Nehemiya 2:19 - Livulu lya Shukulu Kalunga

¹⁹ Omo Sanevalate, na Toviya, na kaAlavya umo lizina lyendi Ngesheme vazivile a vutumbe vuje vutwashakele kulinga, co vatujolele nakutushendumuna nakwendeka ngwavo, “Vikajo mulinakuyongola kulinga? Yeni mushaka kutengulukila mwene ndi?”

Nehemiya 2:19 Iomraidhean Croise

Nehemiya 13:28

Umo wa vana va Njoyanda muna Elyashimbe Muka-kukombelela Wakama, wambatele muna Sanevalate, wa ku limbo lya Mbete Holone, ngecivene, njamushekele mu Yelusalema.

Nehemiya 2:10

Oloni Sanevalate, wa mu limbo lya Mbete Holone, na Toviya, mwata wa lifuti lya Amoni, omo vazivile ngeci kunaija munu umo akwase vanu va Isalele, vimbunge vyavo vyavavalele manene.

Nehemiya 4:1

Omo Sanevalate wazivile ngeci yetu vaYunda tunashangumuka kutungulula civumbe, waluvalele manene, nakutuyeluwisa.

Nehemiya 6:6

Co akuulava ngwavo, “Ngesheme nanjileke ngwendi kuli lingwavo lilinakwendangana akati ka vanu twalyata navo, ngwavo yove na vanu va vaYunda muli na ciyongo cakutengulukila vaka-kushwana mukemwo yeni mulinakutungulula civumbe. Co lalo nendeka ngwendi yove uli na vutumbe vwakulipwisa mwene yavo,

Nehemiya 6:9

Vashakele kutuzivisa lyova tuvavoshe ngeci vipangi vimane. Co njalombelele ngwange, “Ololo, Shukulu Njambi, njipwise muka-nzili!”

Yombi 30:1

“Oloni ololo vaje vanapu vanike kuli yange, valinakunjiyeluwisa! Vaishavo simbu yoshe kuvesi na seo ngeci kunjatavesele tutali twange kukwasa kunyunga vimanga.

Myaso 123:4

Vaka-kufuka vanatushendumuna manene, vaka-kulyalesa lalo vanatuyengula.

Myaso 79:4

Miyati ya vanu vaje vanatuzengeleka valinakutushaula, nakutujola nakutushendumuna.

Myaso 80:6

Yove unatava miyati ije inatuzengeleka kutulwisa, vitozi vetu valinakutushaula.

Myaso 80:7

Yove Njambi Muka-nzili yoshe, tupwise vaka-nzili lalo tukenge na mema ku mbunge ngeci twovoke.

Isaya 36:5

Co wehwile ngwendi, “Kuma yove uyongola ngwove wasa kuhyana nzita na majwi lika ndi? Iyajo iwuyongola ngeci akakukwasa kutengulukila Asilya?

Njelemiya 20:8

Omo njendeka, co njitambeka ngwange, “Vukalu nakunyonga!” Shukulu Kalunga simbu yoshe valinakunjishendumuna nakunjijola, omo njambulula lijwi lyove.

Njelemiya 41:10

Ngecivene, wapwisile vana va vimyene va vanakazi vinzinda, na vanu voshe vaje vasaleleo ku Mizipa, vaje Nevuzalandane muka-kushika wa mukulunu wavaakele mu mavoko a Ngendaliya. Ishimela wavapwisile vinzinda, co waile ku lifuti lya Amoni.

Mateo 9:24

wendekele ngwendi, “Tuukeni, muvavoshe! Ou mwanike katsile embwe, oloni nalala lika tulo.” Co voshe vamujolele, nakumushendumuna.

Mako 5:40

Co vanu voshe vamujolele, oloni voshe wavashekelele anja, co wakovelelemo lika na ishe ya mwanike na vaina na vandongisi vendi vatatu, co vakovelele ku mulili kuje kwalalele uje mwanike.

Luka 23:2

Co vashangumukile kumuvangela ngwavo, “Tunawana ou munalume alinakutangula vanu vetu, alinakuvindika kufweta lisimu kuli Sezale nakulitumbula ikeye vavenya ngwendi ikeye Wakuvwavesa, mwene.”

Yowano 19:12

Omo Pilato wazivile evi, wakele na cizango cakwecela Yesu. Oloni mbunga vatambekele ngwavo, “Nga umwecela, kesi u musamba wa Sezale! Woshe alipwisa ikeye vavenya mwene napu citozi ca Sezale!”

Vilinga vya Miluwa 24:5

Omwo twawana ou munalume kupwa muka-muuka, washangumukile kulinga mpindangano akati ka vaYunda mu kaye koshe, co ikeye lalo ntwama ya munga ya vaNazalite.

VaHevelu 11:36

Vamo vavashendumwine nakuvapupa, co veka lalo vavakutile mu malyenge nakuvaka mu kamenga.