Nehemiya 13:10 - Livulu lya Shukulu Kalunga

¹⁰ Njazivile lalo ngeci vaka-kwimba mu Njuvo ya Shukulu Kalunga na vaLevi vamo, vanatundu mu Yelusalema vaneluka ku mahya avo, omwo vanu kuvakele nakuvana vyakulya vyavingi vyakuvayoyesa.

Nehemiya 13:10 Iomraidhean Croise

2 Mizimbu 31:4

Co mwene walekele vanu vaje vakele mu Yelusalema vanene vin̄ombelo vije vyakundamene kuli vaka-kukombelela na vaLevi, ngeci vaane ku vije vishakiwa ngwe ku Lishiko lya Shukulu Kalunga.

Nehemiya 10:37

Co tukatwala kuli vaka-kukombelela mu Njuvo ya Shukulu Kalunga, mukasha wakutika wa vimbuto vyakulivanga, vije vitunateje a mwaka na mwaka, na milambu yetu ikwavo ya vinyu, na mazi a olive, na miyati yoshe ya vushuka. Tukatwala kuli vaLevi, ava valinakutambula camulikumi ku vyakulima vyetu mu membo, na cavulikumi ca ku vimbuto vije vilinakumena mu lifuti lyetu.

Nehemiya 10:39

Vanu va Isalele, na vaLevi, vanapande kutwala milambu ya vimbuto, na vinyu, na mazi a olive ku milili yakutulikila vivala vya mu Njuvo ya Shukulu Kalunga, kuje kuvakakala vaka-kukombelela vaje vali a vipangi, na vaka-kunyunga ku Njuvo ya Shukulu Kalunga, na mbunga ya vaka-kwimba ku Njuvo ya Shukulu Kalunga. Kutukayengula Njuvo ya Shukulu Kalunga Njambi yetu embwe.

Nehemiya 12:47

A simbu ya Zelumbambele, na a simbu lalo ya Nehemiya, vanu va Isalele voshe vakele nakwana vwana a litangwa na litangwa vwakukwasa vaka-kwimba na vaka-kunyunga ku Njuvo ya Shukulu Kalunga. Co vanu vaanene mulambu wakujela kuli vaLevi, co vaLevi vaanene mutambela wa vije vishakiwa kuli vaka-kukombelela.

Isaya 43:23

Kumwanjinenelele vin̄ombelo vyeni vya kwenyeka vya vimanga, kumwanjisingimikile na vin̄ombelo vyeni. Kunjamipesele akushaka vin̄ombelo, nambe kumiyandesa akushaka insense.

Malakiya 3:8

Kuma munu asa kwivila Njambi ndi? Oloni mulinakunjivila. Co mwihula ngweni, ‘Tulinakukwivila vatijo?’ Akunjana cavulikumi na vin̄ombelo.

Kulava 35:2

“Shika vanu va Isalele ngwove, ku vushwana vuje vakatambula, vanapande kwanako vinganda vimo vaLevi ngeci vakalemo amo na mutambela wa mwila wauvwa uje unazengeleka vinganda.

Kwituluka mu Mashiko 12:19

Ngecivene, nyanyameni kesi mukevale vaLevi simbu yoshe ije mukakala mu lifuti lyeni.