Nehemiya 3:19 - Livulu lya Shukulu Kalunga

¹⁹ Ezele muna Njeshuwa, muka-kushwana ku Mizipa, watungile mutambela wakwatako kulutwe lwa njuvo ya vitwa, kweta na ku mwela kuje kucazingulukile civumbe.

Nehemiya 3:19 Iomraidhean Croise

2 Mizimbu 26:9

Uziya watungile vimpaka vyakukola mu Yelusalema, co watungile tuposhi ku Mbango ya Cikolo na ku Cikolo ca ku Cana, kuje kucatengulukilile civumbe.

Nehemiya 10:9

VaLevi vapwile, Njeshuwa muna Azaniya, na Mbinui wa ku cikota ca Henandande, na Kandimyele,

Nehemiya 12:8

VaLevi vapwile, Njeshuwa, na Mbinui, na Kandimyele, na Sheleviya, na Yunda, na Mataniya. Vakevo vakele na moko yakwimbisa myaso ya cikandelela.

Nehemiya 3:15

Shalume muna Kolehoze, muka-kushwana lifuti lya Mizipa, watungulwile Cikolo ca Lisima. Co wacishokele, waakele vikolo mu myela yavyo, waakele tupateso na mikambo yakupatesa ku cikolo. Co ku Lishali lya Shela watungilileko civumbe cakwata ku lihya lya vumwene, nakweta ku vindendelo vyakushelumukila ku Nganda ya Ndaviti.

Nehemiya 3:18

Mbavai muna Henandande, muka-kushwana mutambela ukwavo wa lifuti lya Keila, watungile mutambela wakwatako.

Nehemiya 3:24

Mbinui muna Henandande watungile mutambela wakwatako, kutunda ku njuvo ya Azaliya nakweta ku mbango ya civumbe.