Nehemiya 11:1 - Livulu lya Shukulu Kalunga

¹ Vantwama vatungile mu Yelusalema na vanu vaje vasaleleo, vatele n̄ela kwangula naanga imo a vinaanga likumi, kutunga mu Yelusalema nganda yakujela, co vakwavo vatanu na vawana vaje vasaleleo vakevo vakele mu vinganda vikwavo na mu vindandanga.

Nehemiya 11:1 Iomraidhean Croise

1 Mizimbu 26:13

Naanga yoshe, yaindondo nambe yakama, vatele n̄ela ngeci vamone cikolo muka cije vanapande kunyunga.

1 Mizimbu 8:28

Ava vakevo vakulunu va vakukulwila va vinaanga na vatekulwila vavo vaje vatsimanene mu Yelusalema.

1 Mizimbu 9:1

Vanu va Isalele voshe vavasonekele ngwe ku naanga yavo, co vin̄anda evi vavisonekele mu Livulu lya Mizimbu ya Vimyene va mu Isalele. Co vanu va mu Yunda vavatwalele ku vunzinda ku Mbambilone omwo yakuvulumuna kwavo.

1 Mizimbu 9:2

Co vakulivanga kwiluka ku vufuko vwavo na mu vinganda vyavo vapwile vaIsalele, na vaka-kukombelela, na vaLevi, na vaka-kupanga mu Njuvo ya Shukulu Kalunga.

1 Mizimbu 9:3

Vanu va ku miyati ya Yunda, na Mbenjemani, na Efalime, na Manase vaile nakukakala mu Yelusalema.

Nehemiya 10:34

Yetu, na vanu, na vaka-kukombelela, na vaLevi, tukata n̄ela a mwaka na mwaka mukuwana cikota ca vanu vaje vanapande kunena vitale vyakwenyekela vin̄ombelo vyakukombelela kuli Shukulu Kalunga Njambi yetu, ngwe kukushika kwa Mashiko.

Nehemiya 11:18

VaLevi voshe vaje vakele mu Yelusalema nganda yakujela vapwile 284.

Nehemiya 4:22

A simbu ije njalekele vanalume vaka-kupangesa ngwange vakevo na vakwasi vavo vakale mu Yelusalema a simbu ya vutsiki, ngeci vanyunge nganda, co ku mutanya vapange.

Myaso 122:5

Kuje kukekwo kwakala matanda akusompesela, matanda a ku njuvo ya Ndaviti.

Myaso 122:6

Lombeleni ngeci mu Yelusalema mukale kwoloka, “Vaje vaka-kukuzema vakale mu kwoloka!

Visimo 16:33

Vanu vakate n̄ela ngeci vawane cizango ca Njambi, oloni Njambi ikeye muka-kutava vije vinapande kulingiwa.

Isaya 48:2

Muli na kulyalesa nakwendeka ngweni munapu vandambo va Yelusalema, nganda yakujela, nakukulaela kuli Njambi ya Isalele, uje lizina lyendi lyapwa Shukulu Kalunga Muka-nzili yoshe.

Isaya 52:1

Yelusalema kala na nzili na vukama lalo! Nganda yakujela ya Njambi, zala vuzalo vwove vwavuvwa! Vaka- kulemesa Shukulu Kalunga vaje vasiwile nganda yove yakujela, kuvakakovelamo lalo mu nganda.

Mateo 27:53

Co vatundile mu vimbumbo, co omo Yesu wasangukile ku vatsi, vaile ku Nganda Yakujela, kuje vanu vavangi vavamwene.

Mateo 4:5

Co Liyavola watwalele Yesu ku Yelusalema, Nganda Yakujela, wamwimikile a kashongwa ka Njuvo ya Shukulu Kalunga,

Vilinga vya Miluwa 1:24

Asinoni valombelele ngwavo, “Mwene, yove uzivuka viyongola vya vanu voshe, ngecivene, tusholwele iya umo akati kaava vanu vavali iwunaangula

Vilinga vya Miluwa 1:26

Asinoni vatele n̄ela mukwangula akati ka vanalume ava vavali, co uje vaangwileo wapwile Maseyase, co vamukumbasanene ku munga ya miluwa likumi na umo.

Yoshwa 18:10

Co Yoshwa watele n̄ela ku Shilo nakwihula Shukulu Kalunga ali vakevo, co ikeye waanene livu ku muyati umo na umo wa Isalele vaje vasaleleo.