Nehemiya 12:45 - Livulu lya Shukulu Kalunga

⁴⁵ omwo valingile vilika vyakulijelesa na vifutisi vikwavo vije vyashikile Njambi. Vaka-kwimba mu Njuvo ya Shukulu Kalunga, na vaka-kunyunga ku Njuvo ya Shukulu Kalunga, navo lalo vapangele vipangi vyavo kwesekesa ku mashiko aje alingile Mwene Ndaviti na munendi Solomoni.

Nehemiya 12:45 Iomraidhean Croise

2 Vimyene 7:10

Co vatundile mu cilombo ca vaSilya, velukile ku Samaliya, vasanene vaka-kunyunga ku vikolo vya nganda ngwavo, “Yetu tunaile ku cilombo ca vaSilya, oloni kutwamwene cuma cimo nambe kuziva munu, oloni tuvalu na vimulu kuvavazitwile, vimbalaka lalo vili ngeci muje muvavisezelele vaSilya.”

1 Mizimbu 23:28

co vipangi vyavo vyapwile evi, kukwasa vaka-kukombelela vakutunda kuli Alone akulemesa kwa mu Njuvo ya Shukulu Kalunga, kuvwaesa mu vipango na milili yamwo, nakujelesa vyuma vyoshe vyakujela ngeci kesi vijwale,

1 Mizimbu 26:26

Shelomiti na vanu va mu naanga yendi vakele nakunyunga vwana vwoshe vuje vwakundikile kuli Njambi Mwene Ndaviti, na vakulunu va mu naanga, na vantwama va vimbunga vya mu vikota, na vamyata va nzita.

2 Mizimbu 23:6

Kesi mukatave munu umo akakovela mu Njuvo ya Shukulu Kalunga kuvanga lika vaka-kukombelela, na vaLevi vaje vali a vipangi. Vakevo vakasa kukovelamo, omwo vapwa vakujela, oloni vanu voshe vanapande kwononoka mashiko a Shukulu Kalunga, co vakakale anja.