Nehemiya 2:14 - Livulu lya Shukulu Kalunga

¹⁴ Asinoni ku mutambela wa mu ngangela ya nganda, njaile ku kunto ku Cikolo ca Lisima nakweta ku Lishali lya Mwene. Co cimulu uje injalondele kasele kwita muje,

Nehemiya 2:14 Iomraidhean Croise

2 Vimyene 18:17

Co mwene wa vaAsilya watumine mbunga ya mashwalale kutunda ku Lakishe kukalwisa Hezekiya ku Yelusalema, mbunga eyi vaitwamenenene kuli vamyata vendi vatatu. Omo vetele ku Yelusalema, co vashokele ngila kuje kwakele vaka-kupanga vinanga, ku ngenge ya kandonga kaje kakele nakutuwisila mema mu kashali ka akamwa ya lilundu.

2 Vimyene 20:20

Vyuma vyoshe vije vyalingile Mwene Hezekiya na vilinga vyendi vyakunyanyama, na muje mwendile lishali lya mema na muna ndonga ngeci vinene mema mu nganda, vyoshe vavisoneka mu Livulu lya Mizimbu ya Vimyene va mu Yunda.

2 Mizimbu 32:30

Ikeye Mwene Hezekiya uje wazikile mwakwitila mema a kavwelu-vwelu kakuya ku Muna Ndonga Ngihone, co wetisile mema mukati ka vivumbe vya Yelusalema. Hezekiya walingile mwamuvwa mu vipangi vyendi vyoshe vyapangele.

Nehemiya 12:37

Co ku Cikolo ca Lisima valamatele a vindendelo vya kuya ku Nganda ya Ndaviti, nakwita ku lipela lya Ndaviti, co velukile ku Cikolo ca Mema, mu ngangela ya nganda.

Nehemiya 3:15

Shalume muna Kolehoze, muka-kushwana lifuti lya Mizipa, watungulwile Cikolo ca Lisima. Co wacishokele, waakele vikolo mu myela yavyo, waakele tupateso na mikambo yakupatesa ku cikolo. Co ku Lishali lya Shela watungilileko civumbe cakwata ku lihya lya vumwene, nakweta ku vindendelo vyakushelumukila ku Nganda ya Ndaviti.

Nehemiya 3:16

Nehemiya muna Azembuke, muka-kushwana mutambela wa Lifuti lya Mbetezule, watungile mutambela wakwatako, nakweta ku mbumbo ya Ndaviti, na ku lishali lyakwinda, na ku vinjuvo vya mashwalale.

Muka-kwambulula 2:6

njendile mashali a mema akwitazela ku miti.