Nehemiya 13:19 - Livulu lya Shukulu Kalunga

¹⁹ Ngecivene, njashikile lishiko lyakushoka vikolo vya ku nganda akushangumuka kwa Litangwa Lyakuhwima, ku simbu ya cingwezi omo litangwa lishangumuka kutoka, co kesi kuvishokolola lalo noo Litangwa Lyakuhwima linahu. Njaakele vanu vange vamo ku vikolo vamone ngeci nacimo cuma civakanena mu nganda a Litangwa Lyakuhwima cai.

Nehemiya 13:19 Iomraidhean Croise

Nehemiya 13:20

Ngecivene, vaka-kulandesa vyuma vyakuliseza-seza, valalele anja ku vivumbe vya Yelusalema lumo nambe luvali a litangwa lyamucitanu.

Nehemiya 7:3

Njavalekele ngeci kesi vashokolole vikolo vya Yelusalema ku mutondo embwe kuvanga noo kunaki mwamuvwa, litangwa omo litoka vaka-kunyunga simbu kanda vaciye, vashoke mapito nakuwapata mwamuvwa. Njavalekele lalo ngeci vemike vaka-kunyunga vakutunda akati ka vanu ava vakala mu Yelusalema, co vamo vavaleke mitambela yavo ivakanyunga, co vakwavo lalo vendangane nakunyunga mu mitambela ya vinjuvo vyavo vavenya.

VaLevi 23:22

“Omo mukateja mu mahya eni, kesi mukavatozole vimbuto vya kumukulo wa mahya, co kesi mukelukile lalo munima nakuvatozola ije mitwe ya tiliku mwaseza munima. Visezeleni tuutu na vaka-kwija. Yange njapwa Kalunga Njambi yeni.”

VaLevi 23:32

Kutunda kukulauka kwa litangwa, a litangwa lyamucitanu na awana ku ngonde eyi vene, nakutwala kukulauka kwa litangwa lyamulikumi, mukanyunga mwamuvwa litangwa eli kupwa litangwa lyakama lyakuhwima, co a simbu eyi kesi mukalye cuma cimo.”

Yowano 5:10

ngecivene, vaka-kushwana va vaYunda valekele uje munalume wakangukile ngwavo, “Lino linapu Litangwa Lyakuhwima, co eci cinapu kulwisa Lishiko lyetu omo unambata linala lyove.”