinjuvo vyavo, na mu mitambela yavo, na mu cipango ca Njuvo ya Shukulu Kalunga, na mushandangala yangoco kuyehi na Cikolo ca Mema, na ku Cikolo ca Efalime.

Nehemiya 8:3

Co muje vene mushandangala yangoco ku cikolo, walavele Lishiko kuli vakevo kushangumuka kukutuuka kwa litangwa noo mutanya, co voshe vatolililile mwamuvwa.

Isaya 32:14

Nameme mu lipela vakatewamo, na nganda ikapwa ngundu. Membo na tuposhi vikapwa vingundu ku myaka yoshe. Vimulu vakalilamo mwila, co vimanga vakawana kwakulila mwila wauvwa.