Nehemiya 12:7 - Livulu lya Shukulu Kalunga

⁷ na Salu, na Amoke, na Hilikiya, na Njendaya. Ava vapwile vantwama akati ka vakwavo vaka-kukombelela a matangwa a Yoshwa.

Nehemiya 12:7 Iomraidhean Croise

2 Vimyene 18:18

Asinoni ije mbunga ya mashwalale vasanene Mwene Hezekiya, co ikeye wavatuminine vamyata vendi vatatu nakuliwana navo, Elyakime muna Hilikiya, wapwile mwata wa ku lipela na Shevana muka-kusoneka wa mu mbanja na Yowahe muna Asafe, muka-kunyunga vyakusoneka.

1 Mizimbu 24:18

co yamumakumi avali na iwana ali Maziya.

Ezela 3:2

co Yoshwa muna Yehozandake, na nakwavo vaka-kukombelela, na Zelumbambele muna Sheyaletiyele, amo na vavushoko vwendi, vatungulwile mutula wa Njambi ya Isalele, ngeci venyekeleo vin̄ombelo ngwe ku vilongesa vije vivasoneka mu Lishiko lya Mosesa, munu wa Njambi.

Nehemiya 12:1

Ou ukewo mukana wa mazina a vaka-kukombelela na vaLevi vaje velukile kutunda ku vunzinda na Zelumbambele muna Sheyaletiyele amo na Yoshwa Muka-kukombelela Wakama. Vaka-kukombelela vapwile, Selaya, na Njelemiya, na Ezela,

Nehemiya 12:6

na Shemaya, na Njoalive, na Njendaya,

Nehemiya 12:8

VaLevi vapwile, Njeshuwa, na Mbinui, na Kandimyele, na Sheleviya, na Yunda, na Mataniya. Vakevo vakele na moko yakwimbisa myaso ya cikandelela.

Hangai 1:1

Mu mwaka wamucivali omo Ndalyuse wapwile mwene wa Pelesha, a litangwa lyakulivanga ku ngonde yamucitanu na imo, Shukulu Kalunga walekele Hangai muka-kwimanena ngeci endeke majwi awa kuli Zelumbambele nguvulu wa mu Yunda, muna Sheyaletiyele, na kuli Yoshwa Muka-kukombelela Wakama, muna Yehozandake.

Zakaliya 3:1

Mu cimona cikwavo Shukulu Kalunga wanjimwesele Yoshwa Muka-kukombelela Wakama nemana ku mesho a kangelo ka Shukulu Kalunga. Co kumukulo wa Yoshwa kwemanene lalo Satana, ngeci amuvangeye.