Nehemiya 12:44 - Livulu lya Shukulu Kalunga

⁴⁴ A simbu ije vemikile vanu vaka-kunyunga ku milili yakutulikila milambu ya ku Njuvo ya Shukulu Kalunga, amo na vyavulikumi, na vimbuto vyakulivanga, na vushuka vuje vuvatejele a mwaka na mwaka. Vanu ava vakele na moko yakutambula milambu ku mahya aje akele kuyehi na vinganda vyakuliseza-seza, amo na milambu yakukwasa vaka-kukombelela na vaLevi, kwesekesa ku Mashiko. Vanu voshe va Yunda vavwaelelele na vaka-kukombelela na vaLevi,

Nehemiya 12:44 Iomraidhean Croise

1 Mizimbu 23:28

co vipangi vyavo vyapwile evi, kukwasa vaka-kukombelela vakutunda kuli Alone akulemesa kwa mu Njuvo ya Shukulu Kalunga, kuvwaesa mu vipango na milili yamwo, nakujelesa vyuma vyoshe vyakujela ngeci kesi vijwale,

1 Mizimbu 26:20

Co ku vaLevi Ahiya wakele nakunyunga vufuko vwa mu Njuvo ya Shukulu Kalunga, na milili yakutulikila vwana vuje vuvakundikile kuli Njambi.

1 Mizimbu 9:26

Co vakulunu vaje vawana vapwile vaLevi, vakevo lalo vanyungile milili ya mu Njuvo ya Shukulu Kalunga, na vivala vije vyakelemo.

Nehemiya 10:36

Mwana wa munalume wa ntwatwa uje nasemuka kuli yetu, tukamutwala kuli vaka-kukombelela ku Njuvo ya Shukulu Kalunga, nakumukundika kuli Njambi ngwe ku Mashiko. Co lalo tukakundika muna ngombe wakulivanga kusemuka ku vingombe vetu va lwavo, na muna manga wakulivanga, nambe muna membe wakulivanga kusemuka ku vimanga vetu, nambe ku vimembe vetu.

Visimo 8:34

Navezika munu uje atolilila kuli yange, munu uje atumbama ku cikolo cange, a litangwa na litangwa, munu uje avandamena ku cikolo ca ku njuvo yange.

Isaya 40:31

Oloni vaje vakulaela kuli Shukulu Kalunga mukuvakwasa, vakawana nzili yaiha. Vakapulula a mambava ngwe vingonga, vakashatuka oloni kuvakajuka, vakenda oloni kuvakazeye.”

Kulava 3:10

Ukemika Alone na vana vendi kupanga vipangi vya vuka-kukombelela, oloni munu woshe-iwoshe akashwenya kuyehi, vakamutsiye.”

Loma 12:7

nga vwakupangela, co tunapande kupanga vene, nga vwakulongesa, tulongeseni vene,

Kwituluka mu Mashiko 18:8

Akakale na vyakulya vyakupwisa amo na vakwavo vaLevi, co napande kutulika vije vyoshe vikatunda ku naanga yendi.