Nehemiya 12:36 - Livulu lya Shukulu Kalunga

³⁶ Vanu vakwavo vamwatele va ku cikota cendi, vapwile, Shemaya, na Azalele, na Milalai, na Ngilalai, na Mai, na Netanela, na Yunda, na Hanani, voshe ava vambatele vivala vyakwimbisa vya muyati uje wakele nakwimbisa Mwene Ndaviti, munu wa Njambi. Ezela muka-kulilongesa Mashiko watwamene kulutwe lwa munga.

Nehemiya 12:36 Iomraidhean Croise

1 Mizimbu 23:5

co ava 4,000 vapwile vaka-kunyunga ku vikolo, co vanu vakupwa 4,000 vapwile vaka-kushangazala Shukulu Kalunga na visanzi vije vyaanene Ndaviti ngeci vavipangese.

2 Mizimbu 8:14

Akukavangeya mashiko aje aakele ishe Ndaviti, wavwaesele vipangi vya vaka-kukombelela vya a litangwa na litangwa, na vya vaLevi vaje vakele nakulikwasa na vaka-kukombelela kwimba myaso amolika nakupanga vipangi vyavo. Co wemikile lalo vaka-kunyunga ku Njuvo ya Shukulu Kalunga ngeci vase kupanga vipangi vyavo vyakunyunga ku cikolo cimo na cimo a litangwa na litangwa ngwe ku mashiko a Ndaviti, munu wa Njambi.

Ezela 7:1

Munima yevi, omo Aletasheleshe wapwile mwene wa Pelesha, kwakele munalume umo lizina lyendi Ezela. Ikeye wazivukile vakukulwila vendi va kunima kweta kuli Alone Muka-kukombelela Wakama, vakevo ava, Ezela wapwile muna Selaya, Selaya wapwile muna Azaliya, Azaliya wapwile muna Hilikiya,

Ezela 8:1

Ou ukewo mukana wa vikota vya vakulunu vaje vakele mu vunzinda mu Mbambilone, vaje velukile amolika na Ezela ku Yelusalema omo Aletasheleshe wapwile mwene.

Nehemiya 12:24

Vantwama va vaLevi vapwile, Hashaviya, na Sheleviya, na Njeshuwa, na Mbinui muna kandimyele, co vaLevi vavatepesele mu vimunga vivali vivali vya vaLevi vaje vashangazalele na kukandelela Njambi, kwesekesa ku vilongesa vije vyavaanene Mwene Ndaviti munu wa Njambi.

Nehemiya 12:35

Co wakwatako wapwile, Zekaliya, muna Yonatana mutekulu wa Shemaya. (Vakukulwila vendi lalo vapwile Mataniya, na Mikaya, na Zakule, wa ku cikota ca Asafe.)

Amose 6:5

Yeni mwashaka kutunga myaso, ngwe mwalingile Ndaviti, nakuyimba a tulyalya.

Kulava 1:8

Ku muyati wa Isakale muka-kukwasa wapwile Netanela muna Zuwale.