Nehemiya 11:30 - Livulu lya Shukulu Kalunga

³⁰ na mu Zanowa, na mu Andulame, na mu membo aje akele kuyehi na vinganda evi. Co vakele mu Lakishe na ku mahya aje aateleko, na mu Azeka na mu membo amwo. Eci cinanunguluka ngeci, vanu va Yunda vakele mu mutambela wa mukati ka Mbeleshemba mu mbwela, nakweta na ku Cana ca Hinome ku kunto.

Nehemiya 11:30 Iomraidhean Croise

Kushangumuka 21:14

Alikaki mutondo-tondo, Avilahama waanene Hangale vyakulya na njeke ya cilambu yakushula ya mema. Wamutwikilevyo a mutwe, co wamwakele mwana ku mwongo, wamushuwile. Ngecivene, Hangale waile nakuyevangela mu mambo ya Mbeleshemba.

Kushangumuka 25:16

Ava vakevo vapwile vakukulwila va miyati likumi na ivali, co mazina avo vaalukile membo avo na vilombo vyavo, vapwile vana va vimyene va vanalume likumi na vavali ngwe ku miyati yavo.

2 Vimyene 23:10

Mwene Yosiya wasiwile lalo Tofete, mutambela vakele nakulemesela vaka-kujeneka kukulaela, mu Cana ca Hinome, ngeci naumo wai akakombelele munendi wa munalume nambe wa munakazi kumupwisa n̄ombelo ya kwenyeka kuli njambi Moleki.

Nehemiya 11:29

na mu Enelimone, na mu Zola, na mu Njalemute,

Nehemiya 11:31

Vanu va muyati wa Mbenjemani vakele mu Ngemba na mu Mikemashe, na mu Ai, na mu Mbetele, na mu membo akwatako,

Nehemiya 3:13

Hanune na vandambo va mu nganda ya Zanowa vatungulwile mutambela wa ku Cikolo ca ku Cana, vaakele vikolo mu myela yavyo, co vaakele tupateso na mikambo yakupatesa ku cikolo, co vatungulwile civumbe cakweta ku mamita 440, kweta ku Cikolo ca Vyuma vya Mazilo.

Isaya 37:8

Lambashake mwata wa vaAsilya wanangukile ngeci kuma mwene natundu mu Lakishe, alinakulwa na nganda ya muyehi ya Limbena, ngecivene, waile kuje nakumwihula.

Njelemiya 19:2

Iteni mu Cikolo ca Potishende muye ku Cana ca Hinome, ya ukambulule majwi aje anjikakuleka.

Njelemiya 19:6

Ngecivene, simbu ikaija omo mutambela uno kuvakautumbula lalo Tofete nambe Cana ca Hinome. Oloni vakautumbula Cana Cakutsiila.

Njelemiya 32:35

Vanatungu mitula ya Mbale mu Cana ca Hinome, mukukombelela vana vavo va vanalume, na ava va vanakazi kuli njambi Moleki. Kunjavashikile kulinga evi embwe, kuvyakovelele mu mbunge yange, ngeci valinge cuma ca cifwa cangacije nakulingisa vanu va mu Yunda vuvi.”

Mika 1:15

Vanu va Malesha, Shukulu Kalunga akamyana ku mavoko a citozi, uje akafungulula nganda yeni. Vantwama va Isalele vakaya nakulishweka mu linzenzengoma ku Andulame.

Yoshwa 10:3

Ngecivene, Andonizendeke mwene wa mu Yelusalema watumine lijwi kuli Mwene Hohame wa ku Hevelone, na kuli Mwene Pilame wa ku Njalemute, na kuli Mwene Njafiya wa ku Lakishe, na kuli Mwene Ndembile wa ku Engelone ngwendi,

Yoshwa 12:15

na Limbena, na Andulame,

Yoshwa 15:39

na Lakishe, na Mbozekate, na Engelone,

Yoshwa 15:8

asinoni nginga yetile mu Cana ca Hinome, ku mutambela wa ku mbwela ya lilundu kuje kwakele nganda ya vaNjevushi ikeyo Yelusalema. Co nginga yalamatele a lilundu ku mutambela wa ka ngombe ka yambi ya Cana ca Hinome, ku shongo ya ku kunto ya Cana ca Lefaime.

Yoshwa 18:16

Co yashelumukilile kwisi ya munkinda uje walishungamene na Cana ca Hinome, ku shongo ya Cana ca Lefaime ku kunto. Co yakengeselele lalo ku mbwela mukati ka Cana ca Hinome, ku mbwela ya vaNjevushi kuje yetele ku Enelongele.