Nehemiya 12:47 - Livulu lya Shukulu Kalunga

⁴⁷ A simbu ya Zelumbambele, na a simbu lalo ya Nehemiya, vanu va Isalele voshe vakele nakwana vwana a litangwa na litangwa vwakukwasa vaka-kwimba na vaka-kunyunga ku Njuvo ya Shukulu Kalunga. Co vanu vaanene mulambu wakujela kuli vaLevi, co vaLevi vaanene mutambela wa vije vishakiwa kuli vaka-kukombelela.

Nehemiya 12:47 Iomraidhean Croise

2 Vimyene 25:30

A litangwa na litangwa, mukuyoya kwendi kwoshe, Yehoyakine vakele nakumwana vimbongo ngeci alande vije vyashakele.

2 Vimyene 7:10

Co vatundile mu cilombo ca vaSilya, velukile ku Samaliya, vasanene vaka-kunyunga ku vikolo vya nganda ngwavo, “Yetu tunaile ku cilombo ca vaSilya, oloni kutwamwene cuma cimo nambe kuziva munu, oloni tuvalu na vimulu kuvavazitwile, vimbalaka lalo vili ngeci muje muvavisezelele vaSilya.”

Ezela 2:2

Vantwama vavo vapwile, Zelumbambele, na Yoshwa, na Nehemiya, na Selaya, na Lelaya, na Molendekai, na Mbileshane, na Misepale, na Mbingevai, na Lehume, na Mbana. Ou ukewo mukana wa vikota vya Isalele, na vungi vwa vaje vatundile ku cikota na cikota ca vanu vaje velukile kutunda ku vunzinda.

Nehemiya 11:23

Kwakele mashiko a vumwene, avemikilile vikota muje muvanapande kwimbilamo mu Njuvo ya Shukulu Kalunga a litangwa na litangwa.

Nehemiya 12:1

Ou ukewo mukana wa mazina a vaka-kukombelela na vaLevi vaje velukile kutunda ku vunzinda na Zelumbambele muna Sheyaletiyele amo na Yoshwa Muka-kukombelela Wakama. Vaka-kukombelela vapwile, Selaya, na Njelemiya, na Ezela,

Nehemiya 12:12

Omo Njoyakime wapwile Muka-kukombelela Wakama, co mukana wa mazina awa a vaka-kukombelela, vakevo vapwile vakulunu va vikota vya vaka-kukombelela, ku cikota ca Selaya kwatundile Melaya, ku cikota ca Njelemiya kwatundile Hananiya.

Nehemiya 12:26

Vanu ava vakele a simbu ya Njoyakime, muna Yoshwa mutekulu wa Yehozandake, na a simbu ya Nehemiya nguvulu, na a simbu ya Ezela muka-kukombelela, uje wapwile muka-kulilongesa Mashiko.

Ngalatiya 6:6

Munu uje valinakulongesa lijwi lya vuka-Yesu napande kulipangela vyuma vyoshe vyavivwa vije alinavyo na mulongisi wendi.

Kwituluka mu Mashiko 18:8

Akakale na vyakulya vyakupwisa amo na vakwavo vaLevi, co napande kutulika vije vyoshe vikatunda ku naanga yendi.