Nehemiya 13:25 - Livulu lya Shukulu Kalunga

²⁵ Co njaluvalele na vaje vanalume, nakuvasinga, nakuvapupa, nakuvashutozola vin̄ambu vyavo. Njavasindiiye kulisinga mu lizina lya Njambi ngeci kesi vakelukilemo lalo vakevo nambe vana vavo kulyambatela na vaka-kwija.

Nehemiya 13:25 Iomraidhean Croise

2 Vimyene 2:24

Co Elisha watengulukile, wavakengele na vukalu, wavasingile mu lizina lya Shukulu Kalunga. Co mu shwata mwatundile vambeya vavali va lwavo, vezile nakusanyozola vanike va vanalume vakupwa makumi awana na vavali.

Ezela 10:5

Ngecivene, Ezela wakatukile, co walingisile vantwama va vaka-kukombelela, na vantwama va vaLevi, na vantwama va vanu vakwavo kulikumiiya ngeci vakalinga vije vyayongwele Shekaniya.

Ezela 7:26

Nga munu umo kakononoka Mashiko a Njambi yove, nambe mashiko a mwene, vanapande kumuhisa vwasi, nambe kumutsiya, nambe kumusheka mu lifuti, nambe kumunyeka vufuko vwendi, nambe kumwaka mu kamenga.”

Nehemiya 13:11

Co njaluvalele manene na vamyata njendekele ngwange, “Omwo vikajo munecelela vanu ngeci vatunde ku Njuvo ya Shukulu Kalunga?” Njelwisile vaLevi na vaka-kwimba ku Njuvo ya Shukulu Kalunga, co njavanene lalo vipangi.

Nehemiya 13:17

Co njaluvalele na vantwama va vaYunda njendekele ngwange, “Kengeni, mulinakulinga vuvi! Mulinakuviisa Litangwa Lyakuhwima.

Nehemiya 13:24

Vana vavo vamo vendekele ndaka ya ku Ashendonde, nambe ndaka ya vanu veka, kuvazivukile kwendeka ndaka yetu.

Nehemiya 5:13

Asinoni njashulwile cizalo cinjalizengelele mu mbunda yange, njacitotomwene, co njendekele ngwange, “Omu mukemwo mwakatotomona Njambi vaje kuvakanyungu cikulaeso cavo.” Co njendekele lalo ngwange, “Njambi akaminyeka vinjuvo vyeni na vyuma vyoshe vije mulinavyo, co akamiseza mavoko-voko.” Voshe vaje vakele kuje vendekele ngwavo, “Ewa!” Vashangazalele Shukulu Kalunga. Co vantwama vanyungile cikulaeso cavo.

Nehemiya 5:6

Omo njazivile kulinyenga kwavo, njaluvalele,

Myaso 119:53

Njikaluvala manene omo njimona vaka-vuvi kuvononoka mashiko ove,

Myaso 15:4

Uje ayengula vaje vavyana Njambi, oloni asingimika vaje vakomoka Shukulu Kalunga. Ikeye simbu yoshe akalingi vije vyanakulaesa, nameme vyuma vifwe vati indi vati kuli ikeye.

Kutuuka 34:16

Co omo vana veni va vanalume vakambata vana vavo va vanakazi, co vakavatangula kukulaela kwavo, co vakalemesa vinjambi vavo.

Visimo 28:4

Vaje vavyana mashiko vashangazala vaka-vuvi, oloni vaje vanyunga mashiko valwisa vaka-vuvi.

Isaya 50:6

Njavatavele ngeci vanjipupe a mwongo, nakushuta munjezi wange, kunjavavindikile omo vanjishawile nakujekwila ku mesho ange.

Kwituluka mu Mashiko 6:13

Mukasingimika Shukulu Kalunga Njambi yeni, nakupangela ikeye lika, nakulisinga a lizina lyendi lika.

Kwituluka mu Mashiko 7:3

Kesi mukalyambatele navo, co kesi mukashombwese vana veni va vanakazi kuli vana vavo va vanalume, nambe kwambatela vana veni va vanalume vana vavo va vanakazi embwe.

Yoshwa 23:12

Nga mumukengesa nima, co mulipandakana na miyati eyi yasalao, ava vali akati keni, co mulyambatela navo,