Nehemiya 12:30 - Livulu lya Shukulu Kalunga

³⁰ Co vaka-kukombelela na vaLevi valijelesele vakevo vavenya, na vanu, na vikolo, na civumbe ca nganda.

Nehemiya 12:30 Iomraidhean Croise

Kushangumuka 35:2

Ngecivene, Yakomba wendekele ku naanga yendi na kuli voshe vaje wakele navo amo ngwendi, “Tundiseni vinjambi veka vaje vali akati keni. Lijeleseni nakuzala vuzalo vwakujela.

1 Mizimbu 15:14

Asinoni vaka-kukombelela na vaLevi valijelesele ngeci vakashake Cikasa ca Cikumiiyo ca Shukulu Kalunga Njambi ya Isalele.

2 Mizimbu 29:34

Vaka-kukombelela vapwile vavandondo ngeci vatsiye vimuna voshe ava, co vaLevi vavakwasele noo vamanesele vipangi. Co a simbu ije vaka-kukombelela vavangi valijelesele. (VaLevi vapwile va kulongwa mu vimbunge mukulijelesa kutuvakana vaka-kukombelela.)

2 Mizimbu 29:5

wendekele kuli vakevo ngwendi, “Yeni vaLevi munapande kulijelesa ngeci mujelese Njuvo ya Shukulu Kalunga, Njambi ya vakukulwila veni. Tundiseni vyuma vyoshe vije vijwalesa ku Njuvo ya Shukulu Kalunga.

Ezela 6:21

Co vin̄ombelo vyoshe vavilile kuli vaIsalele voshe vaje velukile kutunda ku vunzinda, na vaje voshe vombilile vingila vya vaje vaka-kujeneka kukulaela, vaje vakele mu lifuti, oloni vezile nakulemesa Shukulu Kalunga Njambi ya Isalele.

Nehemiya 12:29

nakutunda ku Mbetengilingale, na ku Ngeva, na ku Azemavete.

Nehemiya 13:22

Njashikile vaLevi ngeci valijelese, na kuya mukunyunga ku vikolo, nakumona ngeci Litangwa Lyakuhwima linapu lyakujela. Njanuke Yove Njambi, a eci lalo, njiteteleko omwo cizemo cove cakama manene.

Nehemiya 13:30

Ngecivene, njajelesele vanu ku vyuma vyoshe vya vaka-kwija, njavwaeselele vaka-kukombelela na vaLevi mashiko ngeci munu na munu azivuke vipangi vyendi,

Yombi 1:5

Ku mutondo omo ciwano cinahu, Yombi wakele nakwinduka mutondo-tondo nakukombelela vin̄ombelo vya kwenyeka kupwisa ku umo na umo wa vana vendi mukuvajelesa. Ikeye wakele nakulinga eci simbu yoshe omwo wayongwele ngeci amo umo wa vana vendi nalingi vuvi nakushaula Njambi kwakujeneka kucizivuka.

Kutuuka 19:10

co Shukulu Kalunga wendekele kuli ikeye ngwendi, “Ya kuli vanu ukavaleke ngeci valivwaese lelo na imene. Vanapande kulijelesa nakulemesa. Co vanapande kukusha vuzalo vwavo

Kutuuka 19:15

co Mosesa wendekele kuli vakevo ngwendi, “Livwaeseleni cimweja ku litangwa lya indele, umo kesi akalimone na munakazi a simbu eyi.”

VaHevelu 5:1

Muka-kukombelela Wakama woshe wapwa wakwangula akati ka vanu nakumwimika ngeci apangele Njambi mukuvemanenako, kukombelela vin̄ombelo na milambu ya a vuvi.

VaHevelu 5:3

Omwo ikeye lalo wapwa wakuzeya, napande kukombelela n̄ombelo kesi ya vaje vanu vaka-vivi lika embwe oloni na vuvi vyendi vavenya lalo.