Nehemiya 13:3 - Livulu lya Shukulu Kalunga

³ Omo vanu va Isalele vavalavelele lishiko eli, co vatundisile vaka-kwija voshe akati kavo.

Nehemiya 13:3 Iomraidhean Croise

Ezela 10:11

Ngecivene, ololo, litaveleni vuvi vweni kuli Shukulu Kalunga, Njambi ya vakukulwila veni, nakulinga vije asshaka. Lyangunukeni na vanu va mu lifuti lino, co lalo lyangunukeni na vanakazi vaje kesi vaYunda.”

Ezela 9:2

Vanalume va vaYunda vambatele vanakazi kesi vaYunda, ngecivene, vanu vakujela va Njambi valijwalesele. Vantwama na vamyata vakevo valivangele kuviisa manene.

Nehemiya 10:28

Yetu vanu va Isalele, na vaka-kukombelela, na vaLevi, na vaka-kunyunga Njuvo ya Shukulu Kalunga, na vaka-kwimba mu Njuvo ya Shukulu Kalunga, na vaka-kupanga mu Njuvo ya Shukulu Kalunga, na voshe veka vaje vanononoka Mashiko a Njambi nakulyangunuka na vaka-kwija vaje vali mu lifuti lyetu, amo na vanakazi vetu, na vana vetu voshe vaje vanakolo mukuzivisisa vyuma,

Nehemiya 9:2

Vakevo valyangunukile laja na vaka-kwija voshe. Vazalele vikeleya nakulishuwila livu ku mitwe yavo kupwa cimweso cakuviilila. Asinoni vemanene nakulitavela vivi vije vivalingile vakevo na vakukulwila vavo.

Myaso 119:11

Mashiko ove njinaanyungu mu mbunge yange, ngeci kesi njivulumune kuli yove.

Myaso 119:9

Mukwenje asa kuyoya vatijo yoyesi yakujela? Mukwononoka mashiko ove Shukulu Kalunga.

Kutuuka 12:38

Co mbunga yakama ya vanu veka vaile amo navo na matanga a vimanga, na vimembe, na vingombe.

Visimo 6:23

Vilongesa vyavo vyapwa ceke, kunangula kwavo kukakulongesa mwakuyoyela.

Kulava 11:4

Co kwakele vanu vamo veka vaje vendele amo na vanu va Isalele. Vakevo vashungwiiye kulya situ, co vanu va Isalele navo vashangumukile kulinyenyeta ngwavo, “Tawe! Nga kutwawanako situ tai tulye!

Loma 3:20

Omwo munu naumo wai napu muka-vushunga ku mesho a Njambi navilinga vya majwi a Lishiko, omwo majwi a Lishiko akewo anaija ngeci munu azivuke ngwendi nalingi vuvi.

Yakomba 1:27

Kulemesa kwakuvwa kuje kwanayongola Njambi Tate kukekwo oku, kulela visiwa na vifwile mu tuyando twavo nakulinyunga ikeye vavenya kutunda ku vyuma vya mazilo vya mu kaye.