Nehemiya 12:26 - Livulu lya Shukulu Kalunga

²⁶ Vanu ava vakele a simbu ya Njoyakime, muna Yoshwa mutekulu wa Yehozandake, na a simbu ya Nehemiya nguvulu, na a simbu ya Ezela muka-kukombelela, uje wapwile muka-kulilongesa Mashiko.

Nehemiya 12:26 Iomraidhean Croise

2 Mizimbu 9:26

Ikeye wapwile mwene wakama kutuvakana vimyene voshe va mu lifuti kutunda ku Ndonga ya Yufuleti kweta ku Filisitiya na ku nginga ya Ingito.

Ezela 7:11

Evi vikevyo vin̄anda vyakele mu mukanda uje waanene Mwene Aletasheleshe kuli Ezela, muka-kukombelela na muka-kusoneka, uje wakele manene na mana akusoneka majwi a Mashiko a Shukulu Kalunga na vizilika vyendi vije vyaanene kuli vaIsalele.

Ezela 7:6

Ezela watundile ku Mbambilone. Ikeye wapwile muka-kusoneka uje wazivukile mwamuvwa Lishiko lya Mosesa, lije lyamwanene Shukulu Kalunga, Njambi ya Isalele. Omwo Ezela wakele na vivezikiso vya kuli Shukulu Kalunga Njambi yendi, co mwene wamwanene vyuma vyoshe vije vyalombele.

Nehemiya 8:1

Ku ngonde yamucitanu na vivali, vanu va Isalele voshe vakele mu vinganda vyavo. Co a litangwa lyakulivanga ku ngonde ije vene voshe vakungulukilile mu Yelusalema, mushandangala ku Cikolo ca Mema. Co valombele Ezela, muka-kukombelela na muka-kulilongesa Mashiko aje Shukulu Kalunga waanene kuli vaIsalele ali Mosesa, ngeci anene livulu lya Mashiko.

Nehemiya 8:9

Omo vanu vazivile vije vyakele mu Mashiko, vimbunge vyavo vyavetwele, co vashangumukile kulila. Ngecivene, Nehemiya, uje wapwile nguvulu, na Ezela muka-kukombelela na muka-kulilongesa Mashiko, na vaLevi vaje vanungulwile Mashiko valekele vanu voshe ngwavo, “Litangwa lino linapu lyakujela kuli Shukulu Kalunga Njambi yeni, ngecivene, kumwapandele kukala na vusiwa nambe kulila.