Nehemiya 12:8 - Livulu lya Shukulu Kalunga

⁸ VaLevi vapwile, Njeshuwa, na Mbinui, na Kandimyele, na Sheleviya, na Yunda, na Mataniya. Vakevo vakele na moko yakwimbisa myaso ya cikandelela.

Nehemiya 12:8 Iomraidhean Croise

1 Mizimbu 9:33

Co naanga ya vaLevi vamo vakele na moko yakwendesa myaso ya mu Njuvo ya Shukulu Kalunga. Vakulunu va naanga ije vakele mu vinjuvo vimo vya ku Njuvo ya Shukulu Kalunga, co vakele ngoco kuvapangele vipangi vikwavo embwe, omwo vakevo vakele nakupanga mutanya na vutsiki.

Ezela 2:40

Ou ukewo mukana wa vaLevi vaje velukile kutunda ku vunzinda. Va ka cikota ca Njeshuwa na Kandimyele vatekulwila va Hondaviya vapwile 74.

Ezela 3:2

co Yoshwa muna Yehozandake, na nakwavo vaka-kukombelela, na Zelumbambele muna Sheyaletiyele, amo na vavushoko vwendi, vatungulwile mutula wa Njambi ya Isalele, ngeci venyekeleo vin̄ombelo ngwe ku vilongesa vije vivasoneka mu Lishiko lya Mosesa, munu wa Njambi.

Nehemiya 11:17

Mataniya, muna Mika mutekulu wa Zavendi, mutekulwila wa Asafe ikeye watwamenenene malombelo a cikandelela mu Njuvo ya Shukulu Kalunga, co Mbakevukiya, wapwile wakwata kuli Mataniya, na Avenda, muna Shamwa mutekulu wa Ngalale, mutekulwila wa Njendutune.

Nehemiya 11:22

Muka-kupangesa vaLevi vaje vakele mu Yelusalema wapwile Uzi, muna Mbani, mutekulu wa Hashaviya. Vakukulwila vendi vapwile, Mataniya na Mika, co ikeye wakundamene ku cikota ca Asafe, cikota cije capwile ca vaka-kwimba mu vipangi vya Njuvo ya Shukulu Kalunga.

Nehemiya 12:24

Vantwama va vaLevi vapwile, Hashaviya, na Sheleviya, na Njeshuwa, na Mbinui muna kandimyele, co vaLevi vavatepesele mu vimunga vivali vivali vya vaLevi vaje vashangazalele na kukandelela Njambi, kwesekesa ku vilongesa vije vyavaanene Mwene Ndaviti munu wa Njambi.

Nehemiya 12:7

na Salu, na Amoke, na Hilikiya, na Njendaya. Ava vapwile vantwama akati ka vakwavo vaka-kukombelela a matangwa a Yoshwa.

Nehemiya 12:9

Mbekevukiya, na Uno, na vavushoko vwavo vaLevi vakevo vamangele myaso ije vakembi valongisi.

Nehemiya 7:43

Vikota vya vaLevi vaje velukile kutunda ku vunzinda, Njeshuwa na Kandimyele vatekulwila va Hondaviya vapwile 74.

Nehemiya 7:48

na Lembana, na Hangamba, na Shalemai,

Nehemiya 9:4

Kwakele vutenda vwa vaLevi, co aje a vutenda emanene Njeshuwa, na Mbani, na Kandimyele, na Shembaniya, na mbuni, na Sheleviya, na Mbani, na Kenani. Co valombelele nakutambekela kuli Shukulu Kalunga Njambi yavo.