Nehemiya 13:31 - Livulu lya Shukulu Kalunga

³¹ njavwaeselele cimweja vitale vyakupangesa akwenyeka n̄ombelo ije ivakanena a visimbu vije vanemika, na kuli vanu kunena milambu yavo ya vimbuto vyakulivanga, na vushuka vwakulivanga vuje vuvanateje. Anuka vyoshe evi, yove Njambi, nakunjivezikisa.

Nehemiya 13:31 Iomraidhean Croise

Nehemiya 10:34

Yetu, na vanu, na vaka-kukombelela, na vaLevi, tukata n̄ela a mwaka na mwaka mukuwana cikota ca vanu vaje vanapande kunena vitale vyakwenyekela vin̄ombelo vyakukombelela kuli Shukulu Kalunga Njambi yetu, ngwe kukushika kwa Mashiko.

Nehemiya 10:35

A mwaka na mwaka tukatwala ku Njuvo ya Shukulu Kalunga mulambu wakulivanga wa vimbuto vitunateje, na vushuka vwakulivanga vuje vutwavuyu ku miti yetu.

Nehemiya 10:38

Vaka-kukombelela vaje vakutunda kuli Alone vanapande kukala amo na vaLevi omo vakungulula cavulikumi, co a vyakupangesa mu Njuvo ya Shukulu Kalunga, vaLevi vanapande kutwala ku Njuvo ya Shukulu Kalunga ku milili yakutulikila cavulikumi cimo ku vyavulikumi vyoshe vivanatambula.

Nehemiya 13:14

Njambi yange, anuka vyuma vyoshe evi vinjinalingi ku Njuvo yove yakukulemesela.

Nehemiya 13:22

Njashikile vaLevi ngeci valijelese, na kuya mukunyunga ku vikolo, nakumona ngeci Litangwa Lyakuhwima linapu lyakujela. Njanuke Yove Njambi, a eci lalo, njiteteleko omwo cizemo cove cakama manene.

Nehemiya 5:19

Njilomba kuli yove Shukulu Njambi, anuka vyoshe vije vyavivwa njalingila vanu ava.

Myaso 106:4

Yove Shukulu Kalunga njanuke, omo umwesa ngozi kuli vanu vove, nange lalo njanuke omo wamena vanu vove.

Myaso 25:7

Njisambese ku vivi vyange na ku milonga ya a vukwenje vwange. Njanuke, Shukulu Kalunga! Omo cizemo cove cije kucesi kutenguluka na vuvwa vwove!

Luka 23:42

Co wendekele kuli Yesu ngwendi, “Yesu njanuke, omo ukaija mu vumwene vwove.”