Nehemiya 3:15 - Livulu lya Shukulu Kalunga

¹⁵ Shalume muna Kolehoze, muka-kushwana lifuti lya Mizipa, watungulwile Cikolo ca Lisima. Co wacishokele, waakele vikolo mu myela yavyo, waakele tupateso na mikambo yakupatesa ku cikolo. Co ku Lishali lya Shela watungilileko civumbe cakwata ku lihya lya vumwene, nakweta ku vindendelo vyakushelumukila ku Nganda ya Ndaviti.

Nehemiya 3:15 Iomraidhean Croise

2 Samwele 5:9

Omo nafungulula laja cije cimpaka cakukola, co Ndaviti wakelemo wacilukile ngwendi, “Nganda ya Ndaviti.” Watungilileko cimpaka, kushangumukila ku mutambela kuje kwakele livu ku mutambela wa mu ngangela ku lilundu.

2 Vimyene 25:4

vivumbe vya nganda vavituvile. Nameme vaMbambilone vazengelekele nganda, oloni mashwalale voshe vatewele a simbu ya vutsiki. Vatuukilile ku cikolo ca ku lihya lya vumwene, co vetilile mu ngila ya ku cikolo ca mukati ka vivumbe vivali, vatewelele ku mutambela wa ku Cana ca Yondau.

2 Mizimbu 32:30

Ikeye Mwene Hezekiya uje wazikile mwakwitila mema a kavwelu-vwelu kakuya ku Muna Ndonga Ngihone, co wetisile mema mukati ka vivumbe vya Yelusalema. Hezekiya walingile mwamuvwa mu vipangi vyendi vyoshe vyapangele.

Nehemiya 12:37

Co ku Cikolo ca Lisima valamatele a vindendelo vya kuya ku Nganda ya Ndaviti, nakwita ku lipela lya Ndaviti, co velukile ku Cikolo ca Mema, mu ngangela ya nganda.

Nehemiya 2:14

Asinoni ku mutambela wa mu ngangela ya nganda, njaile ku kunto ku Cikolo ca Lisima nakweta ku Lishali lya Mwene. Co cimulu uje injalondele kasele kwita muje,

Nehemiya 2:17

Co njendekele kuli vakevo ngwange, “Kengeni vukalu ovu tulinavwo, omwo Yelusalema inaviya na vikolo vyayo vanavinyongesa! Ijeni tutungulule vivumbe vya nganda ngeci kesi tuzive shwamwa.”

Nehemiya 3:12

Shalume muna Haloheshe, muka-kushwana mutambela ukwavo wa Yelusalema, watungile mutambela wakwatako. (Vana vendi va vanakazi vamukwasele cipangi eci.)

Nehemiya 3:14

Malekiya muna Lekave, muka-kushwana lifuti lya Mbete Hakeleme, watungulwile Cikolo ca Vyuma vya Mazilo. Co waakele vikolo mu myela yavyo, waakele tupateso na mikambo yakupatesa ku cikolo.

Nehemiya 3:19

Ezele muna Njeshuwa, muka-kushwana ku Mizipa, watungile mutambela wakwatako kulutwe lwa njuvo ya vitwa, kweta na ku mwela kuje kucazingulukile civumbe.

Nehemiya 3:7

Melatiya wa ku Ngimbiyone, na Njandone wa ku Melonote, na vanalume va ku Ngimbiyone na Mizipa vatungile mutambela wakwatako, kweta na ku njuvo ya nguvulu wa lifuti lya mu Kangombe ka Yambi ka Yufuleti.

Nehemiya 3:9

Co Lefaya muna Hule, muka-kushwana litambelo lya lifuti lya Yelusalema, watungile mutambela wakwatako.

Muka-kwambulula 2:6

njendile mashali a mema akwitazela ku miti.

Isaya 8:6

“Omwo vanu ava vanavyana mema a mu Shiloahe aje enda mwamuvwa nakuziva lyova ku mesho a Mwene Lezine na Mwene Peka,

Njelemiya 40:6

Njaile nakukakala na Ngendaliya ku Mizipa, co njakakele akati ka vanu vaje vasalele mu lifuti.

Luka 13:4

Vati ali vaje vanu likumi na vatanu na vatatu mu Siloame vaje vatsile omo kaposhi kavawililile? Mwayongola ngweni vapwile vaka-vuvi kutuvakana vanu voshe vakwavo vaje vakele mu Yelusalema ndi?

Yowano 9:7

co wamulekele ngwendi, “Ya ukajwele ku mesho ove ku Lishali lya Siloame.” (Kulumbununa ngwavo, “Vanamutumu.”) Ngecivene, waile wakajwelele ku mesho, co welukile alinakumona.

Maako 20:1

Vanu va Isalele voshe kutunda ku Ndani ku kunto kutwala ku Mbelesheva mu mbwela, amo na lifuti lya Ngilyande mu ngangela, valikungulwile na mbunge imo ku mesho a Shukulu Kalunga ku Mizipa.

Maako 20:3

Vanu va muyati wa Mbenjemani vazivile ngeci vaIsalele voshe vanalikungulwila amo ku Mizipa. Co vaIsalele vehwile ngwavo, “Tulekeniko, ou mulonga unaija vati?”