Nehemiya 12:24 - Livulu lya Shukulu Kalunga

²⁴ Vantwama va vaLevi vapwile, Hashaviya, na Sheleviya, na Njeshuwa, na Mbinui muna kandimyele, co vaLevi vavatepesele mu vimunga vivali vivali vya vaLevi vaje vashangazalele na kukandelela Njambi, kwesekesa ku vilongesa vije vyavaanene Mwene Ndaviti munu wa Njambi.

Nehemiya 12:24 Iomraidhean Croise

1 Vimyene 17:24

Co uje fwile wamukumbulwile ngwendi, “Njizivuka ngeci yove unapu u munu wa Njambi, mwa vushunga vene Shukulu Kalunga alinakwendeka muli yove!”

1 Mizimbu 16:4

Co Ndaviti wemikile vaLevi vamo mukutwamenena kulemesa Shukulu Kalunga, Njambi ya Isalele, kulutwe lwa Cikasa ca Cikumiiyo, mukumwimbila nakumushangazala.

2 Mizimbu 8:14

Akukavangeya mashiko aje aakele ishe Ndaviti, wavwaesele vipangi vya vaka-kukombelela vya a litangwa na litangwa, na vya vaLevi vaje vakele nakulikwasa na vaka-kukombelela kwimba myaso amolika nakupanga vipangi vyavo. Co wemikile lalo vaka-kunyunga ku Njuvo ya Shukulu Kalunga ngeci vase kupanga vipangi vyavo vyakunyunga ku cikolo cimo na cimo a litangwa na litangwa ngwe ku mashiko a Ndaviti, munu wa Njambi.

Ezela 2:40

Ou ukewo mukana wa vaLevi vaje velukile kutunda ku vunzinda. Va ka cikota ca Njeshuwa na Kandimyele vatekulwila va Hondaviya vapwile 74.

Nehemiya 11:17

Mataniya, muna Mika mutekulu wa Zavendi, mutekulwila wa Asafe ikeye watwamenenene malombelo a cikandelela mu Njuvo ya Shukulu Kalunga, co Mbakevukiya, wapwile wakwata kuli Mataniya, na Avenda, muna Shamwa mutekulu wa Ngalale, mutekulwila wa Njendutune.

Nehemiya 12:23

Vakulunu va naanga ya vaLevi, vavasonekele mu livulu lya mizimbu noo a simbu ya Yonatana, mutekulu wa Elyashimbe.

Nehemiya 12:36

Vanu vakwavo vamwatele va ku cikota cendi, vapwile, Shemaya, na Azalele, na Milalai, na Ngilalai, na Mai, na Netanela, na Yunda, na Hanani, voshe ava vambatele vivala vyakwimbisa vya muyati uje wakele nakwimbisa Mwene Ndaviti, munu wa Njambi. Ezela muka-kulilongesa Mashiko watwamene kulutwe lwa munga.

Nehemiya 8:7

Asinoni vakatukile nakwimana mu myela yavo, co vaLevi vaje vanungulwilile vanu Mashiko, vapwile, Njeshuwa, na Mbani, na Sheleviya, na Njamine, na Akumbe, na Shavetai, na Hondiya, na Maseya, na Kelita, na Azaliya, na Yozavande, na Hanane, na Pelaya.

Nehemiya 9:4

Kwakele vutenda vwa vaLevi, co aje a vutenda emanene Njeshuwa, na Mbani, na Kandimyele, na Shembaniya, na mbuni, na Sheleviya, na Mbani, na Kenani. Co valombelele nakutambekela kuli Shukulu Kalunga Njambi yavo.

Kwituluka mu Mashiko 33:1

Evi vikevyo vivezikiso vije Mosesa, munu wa Njambi, wavezikisile navyo vanu va Isalele omo kanda atse.

1 Timateo 6:11

Oloni ali yove munu wa Njambi, tewa vyuma vyoshe vije. Kavangeya vushunga na vu Njambi nakukulaela na cizemo na lukakateya na kwoloka.

2 Timateo 3:17

ngeci munu uje apangela Njambi apwe wamutunu nakushula kwakuvwa mukupanga vipangi vyoshe vyavivwa.

Yoshwa 14:6

Asinoni vanu va ku muyati wa Yunda vezile kuli Yoshwa ku Ngilingale. Umo wa ali vakevo wapwile Kalembi muna Njefune kaKeni, wendekele kuli ikeye ngwendi, “Yove wazivuka vije vyendekele Shukulu Kalunga mu Kandeshe Mbaleneya kuli Mosesa munu wa Njambi ali yove nange.